Բացել գլխավոր ցանկը

Վասիլի Անդրեևիչ Տրոպինին (ռուս.՝ Василий Андреевич Тропинин, 1776 թ. մարտի 30 (հին տոմարով` մարտի 19) — 1857 թ. մայիսի 15 (հին տոմարով` մայիսի 3)), ռուս նկարիչ։ Մինչև 1823 թ.-ը եղել է ճորտ։ Մոտ 1798 թ.-ից սովորել է Պետերբուրգի Գեղարվեստի ակադեմիայում՝ Ս․ Ս․ Շչուկինի մոտ։ Մինչև 1821 թ.-ը ապրել է Ուկրաինայում և Մոսկվայում, ապա՝ հաստատվել Մոսկվայում։

Վասիլի Տրոպինին
Tropinin-self - cropped and downsized.jpg
Ի ծնեВасилий Тропинин
Ծնվել էմարտի 19 (30), 1776
ԾննդավայրQ60231149?, Novgorod County, Նովգորոդի նահանգ, Ռուսական կայսրություն
Վախճանվել էմայիսի 3 (15), 1857[1] (81 տարեկանում)
Մահվան վայրՄոսկվա, Ռուսական կայսրություն[2]
ՔաղաքացիությունՌուսական կայսրություն
ԿրթությունՍանկտ Պետերբուրգի գեղարվեստի ակադեմիա
Մասնագիտություննկարիչ
Ժանրդիմապատկեր
Ուշագրավ աշխատանքներԺանեկագործուհի և Ա.Վ.Տրոպինինի դիմանկար
Vasily Tropinin Վիքիպահեստում

Ստեղծագործության ծաղկման շրջանում (1820 - 1830-ական թթ․ կեսեր) կերպարները կերտել է դիտարկված բնութագրումներով, լիահունչ գույներով, ծավալներն օժտել քանդակային հստակությամբ (Պ․ Ա․ Բուլախովի, 1823 թ., Ա․ Ս․ Պուշկինի, 1827 թ., դիմանկարները, Ա․ Ս․ Պուշկինի համամիութենական թանգարան, ք․ Պուշկին, Լենինգրադի մարզ)։

1830 - 1840-ական թթ․ դիմանկարներում գերակշռում են ժանրային գծերը, բարդ կոմպոզիցիան, մանրամասերը, որոնք Տրոպինինին հնարավորություն են տվել ստեղծելու ժամանակակիցների տիպական, սուր բնութագրական կերպարներ (Վ․ Ա․ Զուբովայի դիմանկարը, 1834 թ.)։

Տրոպինինը կատարել է ուկրաինական գյուղացիների բնութագրական էտյուդ-դիմանկարների շարք, ստեղծել հաճախ իդեալականացված ու սենտիմենտալ, բայց անկեղծությամբ գերող, հասարակ մարդկանց ժանրային, կիսով չափ դիմանկարային պատկերի տիպը («Ժանյակագործուհի», 1823 թ., հիշատակված բոլոր գործերը, բացի Ա․ Մ․ Պուշկինի դիմանկարից, գտնվում են Տրետյակովյան պատկերասրահում, Մոսկվա)։

Տրոպինինի ստեղծագործությունը կարևոր նշանակություն է ունեցել XIX դ․ ռուսական դեմոկրատական արվեստի զարգացման ասպարեզում։ 1969 թ.-ին Մոսկվայում բացվել է Տրոպինինի և նրա ժամանակակից մոսկովյան նկարիչների թանգարան։

Տրոպինինի նկարներից «Եղունգները կարող կինը» (1847 թ.) պահվում է Հայաստանի ազգային պատկերասրահում։

ՊատկերասրահԽմբագրել

ԾանոթագրություններԽմբագրել

  1. RKDartists
  2. Тропинин Василий Андреевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։