Սամվել Գյոզալյան

Սամվել Գյոզալյան
Անձնական տեղեկություն
Սեռ՝	արական
Մասնագիտացում՝	սառցի վրա պարող և գեղասահքի մարզիչ
Երկիր՝	Բելառուս և Հայաստան
Ծննդյան ամսաթիվ՝	սեպտեմբերի 12, 1970 (53 տարեկան)
Ծննդավայր՝	Օդեսա, Ուկրաինական ԽՍՀ, ԽՍՀՄ կամ Երևան, Հայկական ԽՍՀ, ԽՍՀՄ

Սամվել Գրիգորի Գյոզալյան^[1] (սեպտեմբերի 12, 1970(1970-09-12), Օդեսա, Ուկրաինական ԽՍՀ, ԽՍՀՄ և Երևան, Հայկական ԽՍՀ, ԽՍՀՄ), հայ գեղասահորդ, որ միջազգային մրցաշարերում ներկայացրել է Հայաստանը, Խորհրդային Միությունը, Բելառուսը, Գերմանիայի չեմպիոն (1997), բազմիցս դարձել է պարեր սառույցի վրա մարզաձևի միջազգային մրցաշարերի հաղթող ու մրցանակակիր։ Բելառուսի միջազգային կարգի սպորտի վարպետ (1993)։

Կենսագրություն խմբագրել

Սամվել Գյոզալյանն սկսել է զբաղվել պարեր սառույցի վրա մարզաձևով տասը տարեկան հասակում Օդեսայում, Սվետլանա և Բորիս Ռուբլյովների մոտ։ 1985 թվականին հրավիրվել է Տատյանա Տարասովայի խումբ, որտեղ հանդես է եկել Մարիա Անիկանովայի հետ^[2]։ 1988 թվականին Տատյանա Տարասովան որոշել է ժամանակավորապես թողնել մարզչական գործունեությունը^[3], ինչի պատճառով Մարիա Անիկանովան ու Սամվել Գյոզալյանը տեղափոխվել են Նատալյա Դուբովայի խումբ։ Դրանից կարճ ժամանակ անց Անիկանովան որոշել է ավարտել իր մարզական կարիերան, և Սամվել Գյոզալյանը սկսել է հանդես գալ Տատյանա Նավկայի հետ։

1991 թվականին Սամվել Գյոզալյանն ու Տատյանա Նավկան ընդգրկվել են ԽՍՀՄ հավաքականի կազմում, դարձել «Skate America» և «Nations Cup» միջազգային մրցաշարերի հաղթող։ ԽՍՀՄ անկումից հետո նրանք շարունակել են իրենց ելույթները Բելառուսի դրոշի ներքո և մի քանի տարվա ընթացքում մնացել Եվրոպայի ու աշխարհի առաջատար զույգերից մեկը պարեր սառույցի վրա մարզաձևում։ Նրանք ներկայացրել են Բելառուսը Լիլեհամերում անցկացված Ձմեռային օլիմպիական խաղերում՝ գրավելով 11-րդ տեղը (1994)։ Նրանք զբաղեցրել են 5-րդ տեղը աշխարհի առաջնությունում (1994) և 4-րդ տեղը Դորտմունդում անցկացված Եվրոպայի առաջնությունում (1995), նվաճել արծաթե մեդալ «Skate Canada» (1993) և «NHK Trophy» (1994) միջազգային մրցաշարերում։

1995 թվականին՝ աշխարհի առաջնությունում յոթերորդ տեղն զբաղեցնելուց հետո, չնայած մարզական արդյունքները արագ բարելավվում էին, զույգը բաժանվել է բնավորությունների անհամապատասխանության պատճառով։ Հաջորդ երկու տարիների ընթացքում Սամվել Գյոզալյանը մարզվել է գերմանացի հայտնի մարզիչ Մարտին Սկոտնիցկու խմբում Գերմանիայում բնակվող ամերիկացի գեղասահորդուհի Ջենիֆեր Գուլսբիի հետ։ 1997 թվականին նրանք դարձել են Գերմանիայի չեմպիոն, սակայն փաստաթղթերի ձևակերպման հետ կապված դժվարությունների պատճառով չեն կարողացել մասնակցել միջազգային մրցաշարերի։

1997 թվականին Սամվել Գյոզալյանն սկսել է հանդես գալ Քսենյա Սմետանենկոյի հետ։ Ներկայացնելով Հայաստանը՝ նրանք հաղթել են «Զագրեբի ոսկե չմուշկ» արտոնագրված մրցաշարում և որակավորվել Նագանոյում անցկացվելի Օլիմպիական խաղերի համար։ Սակայն Օլիմպիական խաղերում զբաղեցրել են 24-րդ տեղը, և մրցաշրջանի ավարտից հետո որոշել են ավարտել իրենց մարզական կարիերան։

Հետագայում Սամվել Գյոզալյանն սկսել է զբաղվել մարզչական գործունեությամբ ԱՄՆ Նյու Յորք քաղաքում^[4]^[5]։ 2000-ական թվականների սկզբին Ալեքսանդր Ժուլինի խմբում աշխատել է Միացյալ Նահանգների առաջնության բրոնզե մեդալակիրներ (2001) Ջեսիկա Ժոզեֆի և Բրենդոն Ֆորսայթի հետ^[6]։

Մարզական ձեռքբերումներ խմբագրել

Քսենյա Սմետանենկոյի հետ, Հայաստան

Մրցաշար	1997-1998
Օլիմպիական խաղեր	24
Աշխարհի առաջնություն	27
Եվրոպայի առաջնություններ	20
«Զագրեբի ոսկե չմուշկ»	1

Ջենիֆեր Գուլսբիի հետ, Գերմանիա

Մրցաշար	1996-1997
Գերմանիայի առաջնություն	1

Տատյանա Նավկայի հետ, ԽՍՀՄ և Բելառուս

Մրցաշար/Մրցաշրջան	1991-1992	1992-1993	1993-1994	1994-1995
Ձմեռային օլիմպիական խաղեր			11
Աշխարհի առաջնություններ		9	5	7
Եվրոպայի առաջնություններ		9	10	4
Skate America	1
Skate Canada International			2
Nations Cup	1
NHK Trophy		7	4	2

Ծանոթագրություններ խմբագրել

↑ Որոշ աղբյուրներում ազգանունը սխալմամբ նշվում է Гезолян (Gezolian)։
↑ Мария Аниканова: «Не могу быть в одиночестве»
↑ Dyachkova, Natalya. «Мария Аниканова: «Не могу быть в одиночестве»» [Maria Anikanova: "I can't be single"]. 7days.ru (Russian).{{cite news}}: CS1 սպաս․ չճանաչված լեզու (link)
↑ Kilgannon, Corey (2015 թ․ ապրիլի 26). «Judge Robert Sweet, 92, Finds Balance on the Ice and the Bench». The New York Times.
↑ «2015 - 2016 Coach/Instructor Compliance» (PDF). U.S. Figure Skating. 2016 թ․ ապրիլի 11. էջ 107. Արխիվացված (PDF) օրիգինալից 2016 թ․ ապրիլի 12-ին.
↑ «United We Skate…(անգլ.)». Արխիվացված է [United We Skate…(անգլ.) օրիգինալից] 2011 թ․ հոկտեմբերի 19-ին. Վերցված է 2018 թ․ հունիսի 24-ին. {{cite web}}: Check |url= value (օգնություն)

Արտաքին հղումներ խմբագրել

Սամվել Գյոզալյանի էջը Fskate.ru կայքում
Սամվել Գյոզալյանի էջը Sports-reference.com կայքում (անգլ.)
Նավկա-Գյոզալյան զույգի պարը «Skate America» մրցաշարում (1991) ՅուԹյուբում
Նավկա-Գյոզալյան զույգի պարը աշխարհի առաջնությունում (1994) ՅուԹյուբում
Skatabase: 1990s Europeans
Skatabase: 1990s Worlds
Skatabase: 1990s Olympics

[1] Որոշ աղբյուրներում ազգանունը սխալմամբ նշվում է Гезолян (Gezolian)։

[2] Мария Аниканова: «Не могу быть в одиночестве»

[SD-MA-3] Dyachkova, Natalya. «Мария Аниканова: «Не могу быть в одиночестве»» [Maria Anikanova: "I can't be single"]. 7days.ru (Russian).{{cite news}}: CS1 սպաս․ չճանաչված լեզու (link)

[NYT150426-4] Kilgannon, Corey (2015 թ․ ապրիլի 26). «Judge Robert Sweet, 92, Finds Balance on the Ice and the Bench». The New York Times.

[USFS-CC-5] «2015 - 2016 Coach/Instructor Compliance» (PDF). U.S. Figure Skating. 2016 թ․ ապրիլի 11. էջ 107. Արխիվացված (PDF) օրիգինալից 2016 թ․ ապրիլի 12-ին.

[6] «United We Skate…(անգլ.)». Արխիվացված է [United We Skate…(անգլ.) օրիգինալից] 2011 թ․ հոկտեմբերի 19-ին. Վերցված է 2018 թ․ հունիսի 24-ին. {{cite web}}: Check |url= value (օգնություն)

[1]

[2]

[3]

[4]

[5]

[6]