Սարգիս Սահակյան
քաղաքական գործիչ
- Վիքիպեդիայում կան հոդվածներ Սահակյան ազգանունով այլ մարդկանց մասին։
Սարգիս Արտաշեսի Սահակյան (ծնվ. 10 մարտի 1961 թ., գ. Դիան, Թալինի շրջան), ՀՀ պետական գործիչ, ՀՀ Արագածոտնի մարզի նախկին մարզպետ[1]։
| Սարգիս Սահակյան | |
|---|---|
| Ծնվել է | մարտի 10, 1961 (63 տարեկան) |
| Մասնագիտություն | քաղաքական գործիչ |
| Կուսակցություն | Հայաստանի Հանրապետական կուսակցություն |
Կրթություն
խմբագրել- 1967-1977 թթ. - ավարտել է Կաքավաձորի միջնակարգ դպրոց։
- 1978-1984 թթ. - սովորել և ավարտել է Երևանի անասնաբուծական-անասնաբուժական ինստիտուտը։
- 1986-1987 թթ. - ավարտել է Հայկական գյուղատնտեսական ինստիտուտի ղեկավար կադրերի վերապատրաստման ֆակուլտետ։
Աշխատանքային գործունեությունը
խմբագրել- 1977-1978 թթ. - աշխատել է Թալինի շրջանի Ագարակ գյուղի անասնապահական սովխոզում որպես բանվոր։
- 1984-1986 թթ. - աշխատել է Անիի շրջանի Լուսաղբյուր գյուղական խորհրդում որպես գլխավոր անասնաբույծ։
- 1986-1992 թթ. - աշխատել է Աղինի գյուղական խորհրդում գլխավոր անասնաբույծ։
- 1993-1995 թթ. - աշխատել է Թալինի շրջանի Ագարակ գյուղի միջնակարգ դպրոցում որպես ուսուցիչ։
- 1996-1997 թթ. - Արագածոտնի մարզպետարանի գյուղատնտեսության բաժնի վարիչ։
- 1998-1999 թթ. - Արագածոտնի մարզպետարանի գյուղատնտեսության և բնապահպանության վարչության պետ։
- 2002 թ. ՀՀ վարչապետի որոշմամբ նշանակվել է Արագածոտնի մարզպետի տեղակալ։
- 2009 թ. մայիսի 29-ին ՀՀ վարչապետի որոշմամբ ազատվել է Հայաստանի Հանրապետության Արագածոտնի մարզպետի տեղակալի պաշտոնից[2]։
- 2009 թ. մայիսի 29-ին ՀՀ կառավարության որոշմամբ նշանակվել է Հայաստանի Հանրապետության Արագածոտնի մարզպետ[3]։
- 2016 թ. փետրվարի 24-ին ՀՀ կառավարության որոշմամբ ազատվել է Հայաստանի Հանրապետության Արագածոտնի մարզպետի պաշտոնից՝ իր դիմումի համաձայն[1]։
Ամուսնացած է, ունի մեկ որդի և երեք դուստր։ Ունի ավագ սերժանտի զինվորական կոչում։ Հայաստանի Հանրապետական Կուսակցության անդամ է։
Քրեական հետապնդում
խմբագրելՀամաձայն ՀՀ ԱԱԾ-ի Սարգիս Սահակյանը իր՝ որպես մարզպետ պաշտոնավարման ժամանակի, իր եղբոր՝ նախկին ՀՀԿ-ական պատգամավոր Նաիրի Սահակյանի հետ կատարել է առերևույթ չարաշահումներ, ինչպես նաև նախնական համաձայնությամբ, խաբեության եղանակով կատարել է առանձնապես խոշոր չափերով (139.888.533 դրամ) պետական միջոցների հափշտակություն[4][5]։ Այս առնչությամբ, 2021թ․ հունվարին Սարգիս Սահակյանին մեղադրանք է առաջադրվել ՀՀ Քրեական Օրենսգրքի համապատասխան հոդվածներով[4][5]։
Արտաքին հղումներ
խմբագրել| Նախորդող Գաբրիել Գյոզալյան |
ՀՀ Արագածոտնի մարզպետ Սարգիս Սահակյան 29 մայիսի 2009 - 25 փետրվարի 2016 |
Հաջորդող Գաբրիել Գյոզալյան |
Ծանոթագրություններ
խմբագրել- ↑ 1,0 1,1 ՍԱՐԳԻՍ ՍԱՀԱԿՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱԳԱԾՈՏՆԻ ՄԱՐԶՊԵՏԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ
- ↑ Ս. ՍԱՀԱԿՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱԳԱԾՈՏՆԻ ՄԱՐԶՊԵՏԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ
- ↑ Ս. ՍԱՀԱԿՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱԳԱԾՈՏՆԻ ՄԱՐԶՊԵՏ ՆՇԱՆԱԿԵԼՈՒ ՄԱՍԻՆ
- ↑ 4,0 4,1 «Արագածոտնի նախկին մարզպետն ու իր եղբայրը մեղադրվում են հափշտակության մեջ | Epress.am». 2021 թ․ հունվարի 27. Վերցված է 2021 թ․ հունվարի 27-ին.
- ↑ 5,0 5,1 «Արագածոտնի նախկին մարզպետը և նրա հանրապետական նախկին պատգամավոր եղբայրը մեղադրվում են չարաշահումների, հափշտակության մեջ». «Ազատ Եվրոպա/Ազատություն» ռադիոկայան. Վերցված է 2021 թ․ հունվարի 27-ին.