Սոֆյա Տայուրսկայա
Սոֆյա Տայուրսկայա (ռուս.՝ Со́фья Алексе́евна Таю́рская; մայիսի 1, 1991, Իրկուտսկ, ՌԽՖՍՀ, ԽՍՀՄ), ռուս երգչուհի և երգերի հեղինակ, «Little Big» փանկ փոփ ռեյվ խմբի վոկալիստ։ 2020 թվականի մայիսի 12-ից 16-ը Սոֆյայի խումբը պետք է ներկայացներ Ռուսաստանը Եվրատեսիլ 2020 երգի մրցույթում[1]։ 2020 թվականի մարտի 12-ին Առաջին ալիքի «Երեկոյան Ուրգանտ» ծրագրի ժամանակ կայացել է «UNO» երգի պրեմիերան, որով Little Big-ը պետք է ելույթ ունենար այդ մրցույթում[2][3]։ Սակայն, 2020 թվականի մարտի 18-ին կազմակերպիչները հայտարարել են Եվրատեսիլ 2020 երգի մրցույթի չեղարկման մասին COVID-19 համավարակի պատճառով[4]։ Մրցույթը տեղափոխվել է 2021 թվական, որի համար երկրների ներկայացուցիչները պետք է նոր երգեր ձայնագրեն, քանի որ մրցույթի կաննոների համաձայն այս տարվա երգերը չեն կարող այլևս օգտագործվել։
| Սոֆյա Տայուրսկայա | |
|---|---|
_%D0%BD%D0%B0_%D0%92%D0%B8%D0%B4%D1%84%D0%B5%D1%81%D1%82_2016_%D0%B2_%D0%A1%D0%9F%D0%B1.jpg) | |
| Ծնվել է | մայիսի 1, 1991 (32 տարեկան) Իրկուտսկ, ՌԽՖՍՀ, ԽՍՀՄ |
| Երկիր |  Ռուսաստան |
| Ժանրեր | ռեյվ |
| Մասնագիտություն | հեղինակ-կատարող և երգչուհի |
| Լեյբլ | Warner Music Russia և Warner Music Group |
| Կրթություն | Սանկտ Պետերբուրգի մշակույթի պետական ինստիտուտ (2012) |
| Անդամակցություն | Little Big |
 Sofya Tayurskaya Վիքիպահեստում | |
Կենսագրություն խմբագրել
Սոֆյա Տայուրսկայան ծնվել է 1991 թվականի մայիսի 1-ին Իրկուտսկում, սակայն, շուտով նա ծնողների հետ տեղափոխվել է Նովոդվինսկ փոքր քաղաքը։ Նա երկու ավագ քույրեր և մեկ կրտսեր եղբայր ունի[5]։ 6 տարեկանում Սոֆյան երաժշտական դպրոցի պատրաստման կուրսեր է հաճախել, իսկ 7 տարեկանում սկսել է զբաղվել դաշնամուրով։ Ամառային արձակուրդներին նա գնում էր Իրկուտսկ, որտեղ մինչև հիմա էլ ապրում են նրա բարեկամները։ Իր ձգտման շնորհիվ նա հույսեր էր ներշնչում, և արդեն մեկ տարի անց մարզիչները նրան ուղարկել են մասնակցելու մրցույթին, որտեղ Սոֆյան երկրորդ հորիզոնական է զբաղեցրել։ 12 տարեկանում նա սկսել է հաճախել «Էդելվեյս» մանկական ստուդիան, որտեղ զբաղվել է վոկալով[6]։ Դպրոցն ավարտվելուց հետո նա տեղափոխվել է Սանկտ Պետերբուրգ, որտեղ ընդունվել է Սանկտ Պետերբուրգի պետական մշակույթի ինստիտուտ[7]։ Ինստիտուտում սովորելու ժամանակ նա վաստակում էր, ելույթ ունենալով բարերում, սրճարաններում և կարաոկեներում։ Իր ուսանողական տարիներին ապագա արտիստուհին ավելորդ քաշ է ունեցել, բայց դիետա պահելով և սպորտով զբաղվելով՝ նրան հաջողվել է ավելորդ քաշը գցել։ 2008 թվականին, ավարտելով համալսարանը և ստանալով «թատերականացված ներկայացումների ռեժիսոր» մասնագիտությամբ դիպլոմ, նա մնացել է Սանկտ Պետերբուրգում։
Կարիերա խմբագրել
2014 թվականին Սոֆյան հայտնվել է «Little Big» ռեյվ խմբում, սակայն տեսհոլովակներում չէր հայտնվում։ Միայն 2016 թվականին կայացել է նրա դեբյուտային ելույթը խմբի կազմում՝ «Hateful Love» տեսահոլովակում, որը թողարկվել է 2016 թվականին։ Խումբը սիբիրյան քաղաքներ էր նվաճում, իսկ հետո համերգներ էր տալիս Մոսկվայում և Սանկտ Պետերբուրգում։ 2017 թվականին նրանք մեծ շրջագայություն են ունեցել Եվրոպայով։ Համերգային ծրագրով նրանք ելույթներ են ունեցել Ամստերդամում, Ստրասբուրգում, Բարսելոնայում, Փարիզում և այլ քաղաքներում։
Արտաքին տեսք խմբագրել
Սոֆյան մեծ ուշադրություն է դարձնում իր արտաքին տեսքին։ Արդեն մի տարուց ավելի նա մերսումներ է հաճախում, գլխի պլազմոլիֆթինգ և լազերային էպիլյացիաներ է անում։
«Little Big» խմբում իր կարիերայի սկզբում նա հանդես էր գալիս երկար խիտ հյուսով, հետո գույնզգույն խոպոպ է հայտնվել, իսկ հետե՝ աֆրիկյան դռեդեր։ Ունի ավելի քան 10 փիրսինգներ․ ձախ ունքին, աջ քթածակում և մի քանի օղ՝ ամեն ականջի վրա[8]։
Տեսահոլովակներ Little Big-ի կազմում խմբագրել
| Անվանում | Թողարկման ամսաթիվ | Ալբոմ |
|---|---|---|
| «Hateful Love» | Հունիսի 28, 2016 | Funeral Rave |
| «Polyushko Polye» | Հոկտեմբերի 17, 2016 | Funeral Rave |
| «U can take» | Փետրվարի 21, 2017 | սինգլ |
| «Rave on» | Մարտի 31, 2017 | սինգլ |
| «Farandenza» | Օգոստոսի 9, 2018 | ANTIPOSITIVE PT. 2 |
| «AK-47» | Սեպտեմբերի 21, 2018 | ANTIPOSITIVE PT. 2 |
| «Go bananas» | Նոյեմբերի 15, 2019 | Go Bananas |
| «ROCK-PAPER-SCISSORS» | Հոկտեմբերի 25, 2019 | |
| «Skibidi» | Հոկտեմբերի 5, 2018 | ANTIPOSITIVE PT. 2 |
| «Skibidi» (romantic edition) | Մարտի 18, 2019 | Live in St. Petersburg |
| «I’m OK» | Հունիսի 14, 2019 | սինգլ |
| «Uno» | Մարտի 13, 2020 | Երգ Եվրատեսիլի համար |
Ծանոթագրություններ խմբագրել
- ↑ Группа Little Big будет представлять Россию на конкурсе «Евровидение» Первый канал
- ↑ ВИДЕО. Программа «Вечерний Ургант». Группа «Little Big» — песня «Uno». Премьера клипа на конкурс «Евровидение» (фрагмент выпуска от 12 марта 2020 года).(չաշխատող հղում) Официальный сайт «Первого канала» // 1tv.ru (12 марта 2020 года)
- ↑ «Little Big» представила песню для «Евровидения». РИА «Новости» // ria.ru (12.марта 2020 года)
- ↑ «Евровидение-2020» отменено из-за коронавируса. Газета «Известия» // iz.ru (18 марта 2020 года)
- ↑ «Софья Таюрская: аппетитная солистка группы "Little Big". Стиль и образы» (ռուսերեն). Яндекс Дзен | Платформа для авторов, издателей и брендов. Վերցված է 2020 թ․ մարտի 27-ին.(չաշխատող հղում)
- ↑ «Софья Таюрская» (ռուսերեն). 24SMI. Վերցված է 2020 թ․ մարտի 27-ին.
- ↑ «Софья Таюрская - певица - биография | Последние новости жизни звезд 7Дней.ру» (ռուսերեն). 7Дней.ру. Վերցված է 2020 թ․ մարտի 27-ին.
- ↑ «Софья Таюрская: биография, личная жизнь, фото» (ռուսերեն). stars-top.ru. Վերցված է 2020 թ․ մարտի 27-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Սոֆյա Տայուրսկայա» հոդվածին։ |