Սոֆի Ֆրեմիե

Սոֆի Ֆրեմիե
Ի ծնե	ֆր.՝ Sophie Frémiet
Ծնվել է	հունիսի 16, 1797
Ծննդավայր	Դիժոն
Վախճանվել է	դեկտեմբերի 4, 1867[…] (70 տարեկան)
Մահվան վայր	Փարիզ
Քաղաքացիություն	Ֆրանսիա
Մասնագիտություն	նկարչուհի
Ուսուցիչ	Anatole Devosge?
Աշակերտներ	Uranie Alphonsine Colin-Libour? և Adèle Kindt?
Ամուսին	Ֆրանսուա Ռյուդ
Ազգականներ	Louis-Gabriel Monnier? և Էմանյուել Ֆրեմյե
	ստորագրություն;
	Sophie Rude Վիքիպահեստում

Սոֆի Ֆրեմիե (Ռյուդ) (ֆր.՝ Sophie Fremiet, հունիսի 16, 1797(1797-06-16)^[1], Դիժոն - դեկտեմբերի 4, 1867(1867-12-04)^[1]^[2]^[3]^[…], Փարիզ^[4]), ֆրանսիացի դիմանկարային նկարչուհի, քանդակագործ Ֆրանսուա Ռյուդի կինը։

Կենսագրություն խմբագրել

Սոֆի Ֆրեմիեն ծնվել է 1797 թվականին Դիժոնում^[6]։ Մորական կողմից պապը եղել է Լուի-Գաբրիել Մոնյեն՝ Դիժոնի կերպարվեստի թանգարանի առաջին պահապանը^[7]։ Հայրը՝ Լուի Ֆրեմիեն ևս հետաքրքրված է եղել արվեստով, մտերիմ է եղել ինտելեկտուալ և արվեստագետների շրջանակին։ Նա աջակցել է երիտասարդ քանդակագործ Ֆրանսուա Ռյուդին, օգնել նրան նյութապես և հաճախ հրավիրել իրենց տուն^[8]։ Գեղանկարչության առաջին դասերը Սոֆին ստացել է Անատոլ Դևոժից՝ նկարիչ Ֆրանսուա Դևոժի որդուց, որի հետ մտերիմ է եղել իր պապը։ Ինքն Անատոլը եղել է Ժակ Լուի Դավիդի աշակերտը և Դիժոնի գեղարվեստի դպրոցի հիմնադիրը^[8]։

Բուրբոնների վերականգնման տարիներին Սոֆիի հայրը, լինելով մոլի բոնապարտական, ստիպված է եղել լքել Ֆրանսիան։ Նա հանգրվանել է Բրյուսելում^[6], որտեղ էլ նրան ուղեկցել է հովանավորյալ Ֆրանսուա Ռյուդը^[7]։ Սոֆին Բրյուսելում ընդունվել է Դավիդի մոտ աշակերտելու^[6], որը ևս այդ ժամանակ աքսորման մեջ էր գտնվում։ Ուսուցիչը բարձր է գնահատել Սոֆիի տաղանդը և նրան վստահել իրականացնելու իր աշխատանքների կրկնօրինակները^[8]։ Սոֆին նաև մասնակցություն է ունեցել է Բրյուսելում և Անտվերպենում ցուցահանդեսների։ 1818 թվականին Սոֆին Բրյուսելի սալոնում ներկայացրել է երկու դիմանկար. առաջին իրական հաջողությունը նրան 1820 թվականին բերել է «Հիասքանչ Անտիա» նկարը^[7]^[8]։

1821 թվականին Սոֆի Ֆրեմիեն ամուսնացել է Ֆրանսուա Ռյուդի հետ։ 1822 թվականին ծնվել է նրանց որդի Ամեդեուսը (մահացել է 1830 թվականին Փարիզում)։ Բրյուսելում Սոֆին ստեղծել է դիմանկարներ, դիցաբանական տեսարաններ և կրոնական բովանդակությամբ նկարներ։ Նա նաև ստացել է պատվերներ, այդ թվում Տերվյուրենի պալատի համար նկարներ, դուքս դ'Արենբերգի գրադարանի համար այլաբանական կերպարներ և այլն^[8]։ 1826 թվականին Ֆրանսուա Ռյուդը որոշել է վերադառնալ Փարիզ։ Նա ստեղծել է Ֆրանսիայի հզոր անձանց քանդակային պատկերներ, Սոֆին ևս դիմել է պատմական գեղանկարչությանը։ Սակայն նրա սիրելի թեման մնացել է դիմանկարչությունը, ընդ որում՝ նրա դիմանկարների տաք, ռոմանտիկ ոճը հակադրվել է նկարչուհու պատմական և կրոնական նկարների խիստ ակադեմիզմի հետ։ Նա հիմնականում նկարել է ընկերներին, ընտանիքի անդամներին և մտերիմներին, ինչպես նաև պատվերներ վերցրել փարիզյան և գավառական վերնախավից^[7]։

1832-1836 թվականներին Ռյուդն աշխատել է Փարիզի Հաղթական կամարի քանդակների ստեղծման վրա^[7]։ Մարսելյեզ անունով կերպարի համար որպես բնորդուհի հանդես է եկել Սոֆին^[9]։

1855 թվականին Ֆրանսուա Ռյուդը մահացել է։ Այրիացած Սոֆին շատ բան է արել ամուսնու հիշատակի և ժառանգության պահպանման համար։ 1867 թվականին թաղվել է ամուսնու կողքին՝ Մոնպառնասի գերեզմանատանը^[7]։

Սոֆի Ֆրեմիե, ամուսնու՝ Ֆրանսուա Ռյուդի դիմանկարը
Սոֆի Ֆրեմիեն որպես բնորդուհի Հաղթական կամարի կերպարի համար

Ծանոթագրություններ խմբագրել

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 Sophie Rude (նիդերլ.)
↑ ^3,0 ^3,1 ^3,2 Benezit Dictionary of Artists — OUP, 2006. — ISBN 978-0-19-977378-7
↑ ^4,0 ^4,1 ^4,2 Union List of Artist Names — 2011.
↑ RKDartists (նիդերլ.)
↑ ^6,0 ^6,1 ^6,2 «Rude Sophie». www.culture.gouv.fr (անգլերեն). Վերցված է 2022 թ․ մարտի 29-ին.
↑ ^7,0 ^7,1 ^7,2 ^7,3 ^7,4 ^7,5 Musée des beaux-arts de Dijon
↑ ^8,0 ^8,1 ^8,2 ^8,3 ^8,4 Dictionnaire des femmes belges, 2006, էջ 257
↑ Dictionnaire des femmes belges, 2006, էջ 258

Գրականություն խմբագրել

Eliane Gubin Fremiet Sophie // Dictionnaire des femmes belges: XIXe et XXe siècles. — Lannoo Uitgeverij, 2006. — P. 257—258.
Geiger, Monique, Sophie Rude peintre et femme de sculpteur, une vie d'artiste au XIXe siècle (Dijon - Bruxelles - Paris). Dijon, Société des amis des Musées de Dijon, 2004. 2-9523255-0-2

Արտաքին հղումներ խմբագրել

«François et Sophie Rude, citoyens de la liberté : un couple d'artistes au XIXe siècle» (PDF) (ֆրանսերեն). Musée des beaux-arts de Dijon.

Վիքիպահեստն ունի նյութեր, որոնք վերաբերում են «Սոֆի Ֆրեմիե» հոդվածին։

[_030daf8be901668a-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_b564dd3e8970f870-2] 2,0 ^2,1 ^2,2 Sophie Rude (նիդերլ.)

[_a935afa36ade67cf-3] 3,0 ^3,1 ^3,2 Benezit Dictionary of Artists — OUP, 2006. — ISBN 978-0-19-977378-7

[_44d547ddd17c41e4-4] 4,0 ^4,1 ^4,2 Union List of Artist Names — 2011.

[_4134838c9830868b-5] RKDartists (նիդերլ.)

[:0-6] 6,0 ^6,1 ^6,2 «Rude Sophie». www.culture.gouv.fr (անգլերեն). Վերցված է 2022 թ․ մարտի 29-ին.

[Musée_des_beaux-arts_de_Dijon———-7] 7,0 ^7,1 ^7,2 ^7,3 ^7,4 ^7,5 Musée des beaux-arts de Dijon

[Dictionnaire_des_femmes_belges—2006——257-8] 8,0 ^8,1 ^8,2 ^8,3 ^8,4 Dictionnaire des femmes belges, 2006, էջ 257

[Dictionnaire_des_femmes_belges—2006——258-9] Dictionnaire des femmes belges, 2006, էջ 258

[1]

[2]

[3]

[4]

[5]

[6]

[7]

[8]

[9]