Սիմոն Չիքովանի

Սիմոն Իվանի Չիքովանի (վրաց.՝ სიმონ ჩიქოვანი, 1902, դեկտեմբերի 27 (1903, հունվարի 9) - 1966, ապրիլի 24, Թբիլիսի), վրացի գրող, թարգմանիչ։ Ստալինյան 1-ին աստիճանի մրցանակակիր (1947 թ.)։ Վրաց խորհրդային պոեզիայի հիմնադիրներից։

Սիմոն Չիքովանի სიმონ ჩიქოვანი
Ծնվել է	1902 դեկտեմբերի 27
Ծննդավայր	Նաեսակաո, Աբաշայի մունիցիպալիտետ, Սամեգրելո-Զեմո Սվանեթ, Վրաստան
Վախճանվել է	ապրիլի 24, 1966(1966-04-24) (տարիքը 63)
Վախճանի վայր	Թբիլիսի
Գերեզման	Մթածմինդա
Մասնագիտություն	բանաստեղծ, թարգմանիչ, գրող և քաղաքական գործիչ
Լեզու	վրացերեն
Ազգություն	վրացի
Քաղաքացիություն	ԽՍՀՄ
Կրթություն	Թբիլիսիի պետական համալսարան
Ժանրեր	բանաստեղծություն, քնարապատմողական և էսսե
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	և

Կենսագրություն

Ավարտել է Քութայիսի ռեալական դպրոցը, 1922 թվականին՝ Թբիլիսիի պետական համալսարանի բանասիրական ֆակուլտետը։ 1924 թվականին լույս է տեսել նրա առաջին գիրքը, այնուհետև իրար հաջորդել են տարբեր ժողովածուներ։ Մտերիմ է եղել «Կապույտ եղջյուրներ» խմբի անդամների հետ, այնուհետև միացել է ֆուտուրիստական շարժմանը, գլխավորել է «Ձախ եզր» խմբակը։

Զբաղվել է թարգմանություններով։ Թարգմանել է ռուսական «Ասք Իգորի ճակատամարտի մասին» էպոսը, Պուշկինից, Շևչենկոյից, Ֆրանկոյից։ Արգասավոր աշխատանք է կատարել գրականագիտության ասպարեզում։ Շրջագայել է արտերկրում, գրել «Ճամփորդական ծրագրեր»։ Եղելէ Վրաստանի գրողների միության վարչության քարտուղար, 1954-1960 թվականներին եղել է «Մնաթոբի» («Լուսատու») ամսագրի խմբագիրը։ Գրել է գրական մի շարք դիմանկարներ, այդ թվում՝ «Հիմն Ավետիք Իսահակյանի պատվին»։ Եղել է Վրաստանի ԽՍՀ Գերագույն խորհրդի 3 գումարման պատգամավոր։

Մահացել է 1966 թվականին։ Թաղված է Մթածմինդա պանթեոնում։

Պարգևներ, մրցանակներ

• Ստալինյան 1-ին աստիճանի մրցանակ (1947 թ.)
• Լենինի շքանշան
• Աշխատանքի կարմիր դրոշի շքանշան (1939 թ., 1958 թ., 1963 թ.)

Գրականություն

• Антокольский П., Симон Чиковани, в его кн.։ Поэты и время, М., 1957;
• Жгенти Б., Симон Чиковани, в кн.։ Барамидзе А., Радиани Ш., Жгенти Б., История груз. лит-ры, Тб., 1958;
• Андроников И., Образный мир Симона Чиковани, в его кн.։ Я хочу рассказать вам, М., 1962;
• Маргвелашвили Г., Радость открытия, в его кн.։ Свет поэзии, Тб., 1965;
• Пастернак Б., Несколько слов о новой груз. поэзии, «Вопр. лит-ры», 1966, № 1.
• ჟღენტი ბ., კრიტიკული წერილები, თბ., 1953; მარგველაშვილი გ., სიტყვა და საუკუნე, თბ., 1960;
• ასათიანი გ., პოეზია და პოეტები, თბ., 1963.