Սերգեյ Մալցև
Սերգեյ Ալեքսեյի Մալցև (1952, մայիսի 15, Կուրգան - 2011, դեկտեմբերի 8), ռուս նկարիչ։
Սերգեյ Մալցև | |
---|---|
Ի ծնե | Սերգեյ Ալեքսեյի Մալցև |
Ծնվել է | 1952, մայիսի 15 |
Ծննդավայր | Կուրգան |
Վախճանվել է | 2011, դեկտեմբերի 8 |
Ազգություն | ռուս |
Քաղաքացիություն | Ռուսաստան |
Մասնագիտություն | նկարիչ |
Կենսագրություն
խմբագրելՍերգեյ Մալցևը ծնվել է 1952 թվականին, Կուրգանում, ուսուցիչների ընտանիքում։ 1967-1971 թվականներին սովորել է Սվերդլովսկի գեղարվեստի ուսումնարանում։ Ուսումն ավարտելուց հետո Կուրգանի թիվ 1 մանկական գեղարվեստի դպրոցում աշխատել է որպես ուսուցիչ, սակայն 2 ամիս անց զորակոչվել է խորհրդային բանակ։ Ծառայությունից հետո շարունակել է դասավանդել գեղարվեստի դպրոցում։ Ամուսնությունից հետո կնոջ հետ տեղափոխվել է Օրջոնիկիձե, որտեղ 1974-1976 թվականներին որպես ինժեներ - դեկորատոր աշխատել է Հյուսիսային Օսիայի հանրապետական ռուսական թատրոնում։
1976 թվականին Մալցևը վերադառնում է Կուրգան, որտեղ շուրջ 20 տարի դասավանդում է գեղարվեստի դպրոցում։ Զուգահեռաբար զբաղվել է նախագծային և ստեղծագործական աշխատանքներով։ Ստեղծագործել է դիմանկարչության, նատյուրմորտի, գրաֆիկայի ժանրերում։ 1996 թվականին դարձել է Ռուսաստանի նկարիչների միության ամդամ։
Նկարչի ստեղծագործություններում ակնհայտ են հետ մոդեռնիստական տարրերը։ Մալցևը իր հերոսներին կերտել է հայտնի դասական գրականության, բանահյուսության կերպարներից։
Մալցևի ստեղծագործությունները գտնվում են Կուրգանի տարածաշրջանային արվեստի թանգարանում, Հայաստանի, Գերմանիայի, Կանադայի, ԱՄՆ-ի, Ֆրանսիայի, Ճապոնիայի մասնավոր հավաքածուներում[1]։
Պարգևներ
խմբագրել- ՌԴ մշակույթի նախարարության շքանշան՝ «Հանուն գերազանց աշխատանքի»
- «Ճանաչում» մրցանակ, 2000 թ.
- «Ուրալ» տարածաշրջանային ցուցահանդեսի ոսկե մեալ, 2008 թ.
- Կուրգանի «Տարվա մարդ» կոչում, 2011 թ.
Ծանոթագրություններ
խմբագրել- ↑ «Սերգեյ Մալցև». Արխիվացված է օրիգինալից 2015 թ․ ապրիլի 20-ին. Վերցված է 2015 թ․ հունվարի 12-ին.