Վահան Սիմոնյան
- Վիքիպեդիայում կան հոդվածներ Սիմոնյան ազգանունով այլ մարդկանց մասին։
Վահան Մելիքի Սիմոնյան (1909, Ախլաթյան, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն), հայ մանկավարժ։ ԽՄԿԿ անդամ (1930): Հայրենական մեծ պատերազմի մասնակից։
| Վահան Սիմոնյան | |
|---|---|
| Ծնվել է | 1909 |
| Ծննդավայր | Ախլաթյան, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Հայկական պետական մանկավարժական համալսարան (1941) |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  և  |
Կենսագրություն
խմբագրելՎահան Սիմոնյանը ծնվել է 1909 թվականին Սիսիանի շրջանի Ախլաթյան գյուղում։ 1929-1938 թվականներին եղել է Ախլաթյան, Դարաբաս և Տոլորս գյուղերի դպրոցների տնօրեն և պատմության ուսուցիչ։ 1930 թվականին ընդունվել է ԽՄԿԿ շարքերը։ 1941 թվականին ավարտել է Երևանի մանկավարժական ինստիտուտի հեռակա բաժնի պատմության ֆակուլտետը։ 1942 թվականի փետրվարի 22-ին զորակոչվել է բանակ։ Սովորել է Թելավի և Բաքվի ռազմական ուսումնարաններում։ Ռազմական ուսումնարանն ավարտել, ստացել է կրտսեր լեյտենանտի կոչում, կռվել 126-րդ Կարմիր դրոշի շքանշանակակիր հրաձգային դիվիզիայի շարքերում, որպես դասակի հրամանատար։ 1943 թվականի հուլիսին մասնակցել է Դոնեցկ, Զապորոժիե, Մելիտոպոլ քաղաքների ազատագրման համար մղված մարտերին, արիաբար կռվել և իրավորվել է, ապաքինվելուց հետո վերադարձել զորամաս[1]։
Պարգևատրվել է «1941-1945 թթ. Հայրենական մեծ պատերազմում Գերմանիայի դեմ տարած հաղթանակի», մարտական և մի քանի հոբելյանական մեդալներով, աշխատանքային «Պատվո նշան» շքանշանով[1]։
1944 թվականին Սիմոնյանը ռազմաճակատում կրկին ծանր վիրավորվել է, ազատվել զինվորական ծառայությունից և որպես 2-րդ խմբի հաշմանդամ զորացրվել է և վերադառնալով հայրենիք՝ նշանակվել դպրոցի տնօրեն, աշխատել մինչև կենսաթոշակի անցնելը[1][2]։
Պարգևներ
խմբագրել- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
- «Պատվո նշան» շքանշան
Ծանոթագրություններ
խմբագրել- ↑ 1,0 1,1 1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «ՍԻՄՈՆՅԱՆ ՎԱՀԱՆ ՄԵԼԻՔԻ». ԶԱՆԳԵԶՈՒՐ (ռուսերեն). 2010 թ․ մայիսի 6. Վերցված է 2020 թ․ սեպտեմբերի 29-ին.