Բացել գլխավոր ցանկը

Վահագն Հովնանյան

հայ հասարակական գործիչ

Վահագն Ստեփանի Հովնանյան (փետրվարի 16, 1932(1932-02-16), Քիրքուք, Իրաք - օգոստոսի 31, 2015(2015-08-31), Երևան, Հայաստան[1]), հայ գործարար։

Վահագն Ստեփանի Հովնանյան
Վահագն Հովնանյան.jpg
Վահագն Հովնանյանը «Վահագնի» թաղամասի մակետի առջև
Ծնվել էփետրվարի 16, 1932
ԾննդավայրՔիրքուք, Իրաք
Մահացել էօգոստոսի 31 , 2015 (83 տարեկանում)
Մահվան վայրԵրևան, Հայաստան
Ազգությունհայ
Կրոնքրիստոնեություն
Մասնագիտությունհասարակական գործիչ
ԱշխատանքԳործարար
ԱմուսինՀասմիկ Բաղդոյան-Հովնանյան
Պարգևներ և
մրցանակներ
Մեծի Տանն Կիլիկիո կաթողիկոսության ասպետի պատվավոր կոչում և Հայ առաքելական եկեղեցու արքայազն կոչում
ԵրեխաներՇանթ Հովնանյան, Նինա Հովնանյան
Կայքvahakni.com

Գործարար, ձեռնարկատեր Ժիրայր և ճարտարագետ-ձեռնարկատեր, հասարակական գործիչ, գործարար Հրայր Հովնանյանների եղբայրը։

ԿենսագրությունԽմբագրել

1952 թվականին ավարտել է Բաղդադի քոլեջը, 1956 թվականին՝ Ֆիլադելֆիայի Ս. Ջոզեֆի համալսարանը, (Փենսիլվանիա նահանգ)` ստանալով ֆիզիկոս բակալավրի աստիճան։

Աշխատանքային գործունեությունԽմբագրել

1959 թվականին հիմնել է (եղբայրների հետ) «Հովնանյան եղբայրներ» կորպորացիան (եղել է փոխնախագահ), 1969 թվականին՝ սեփական անշարժ գույքի շինարարության («Hovhit») ընկերությունը։ Գործունեության ծավալների աճելուն պես, ընկերությունը ճյուղավորվեց և ստեղծվեցին մի քանի դուստր ընկերություններ՝ "V.S. Hovnanian Group", "Adelfia Water Company", "Adelfia Sewer Company", "Hovnanian Realty", "Clear Title Agency" և "Grandview Cable"։ 1985 թվականին Հովնանյանը որդու՝ Շանթի հետ նախաձեռնեցին հաճախականության լայն ընդգրկումով հեռահաղորդակցության ընկերություն, հիմնելով "Cellular Vision" կորպորացիան, որը հետագայում վերանվանվեց "SpeedUS" կորպորացիայի։

1960-ականներին Հովնանյանը 4 տարի շարունակ եղել է Նյու Ջերսի նահանգի Ռիջֆիլդ քաղաքի Սուրբ Վարդանանց Հայ Առաքելական եկեղեցու հոգաբարձուների խորհրդի նախագահ։

«Հովնանյան Ինթերնեյշնլ» (1998 թվականից) և «Հովնանյան Գրուպ» ընկերությունների նախագահ։

Վահագն Հովնանյանի բարեգործական ծրագրերը նպատակաուղղված են հայ մշակույթի զարգացմանն ու պահպանմանը, նաև Հայաստանում տուրիզմի զարգացմանը։ Կնոջ՝ Հասմիկ Հովնանյանի հետ 1976 թվականին Նյու Միլֆորդ քաղաքում (Նյու Ջերսի նահանգ) հիմնել է հայկական դպրոց, նպաստել է ԱՄՆ-ի հյուսիսարևելյան հայ համայնքի կրթական, կրոնական և մշակութային խնդիրների լուծմանը։

2000 թվականին ՀՀ-ում հիմնել են Սայաթ-Նովայի անվան, 2002 թվականին՝ «Վահագն» մրցանակաբաշխությունները։ 2001 թվականի մայիսին ստեղծել է Հայկական տուրիզմի զարգացման գործակալությունը (ՀՏԶԳ)[2][3]։

Ռիջֆիլդ քաղաքի (Նյու Ջերսի նահանգ) Սուրբ Վարդանանց եկեղեցու հոգաբարձուների խորհրդի նախագահ, Ամերիկա-Իսրայել բարեկամության խորհրդի անդամ։

1998 թվականին Երևանում կառուցել է Վահագնի թաղամասը[4]։

Պարգևներ, մրցանակներԽմբագրել

  • Մեծի Տանն Կիլիկիո կաթողիկոսության ասպետի պատվավոր կոչում 1969 թվականին:
  • Հայ առաքելական եկեղեցու արքայազն կոչում
  • Սուրբ Գրիգոր Լուսավորիչ շքանշան Սուրբ Լեոնի և Սուրբ Վարդանանց եկեղեցիների «Ակնառու ծառայությունների համար»,
  • Կանադա-հայկական «Տարվա հայ» մրցանակ
  • «էլլիս Այլանդ» (ԱՍՆ) մրցանակ
  • «Մարդասիրական» (1998, Նյու Տորք) մրցանակ[5]
  • Գյումրու պատվավոր քաղաքացի[6], 2004

Մեջբերումներ Վահագն Հովնանյանի մասինԽմբագրել

  Պատմությունը կերտում են անհատները։ Այն մեծ երազ ու տեսիլք ունեցող անհատները, որոնք նույնացել են իրենց երազի հետ։ «Ես երազ ունեմ», քաղաքական պատվանդանից մի այսպիսի ոգևորության պահի հուզմունքից ու լարումից թրծված աչքերով ազդարարեց Մարթին Լութր Քինգը։ Այս պարզ նախադասությունը հեղաշրջեց ու վարակեց շատ շատերին։ Միլիոնավոր հոգիներ դարձան այդ երազի հետապնդողները։ Վահագն Հովնանյանն առանց պատվանդանի, հայի թախծոտ ու երազող աչքերով ու առանց կեցվածքի, պարզապես իր կենսականությամբ ու իր ապրելու ձևով ասում է. «Ե՛ս եմ իմ երազը։ Իսկ ինձ մնում է ասել` զգուշացեք… Վահագնը երազում է։  


ԾանոթագրություններԽմբագրել

Արտաքին հղումներԽմբագրել