Սուրեն Հովակիմյան
- Վիքիպեդիայում կան հոդվածներ Հովակիմյան ազգանունով այլ մարդկանց մասին։
Սուրեն Գալուստի Հովակիմյան (1911 - 1991), հայ մանկավարժ։ ՀԽՍՀ վաստակավոր ճարտարագետ (1961): Տեխնիկական գիտությունների թեկնածու, դոցենտ։ ԽՄԿԿ անդամ (1939): Հայրենական մեծ պատերազմի մասնակից։
| Սուրեն Հովակիմյան | |
|---|---|
| Ծնվել է | 1911 |
| Մահացել է | 1991 |
| Քաղաքացիություն |  Ռուսական կայսրություն և  ԽՍՀՄ |
| Կրթություն | ՀԱՊՀ |
| Կոչում | դոցենտ |
| Գիտական աստիճան | տեխնիկական գիտությունների թեկնածու |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  |
Կենսագրություն
խմբագրելՍուրեն Հովակիմյանը ծնվել է 1911 թվականին Գորիսի շրջանի Ազատաշեն գյուղում։ 1930 թվականին Մանկավարժական տեխնիկումն ավարտելուց հետո ֆիզիկա և մաթեմատիկա է դասավանդել Հալիձոր, Խնձորեսկ, Վերիշեն գյուղերի և Գորիս քաղաքի դպրոցներում։ Երևանի պոլիտեխնիկական ինստիտուտի շինարարական ֆակուլտետն ավարտելու հետ մեկտեղ ստացել է կրտսեր լեյտենանտի կոչում[1]։
1941 թվականին Սուրենը զորակոչվել է բանակ և որպես սակրավորների դասակի հրամանատար, ծովային հատուկ բրիգադի կազմում մեկնել գործող բանակ։ Մասնակցել է ճակատամարտերին և երկու անգամ վիրավորվել։ 1944 թվականին ազատվել է զինվորական ծառայությունից[1]։
Պարգևատրվել է «Մարտական ծառայության համար», «Կովկասի պաշտպանության համար», «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» և ուրիշ մեդալներով[1]։
Բանակից հիվանդության պատճառով զորացրվելուց հետո կատարել է մանկավարժական աշխատանք դպրոցներում, տեխնիկումներում և պոլիտեխնիկական ինստիտուտում։ Դասավանդել է «Նյութերի դիմադրություն» առարկան, 1957-1967 թվականներին եղել է ինստիտուտի պրոռեկտոր[1]։
Եղել է տեխնիկական գիտությունների թեկնածու, դոցենտ։ 1961 թվականին Հովակիմյանին շնորհվել է վաստակավոր ինժեների կոչում։ ԽՄԿԿ շարքերն ընդունվել է 1939 թվականին[1][2]։
Սուրեն Հովակիմյանը մահացել է 1991 թվականին։ Թաղված է Երևանի Շահումյան գերեզմանոցում[3]։
Պարգևներ
խմբագրել- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» շքանշան
- «Մարտական ծառայության համար» մեդալ
- «Կովկասի պաշտպանության համար» մեդալ
Ծանոթագրություններ
խմբագրել- ↑ 1,0 1,1 1,2 1,3 1,4 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «ՀՈՎԱԿԻՄՅԱՆ ՍՈՒՐԵՆ ԳԱԼՈՒՍՏԻ». ԶԱՆԳԵԶՈՒՐ (ռուսերեն). 2010 թ․ մայիսի 4. Վերցված է 2020 թ․ հոկտեմբերի 6-ին.
- ↑ «The memorial of Hovakimyan Suren (Սուրեն Հովակիմյան Գալուստի) buried at Yerevan's Shahumyan cemetery». hush.am (անգլերեն). Վերցված է 2020 թ․ հոկտեմբերի 6-ին.