Սյուդ Գրեզիվոդան
Սյուդ Գրեզիվոդան (ֆր.՝ Sud Grйsivaudan), Իզեր դեպարտամենտի 29 շրջաններից մեկը։ Շրջանի INSEE կոդը 3823 է։ Սյուդ Գրեզիվոդան ամբողջովին գտնվում է Գրենոբլ ընտրատարածքում[1]։ Շրջանը ստեղծվել է 2015 թվականին Վինե, Պոնտ-ան-Ռուայան, Սեն-Մարսելեն և Տյուլեն շրջանների միավորումից։
Սյուդ Գրեզիվոդան | ||
ֆր.՝ Sud Grйsivaudan | ||
Սուրբ Անտուան աբբայությունը | ||
Երկիր | Ֆրանսիա | |
---|---|---|
Շրջան | Ռոնա-Ալպի | |
Ղեկավար | Լորա Բոնֆոյ, Բերներ Պարազիո | |
Հիմնադրված է | մարտի 22, 2015 թ. | |
Մակերես | 548,12 կմ² | |
Բնակչություն | 40823 մարդ (2012) | |
|
Աշխարհագրական դիրք խմբագրել
Սյուդ Գրեզիվոդանը գտնվում է Իզեր դեպարտամենտի արևմուտքում։ Շրջանի մակերեսը կազմում է 548,12 կմ²։ Այն տարածքի մեծությամբ հանդիսանում է դեպարտամենտի 4-րդ շրջանը։ Շրջանի տարածքը հատում է Իզեր գետը և A49 մայրուղին։ Գյուղատնտեսական շրջանները կազմում են տարածքի 53 %-ը, անտառները՝ 41 %-ը[2]։ Շրջանը կազմված է Սեն-Մարսելեն, Շամբարան-Վինե-Վերկոր և Իզեր համայնքներից[3]։
Շրջանի անունը կապված է Գրեզիվոդան հովտի հետ, որտեղ այն գտնվում է։ 20-րդ դարի վերջերից Տյուլենի հարթավայրից մինչ Ալբերվիլյա ընկած տարածքը անվանում են Գրեզիվոդանի հովիտ։ Հովիտը բաժանվում է երեք մասի՝ ստորին կամ հարավային Գրեզիվոդան (զբաղեցնում է Տյուլենից մինչև Գրենոբլ ընկած տարածքը)[4], միջին Գրեզիվոդան (զբաղեցնում է Գրենոբլից մինչև Պոնշարա ընկած տարածքը) և բարձր Գրեզիվոդան (զբաղեցնում է Պոնշարայից մինչև Ալբերվիլյա ընկած տարածքը)։ Սյուդ Գրեզիվոդան գտնվում է Գրենոբլ և Վալանս ճանապարհների միջև և միացնում է Ալպ և Ռոնի հովիտների «սրտերը»։ Այն սահմանակից է Բևր, Տյուլեն, Ֆոնտեն-Վերկոր շրջաններին և Դրոմ դեպարտամենտին[2]։
Պատմություն խմբագրել
Ըստ 2013 թվականի ապրիլի 17-ի օրենքի և 2014 թվականի փետրվարի 14-ի հրամանի Իզեր դեպարտամենտում շրջանների թիվը 58-ից դարձել է 29։ Սյուդ Գրեզիվոդանը կազմավորվել է 2015 թվականի մարտի 22-ին։ Այն ձևավորվել է նախկին Վինե, Պոնտ-ան-Ռուայան, Սեն-Մարսելեն և մասամբ Տյուլեն շրջաններից[5][6]։
Բնակչություն խմբագրել
Ըստ 2012 թվականի մարդահամարի արդյունքների Սյուդ Գրեզիվոդանի բնակչությունը կազմում է 40 823 մարդ։ Բնակչության 10,5 %-ը գործազուրկ են[7]։ Բնակչությունը հիմնականում կենտրոնացած է երեք հիմնական քաղաքներում՝ Սեն-Մարսելեն (մոտ 8000 բնակիչ), Վինե (մոտ 4000 բնակիչ) և Շատ (2400 բնակիչ)։ Սեն-Մարսելեն և Շատ քաղաքները գտնվում են շրջանի կենտրոնում։ Այդ քաղաքների 10 բնակչից 6-ը աշխատում են շրջաններում[2]։
Տնտեսություն խմբագրել
Բնակչության 3,0 %-ը գյուղատնտեսական աշխատողներ են, 7,9 %-ը՝ արհեստավորներ, առևտրականներ, 11,7 %-ը՝ մտավոր ոլորտի աշխատակիցներ, 23,7 %-ը՝ սոցիալական ոլորտի աշխատակիցներ, 27,4 %-ը՝ բանվորներ[7]։ Արդյունաբերական ձեռնարկությունները գտնվում են շրջաններում։ Առավել զարգացած էլեկտրասարքերի և արտադրության և պլաստմասսաների արտադրությունը[2]։
Տրանսպորտ խմբագրել
Շրջանի տարածքով անցնում են մի քանի երկաթուղային գծեր՝ Գրենոբլ-Վալանս, Անսի-Վալանս[8]։ Մնացած հաղորդակցությունը իրականացվում է ավտոբուսներով։
Վինե, Սեն-Մարսելեն, Պոնտ-ան-Ռայան քաղաքների միջով անցնում է А49 ավտոմայրուղին, որը կապում է Վալանսը և Գրենոբլը[9]։
Վարչական բաժանում խմբագրել
Սյուդ Գրեզիվոանի շրջանն ընդգրկում է մոտ 45 կոմունա, որոնք նշված են ցուցակում[1]։ Կապույտ գույնով ներկված կոմունաները պատկանում են Սեն-Մարսելեն համայնքին, դեղին գույնով ներկվածները՝ Իզեր համայնքին, մնացածը՝ Շամբարան-Վինե-վերկոր համայնքին[3]։
Կոմունա | Ֆրանսերեն անվանումը | Բնակչություն, մարդ (2012) |
Մակերես | Կոդ INSEE |
---|---|---|---|---|
Լ’Ալբենկ | L’Albenc | 1104 | 9,86 | 38004 |
Օբրիվ-ան-Ռուայան | Auberives-en-Royans | 374 | 5,07 | 38018 |
Բոլյո | Beaulieu | 633 | 8,79 | 38033 |
Բովուար-ան-Ռուայան | Beauvoir-en-Royans | 82 | 2,1 | 38036 |
Բեսեն | Bessins | 127 | 4,65 | 38041 |
Շատտես | Chantesse | 320 | 5,83 | 38074 |
Շասլե | Chasselay | 426 | 9,45 | 38086 |
Շատլյու | Chвtelus | 89 | 12,3 | 38092 |
Շատ | Chatte | 2436 | 22,81 | 38095 |
Շևրիեր | Chevriиres | 685 | 16,62 | 38099 |
Շորանշ | Choranche | 132 | 10,63 | 38108 |
Կոնեն-լե-Գորժ | Cognin-les-Gorges | 648 | 12,52 | 38117 |
Կրաս | Cras | 461 | 5,43 | 38137 |
Դոնե | Dionay | 119 | 14,01 | 38145 |
Իզրոն | Izeron | 732 | 17,19 | 38195 |
Մալվալ-ան-Վերկոր | Malleval-en-Vercors | 50 | 14,1 | 38216 |
Մոնտան | Montagne | 265 | 8,78 | 38245 |
Մորետ | Morette | 399 | 6,27 | 38263 |
Մյուրինե | Murinais | 379 | 8,22 | 38272 |
Նոտր-Դամ-դե-լ’Օզե | Notre-Dame-de-l’Osier | 480 | 8,38 | 38278 |
Պոնտ-ան-Ռուայան | Pont-en-Royans | 803 | 2,9 | 38319 |
Պրել | Presles | 98 | 25,68 | 38322 |
Կենսյո | Quincieu | 101 | 4,75 | 38330 |
Ռանկյուրել | Rencurel | 301 | 35 | 38333 |
Լա-Ռիվեր | La Riviиre | 745 | 18,45 | 38338 |
Ռովոն | Rovon | 599 | 11,82 | 38345 |
Սենտ-Անդրե-ան-Ռուայան | Saint-Andrй-en-Royans | 326 | 10,42 | 38356 |
Սենտ-Անտուան -լ’Աբեի | Saint-Antoine-l’Abbaye | 1039 | 22,21 | 38359 |
Սենտ-Ապոլինար | Saint-Appolinard | 397 | 10,76 | 38360 |
Սեն-Բոնե -դե-Շավան | Saint-Bonnet-de-Chavagne | 646 | 15,18 | 38370 |
Սեն-Ժերվե | Saint-Gervais | 560 | 13,15 | 38390 |
Սենտ-Իլեր-դյու-Ռոզե | Saint-Hilaire-du-Rosier | 1954 | 16,42 | 38394 |
Սեն-Ժյուստ-դե-Կլե | Saint-Just-de-Claix | 1230 | 11,59 | 38409 |
Սեն-Լատե | Saint-Lattier | 1270 | 18,17 | 38410 |
Սեն-Մարսելեն | Saint-Marcellin | 8075 | 7,81 | 38416 |
Սեն-Պեր-դե-Շերեն | Saint-Pierre-de-Chйrennes | 486 | 12,03 | 38443 |
Սեն-Ռոման | Saint-Romans | 1745 | 17,04 | 38453 |
Սեն-Սովյոր | Saint-Sauveur | 2040 | 9,42 | 38454 |
Սեն-Վերան | Saint-Vйrand | 1770 | 17,83 | 38463 |
Սեր-Ներպոլ | Serre-Nerpol | 299 | 13,16 | 38275 |
Լա Սոն | La Sфne | 605 | 2,95 | 38495 |
Տեշ | Tкche | 581 | 5,03 | 38500 |
Վարասյո | Varacieux | 854 | 18,48 | 38523 |
Վատիլյո | Vatilieu | 371 | 9,22 | 38526 |
Վինե | Vinay | 3987 | 16,01 | 38559 |
Ծանոթագրություններ խմբագրել
- ↑ 1,0 1,1 «Canton du Sud Grйsivaudan (3823)» (ֆրանսերեն). INSEE. Վերցված է 2015 թ․ հունիսի 4-ին.
- ↑ 2,0 2,1 2,2 2,3 «Sud Grésivaudan : un équilibre à trouver pour maîtriser le mouvement de périurbanisation» (ֆրանսերեն). INSEE. Վերցված է 2015 թ․ հունիսի 4-ին.
- ↑ 3,0 3,1 «Pays Sud-Gresivaudan» (ֆրանսերեն). Pays Sud-Gresivaudan. Վերցված է 2015 թ․ հունիսի 23-ին.
- ↑ H. Roy La vallée de l'Isère en péril // Revue de géographie alpine. — 1927. — Т. 15. — № 1. — С. 145-150.
- ↑ «LOI n° 2013-403 du 17 mai 2013 relative à l'élection des conseillers départementaux, des conseillers municipaux et des conseillers communautaires, et modifiant le calendrier électoral» (ֆրանսերեն). Legifrance. Վերցված է 2015 թ․ հունիսի 22-ին.
- ↑ «Décret n° 2014-180 du 18 février 2014 portant délimitation des cantons dans le département de l'Isère» (ֆրանսերեն). Legifrance. Վերցված է 2015 թ․ հունիսի 22-ին.
- ↑ 7,0 7,1 «Les nouveaux cantons du département de l'Isère» (ֆրանսերեն). INSEE. Վերցված է 2015 թ․ հունիսի 4-ին.
- ↑ «Annecy - Valence» (ֆրանսերեն). TER Rhone-Alpes. Վերցված է 2015 թ․ հուլիսի 18-ին.
- ↑ «Transisere Le réseau du Département». Transisere. Վերցված է 2015 թ․ հուլիսի 18-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սյուդ Գրեզիվոդան կատեգորիայում։ |