Սուրեն Օսիպյան

Սուրեն Արտաշեսի Օսիպյան (օգոստոսի 28, 1931(1931-08-28), Շաքի, Ադրբեջանական ԽՍՀ, ԱԽՖՍՀ, ԽՍՀՄ - մարտի 24, 2019(2019-03-24), Մոսկվա, Ռուսաստան), հայ իրավաբան, իրավաբանական գիտությունների դոկտոր (2005), պրոֆեսոր (2006)։ ՀԽՍՀ վաստակավոր իրավաբան (1982), ԽՍՀՄ դատախազության պատվավոր գործիչ (1988), Հայաստանի Խորհրդային Սոցիալիստական Հանրապետության դատախազ (1971-1988), արդարադատության երկրորդ դասի պետական խորհրդական։

Սուրեն Արտաշեսի Օսիպյան
Ծնվել է	օգոստոսի 28, 1931(1931-08-28)
Ծննդավայր	Շաքի, Ադրբեջանական ԽՍՀ, ԱԽՖՍՀ, ԽՍՀՄ
Մահացել է	մարտի 24, 2019(2019-03-24) (87 տարեկան)
Մահվան վայր	Մոսկվա, Ռուսաստան
Քաղաքացիություն	ԽՍՀՄ և  Հայաստան
Կրթություն	ԵՊՀ իրավաբանական ֆակուլտետ
Գիտական աստիճան	իրավաբանական գիտությունների դոկտոր
Մասնագիտություն	իրավաբան
Աշխատավայր	Երևանի պետական համալսարան
Պարգևներ և մրցանակներ	և

Կենսագրություն

Սուրեն Օսիպյանը ծնվել է 1931 թվականին, Նուխի քաղաքում։ 1947 թվականին ավարտել է տեղի միջնակարգ դպրոցը։ Սովորել է Երևանի պետական համալսարանի իրավաբանական ֆակուլտետում, որն ավարտել է 1952 թվականին։ Այնուհետև ընդունվել է ասպիրանտուրա՝ միաժամանակ դասախոսելով ԵՊՀ իրավագիտության ֆակուլտետում և այլ կրթօջախներում։

1959 թվականին պաշտպանել է թեկնածուական, 2005 թվականին՝ դոկտորական ատենախոսություն։ 1961 թվականին նրան շնորհվել է դոցենտի, 2006 թվականին՝ պրոֆեսորի կոչում։

1968-1970 թվականներին եղել է ԵՊՀ պետական իրավունքի ամբիոնի վարիչ, 1967-1971 թվականներին՝ իրավագիտության ֆակուլտետի դեկան, 1971-1988 թվականներին՝ Նորզելանդացի ։ Նրան շնորհվել է ԽՍՀՄ արդարադատության 2-րդ դասի պետական խորհրդականի կոչում։ 1992-2007 թվականներին եղել է Ռուսաստանի Դաշնության գլխավոր դատախազության գիտահետազոտական ինստիտուտի գլխավոր գիտաշխատող։

Եղել է ՀԽՍՀ Գերագույն խորհրդի չորս գումարումների պատգամավոր։

Պարգևներ

Պարգևատրվել է Աշխատանքային կարմիր դրոշի (1972), Ժողովուրդների բարեկամության (1981) շքանշաններով և մի շարք մեդալներով։

Ծանոթագրություններ

Նախորդող Վարդգես Մուսախանյան

ՀԽՍՀ դատախազ Սուրեն Օսիպյան 1971-1988 թթ.

Հաջորդող Վլադիմիր Նազարյան