Սուրբ Գրիգոր Նարեկացի եկեղեցի (Վաղաշեն)
- Անվան այլ կիրառումների համար տե՛ս՝ Սուրբ Գրիգոր Նարեկացի եկեղեցի (այլ կիրառումներ)
Սուրբ Գրիգոր Նարեկացի եկեղեցի, Հայ Առաքելական եկեղեցի Գեղարքունիքի մարզի Վաղաշեն գյուղում։
Սուրբ Գրիգոր Նարեկացի եկեղեցի (Վաղաշեն)
| |
Եկեղեցի | |
---|---|
Տեղադրություն | Վաղաշեն, Հայաստան |
Աշխարհ | Հայաստան |
Կրոնադավանանք | Հայ Առաքելական եկեղեցի |
Ճարտարապետություն | |
Կարգավիճակ | Կանգուն |
Ճարտարապետ(ներ) | Հրաչյա Գասպարյան |
Ճարտարապ. ոճ | Հայկական |
Կառուցման ավարտ | 2014, հոկտեմբերի 4 |
Առանձնահատկություններ | |
Երկարություն | 12 մետր |
Լայնություն | 8 մետր |
Բարձրություն | 18 մետր |
40°08′16″ հս․ լ. 45°19′45″ ավ. ե.HGЯO |
Պատմություն խմբագրել
Սուրբ Գրիգոր Նարեկացի եկեղեցու օծման սրբազան արարողությունը տեղի է ունեցել 2014 թվականի հոկտեմբերի 4-ին։
Բացման արարողությանը ներկա են գտնվել Գեղարքունիքի թեմի առաջնորդ Մարկոս եպիսկոպոս Հովհաննիսյանը, եկեղեցու ճարտարապետ, ծնունդով քեսաբահայ Հրաչյա Գասպարյանը, բարերար Հենրիկ Մելքոնյանը, վաղաշենցիներ, հյուրեր[1]։
Տվյալներ խմբագրել
Սուրբ Գրիգոր Նարեկացի եկեղեցին ունի 18 մետր բարձրություն, 12 մետր երկարություն և 8 մետր լայնություն, կենտրոնագմբեթ է, ավանդատները գտնվում են արևելյան հատվածում, խորանի հարավային և հյուսիսային կողքերում։ Չորս հզոր կամարների վրա նստած է հովհարաձև վեղարով գմբեթը։ Հիմքերը կառուցված են բազալտից, իսկ պատերն ու թմբուկն ամբողջությամբ՝ Անի-Պեմզայի տուֆ քարից։ Եկեղեցին կառուցվել է Հենրիկ Մելքոնյանի բարերարությամբ։
Սուրբ Գրիգոր Նարեկացի եկեղեցին գտնվում է գյուղի կենտրոնում, 19-րդ դարում Ալաշկերտից գաղթած հայերի ձեռքերով կառուցված բազիլիկ կիսավեր եկեղեցու և գեղաքանդակ խաչքարերով հարուստ միջնադարյան գերեզմանոցի հարևանությամբ։