Սուրբ Աթանասիոսի տաճար
Սուրբ Աթանասիոսի տաճար (հուն․՝ Μητροπολιτικός Ναός Aγίου Aθανασίου), հույն ուղղափառ եկեղեցի, որը գտնվում է Հունաստանի Լեսբոս կղզում։ Համարվում է կղզու Միտիլինի քաղաքի մայր տաճարը։
| Սուրբ Աթանասիոսի տաճար հուն․՝ Μητροπολιτικός Ναός Aγίου Aθανασίου | |
|---|---|
 | |
| Հիմնական տվյալներ | |
| Տեսակ | ուղղափառ տաճար |
| Երկիր |  Հունաստան |
| Տեղագրություն | Հունաստան, Լեսբոս |
| Դավանանք |  Հույն ուղղափառ եկեղեցի |
| Ներկա վիճակ | կանգուն |
| Ժառանգության կարգավիճակ | գրանցված հնագիտական տարածք Հունաստանում և protected building in Greece? |
| Ճարտարապետական ոճ | Բյուզանդական ճարտարապետություն |
| Առաջին հիշատակում | 1707 թվական |
 | |
 | |
Տաճարի մասին առաջին հիշատակումը թվագրվում է 1707 թվականին[1]։ Սուրբ Աթանասիոսի տաճարը հատկապես նշանավոր է նրանով, որ այստեղ է պահվում հույն ուղղափառ եկեղեցու նահատակ Թեոդոր Բյուզանդացի մասունքները[2][3]։
Պատմություն խմբագրել
Տաճարի շինարարական աշխատանքների սկզբի և ավարտի մասին քիչ բան է հայտնի։
Հայտնի է միայն այն, որ 1707 թվականին՝ Օսմանյան Հունաստանի գոյության օրոք, Սուրբ Աթանասիոսի տաճարը ենթարկվել է վերակառուցման։
Ենթադրվում է, որ ամենայն հավանականությամբ տաճարը կառուցվել է 16-րդ դարի վերջին և 17-րդ դարի սկզբին։
Եկեղեցու զանգակատունը կառուցվել է 1882 թվականին և ունի 33 մետր բարձրություն։ Եկեղեցին կրում է հույն ուղղափառ եկեղեցու սուրբ Սուրբ Աթանասիոսի անունը։
Ճարտարապետություն խմբագրել
Սուրբ Աթանասիոսի տաճարը ճարտարապետորեն կառուցված է, որպես խաչագմբեթ բազիլիկ։ Եկեղեցու պատկերակալը հանդիսանում է Լեսբոս կղզու նախաբյուզանդական արվեստի մարգարիտներից մեկը[1][4]։
Պատկերակալի ստորին հատվածը զարդարված է բուսական և կենդանական նախշերով և այլ խորհրդանշաններով։
1900-1901 թվականներին լեսբոսցի սրբանկարիչ Նիկոս Կեսանլիսը տաճարի պատերը զարդարել է Վերածննդի շրջանի որմնանկարներով։
Տաճարի կենտրոնում պատկերված է երգլխանի արծիվ։ Պատկերակալի վրա պատկերված է Հիսուս Քրիստոսի 16-րդ դարի սրբապատկերը, որն այստեղ է բերվել Փոքր Ասիայից։ 1798 թվականից եկեղեցում պահվում է 1795 թվականին թուրքերի կողմից սպանված նահատակ Թեոդոր Բյուզանդացու մասունքները։
Ծանոթագրություններ խմբագրել
- ↑ 1,0 1,1 «Այոս Աթանասիոսի մայր տաճարի պատմությունը». Արխիվացված է օրիգինալից 2016 թ․ օգոստոսի 2-ին. Վերցված է 2017 թ․ ապրիլի 22-ին.
- ↑ Թեոդոր Բյուզանդացի նահատակի մասունքները Լեսբոս կղզում
- ↑ «Թուրքերի կողմից սպանված նահատակները՝ հույն ուղղափառ եկեղեցու նահատակներ». Արխիվացված է օրիգինալից 2016 թ․ նոյեմբերի 4-ին. Վերցված է 2017 թ․ ապրիլի 22-ին.
- ↑ Սուրբ Աթանասիոսի տաճարը // Պատմական տուր Միտիլենեում
Արտաքին հղումներ խմբագրել
- Սուրբ Աթանասիոսի մայր տաճարի պատմություն
- Հունաստանի Լեսբոս կղզու տեսարժան վայրերը՝ Սուրբ Աթանասիոսի տաճար
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Աթանասիոսի տաճար կատեգորիայում։ |
