Սևավիզ կարապ
| Սևավիզ կարապ | |
 Սևավիզ կարապ | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Քորդավորներ (Chordata) |
| Ենթատիպ | Ողնաշարավորներ (Vertebrata) |
| Դաս | Թռչուններ (Aves) |
| Կարգ | Սագանմաններ (Anseriformes) |
| Ընտանիք | Բադեր (Anatidae) |
| Ցեղ | Կարապներ (Cygnus) |
| Տեսակ | Սևավիզ կարապ (C. melancoryphus) |
| Միջազգային անվանում | |
| Cygnus melancoryphus | |
| Տարածվածություն և պահպանություն | |
Հատուկ պահպանության կարգավիճակ՝  Քիչ մտահոգող տեսակ  Տաքսոնի տարածվածությունը | |
Սևավիզ կարապ[1] (լատին․՝ Cygnus melancoryphus[2]), բադանմանների (Anatidae) ընտանիքի կարապների ցեղի թռչուն։
Արտաքին տեսք
խմբագրելՀասուն առանձնյակների միջին երկարությունը կազմում է 102-124 սմ, միջին քաշը՝ 3,5-6,7 կգ[3]։ Թևերի բացվածքը հասնում է 135-177 սմ[4]։ Արուներն զգալիորեն ավելի մեծ են, քան էգերը։ Տեսակի տարբերվող հատկությունը սև գույնի պարանոցը և գլուխն է մնացած սպիտակ փետրավորման ֆոնին։ Աչքի վերևով ձգվում է բարակ հորիզոնական սպիտակ շերտ։ Կտուցը մոխրագույն է, հիմքի մոտ ունի մեծ կարմիր սանրանման գերաճ։ Ոտքերը վարդագույն են։
Տարածվածություն
խմբագրելՍևավիզ կարապը բնադրում է Հարավային Ամերիկայի հարավում՝ միջին Չիլիից ու Պատագոնիայից մինչև Հրո երկիր և Ֆոլկլենդյան կղզիներ։ Ձմռանը սևավիզ կարապները թռչում են հյուսիս՝ Պարագվայ և հարավարևելյան Բրազիլիա։
Կենսակերպ
խմբագրելՍևավիզ կարապները բնակվում են առաջին հերթին փոքր լճերի և քաղցրահամ ջրով ճահիճների մոտ, ինչպես նաև ծովալճակների ու ծովային փակ հրվանդանների մոտ։ Հիմնականում սնվում են ջրիմուռներով և ջրային այլ բույսերով, որոնք հանում են գլխով ջրի տակ սուզվելով։
Բազմացում
խմբագրելԶուգավորումն սկսվումէ հուլիսից, այսինքն՝ այն ժամանակ, երբ հարավային կիսագնդում ձմեռ է, և շարունակվում մինչև նոյեմբեր։ Բույնը պատրաստում են ծովափնյա եղեգների մեջ կամ փոքր կղզիներում։ Էգը դնում է երեքից ութ ձու և թուխս նստում հինգ շաբաթ, իսկ արուն խնամում ու պաշտպանում է նրան։ Մոխրագույն ճտերը արագ դուրս են գալիս բնից, և ծնողները նրանց հաճախ կրում են իրենց մեջքի փետուրների միջև։ Երեք ամսվա ընթացքում ճուտերը սովորում են թռչել։
Պատկերասրահ
խմբագրել
Ծանոթագրություններ
խմբագրել- ↑ Ռ. Ղազարյան, Կենդանիների անունների հայերեն-ռուսերեն-լատիներեն կարգաբանական բառարան։ Գիրք Բ։ Թռչուններ։ Երևան, «Մակմիլան-Արմենիա», 2001, 120 էջ։
- ↑ Бёме Р. Л., Флинт В. Е. Пятиязычный словарь названий животных. Птицы. Латинский, русский, английский, немецкий, французский / Под общ. ред. акад. В. Е. Соколова. — М.: Рус. яз., «РУССО», 1994. — С. 33. — 2030 экз. — ISBN 5-200-00643-0.
- ↑ del Hoyo, J. Elliott, A. and Sargatal, J.(1992). [andbook of the Birds of the World. Volume 1:Ostrich to Ducks Lynx Edicions, Barcelona
- ↑ Ogilvie & Young, Wildfowl of the World. New Holland Publishers (2004), 978-1-84330-328-2
Գրականություն
խմբագրել- David, N. & Gosselin, M. (2002). "Gender agreement of avian species names." Bull. B. O. C. 122: 14-49.
Արտաքին հղումներ
խմբագրել- BirdLife Species Factsheet
- Black-necked Swan videos Արխիվացված 2006-06-28 Wayback Machine on the Internet Bird Collection
- Black-necked Swan photo gallery VIREO
 | Վիքիցեղերն ունի նյութեր, որոնք վերաբերում են «Սևավիզ կարապ» հոդվածին։ |
 | Վիքիպահեստն ունի նյութեր, որոնք վերաբերում են «Սևավիզ կարապ» հոդվածին։ |