Ստեփան Սաթունց
Ստեփան Քրիստափորի Սաթունց (սեպտեմբերի 15, 1910, Թիֆլիս, Ռուսական կայսրություն - փետրվարի 18, 1985, Մոսկվա, ԽՍՀՄ), հայ խորհրդային ճարտարապետ։ Մոսկվայի ճարտարապետության ինստիտուտի պրոֆեսոր։
| Ստեփան Սաթունց | |
|---|---|
 | |
| Ծնվել է | սեպտեմբերի 15, 1910 |
| Ծննդավայր | Թիֆլիս, Ռուսական կայսրություն |
| Մահացել է | փետրվարի 18, 1985 (74 տարեկան) |
| Վախճանի վայր | Մոսկվա, ԽՍՀՄ |
| Կրթություն | Թբիլիսիի գեղարվեստի ակադեմիա և Ռուսաստանի ճարտարապետության և շինարարության ակադեմիա |
Ճարտարապետ Քրիստափոր Տեր-Սարգսյանի որդին։
Կենսագրություն խմբագրել
Սովորել է Վրաստանի գեղարվեստի ակադեմիայի ճարտարապետական ֆակուլտետում, 1931 թվականին ավարտել է Վրաստանի ինժեներա-շինարարական ինստիտուտը։ Աշխատել է Թբիլիսիում։ 1944 թվականից դասավանդում էր Մոսկվայի ճարտարապետության ինստիտուտում (1970 թվականից՝ պրոֆեսոր)։ Միաժամանակ աշխատել է նախագծային կազմակերպություններում։
Սաթունցի նախագծերով կառուցվել են՝ հանգստյան տուն Դագրայում (1933-1935 թթ.), Ծղալտուբոյում (1935-1937 թթ.), կրկեսի շենք Թբիլիսիում (1940 թ., ճարտարապետ Նեպրինցևի և Ուրուշաձեի հետ), Վրաստանի ԿԿ Թբիլիսիի քաղկոմի շենքը (1940 թ., Կուրդիանիի հետ), կրկեսի շենք Գորկիում (1949-1954 թթ.), շամպայն գինիների գործարանի շենքը Երևանում (1949 թ.), Երևանի «Արարատ» ռեստորանի և սրճարանի ներսի հարդարումը (1949 թ., ճարտարապետ Կարո Հալաբյանի հետ)[1]։
Ծանոթագրություններ խմբագրել
- ↑ «Члены союза». uaa.am. Արխիվացված է օրիգինալից 2016 թ․ հունիսի 4-ին. Վերցված է 2016 թ․ սեպտեմբերի 20-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 114)։ 
|