Սամպհո սերունդ
Սամպհո սերունդ (կոր.՝ 삼포세대, 三抛世代 սամպհո սեդէ, «Երեք մերժումների սերունդ»), եզրույթ հարավկորեացի երիտասարդ սերնդի համար, որոնք հրաժարվում են ժամադրությունից, ամուսնությունից և երեխաներ ունենալուց։ Շատ մարդիկ հրաժարվում են այս երեք բաներից՝ սոցիալական և տնտեսական այնպիսի խնդիրների պատճառով, ինչպիսիք են ծախսերի թանկացումը, ուսման վարձերը, մատչելի բնակարանների պակասը և այլն[1]։
Կան նաև նորաբանություններ՝ opho sede («հինգ մերժումների սերունդ»), որը ներառում է վերը նշված երեքը, աշխատանքի մերժման և տան սեփականության իրավունքի ավելացումով, chhilpo sede («յոթ մերժումների սերունդ»), որը ներառում է միջանձնային հարաբերությունների մերժումը։ հարաբերություններ և հույս, kupho sede («ինը մերժումների սերունդ»), առողջության և արտաքին տեսքից հրաժարվելու ավելացումով, և վերջապես, sippo sede («տասը մերժումների սերունդ») կամ wanpho sede («լիակատար մերժման սերունդ»), որը ներառում է կյանքից հրաժարումը՝ ինքնասպանությունը։ Գոյություն ունի նաև ընդհանրացնող տերմին N-pho (կամ N-po) սերունդ։ Սամպհոյի սերունդը նման է սատորի սերնդին Ճապոնիայում և ելակի սերնդին Թայվանում[2]։
| Եզրույթ | Թարգմանություն | № | Հրաժարում |
|---|---|---|---|
| Սամպհո սեդէ | 3 մերժումների սերունդ | 1 | Ժամադրություն |
| 2 | Ամուսնություն | ||
| 3 | Երեխայի ծնունդ | ||
| Օպհո սեդէ | 5 մերժումների սերունդ | 4 | Զբաղվածություն |
| 5 | Տան ձեռքբերում, սեփականատիրություն | ||
| Չհիլպհո սեդէ | 7 մերժումների սերունդ | 6 | Միջանձնային հարաբերություններ |
| 7 | Հույսեր | ||
| Կուպհո սեդէ | 9 մերժումների սերունդ | 8 | Առողջություն |
| 9 | Արտաքին տեսք | ||
| Սիմպհո սեդէ/ Վանպհո սեդէ |
10 մերժումների սերունդ/ ամբողջական մերժման սերունդ |
10 | Կյանք |
Եզրույթի ծագում
խմբագրել«Sampo sedae» տերմինը օգտագործվել է Gyeonghyang Sinmun թերթի հատուկ զեկույցների խմբի կողմից «Խոսում ենք բարեկեցիկ պետության մասին» հրապարակման մեջ[3]։ Այնտեղ սամպհո սերնդի սահմանումը ներառում էր անկայուն աշխատանք ունեցող անձանց, ուսանողական վարկերի թանկ վճարները և այլն, երիտասարդները հետաձգում են ժամադրությունը, հարաբերությունները, ամուսնությունը և երեխաներ ունենալը մինչև անորոշ ապագան[4]։ Զեկույցում ասվում է, որ Հարավային Կորեայում ընտանիք կազմելու բեռն այնքան մեծ է, որ կառավարությունը որոշել է բարեկեցության պարտականությունները վերապահել հենց ընտանիքներին։ Զեկույցի եզրակացությունը. Սամպհոյի սերնդի առաջացումը ցույց է տալիս, որ ավանդական ընտանեկան կառուցվածքը տագնապալի արագությամբ քայքայվում է։ Հոդվածի հանրաճանաչության պատճառով տերմինը արագ տարածվեց տարբեր լրատվամիջոցներով և համացանցով։
Ամուսնության նոր վարքագիծ
խմբագրելՀարավային Կորեայում ամուսնական վարքագիծը փոխվել է 20-րդ դարի ընթացքում։ Ըստ Duo-ի՝ հարցված 1446 կանանցից ավելի քան 34%-ը ապագա ամուսին ընտրելիս առաջնահերթություն է տվել ֆինանսական հնարավորություններին և աշխատանքին, 30%-ը՝ ապագա ամուսնու անհատական հատկություններին, իսկ 9%-ը՝ արտաքին տեսքին։ Ժամանակակից հասարակության մեջ միայնությունը դարձել է ավելի լուրջ խնդիր, քան գործազրկությունը, ոչ թե այն պատճառով, որ մարդիկ չեն կարողացել գտնել համապատասխան զուգընկերոջ, այլ որովհետև չունեն ամուսնանալու և սեփական ընտանիք ստեղծելու տնտեսական հնարավորություն[5]։ Ամուսնության նկատմամբ զգուշավոր վերաբերմունք է տարածվել, երիտասարդները միմյանց նկատմամբ զգուշավոր տնտեսական գնահատականներ են տալիս՝ չկենտրոնանալով հիմնականում ռոմանտիկ զգացմունքների և սիրո վրա, իսկ հարսանիքների արժեքը անընդհատ և արագորեն բարձրանում է[6][7]։ Հարավային Կորեայում շատ երիտասարդներ հակված են սերը, սիրավեպը և ծանոթությունը որպես շքեղություն դիտել։ Հարավային Կորեայում բարձր վարձատրվող աշխատատեղերի հիմնական մասը խոշոր ընկերություններում է, որտեղ հասարակության մեջ պաշտոնների համար մրցակցությունը շատ բարձր է[6]։ Մարդիկ, որոնք չեն համապատասխանում ամուսնության տնտեսական հաջողության չափանիշներին, հիասթափություն են ապրում[6]։ Աշխատող մայրերը դեռևս քիչ պաշտպանված են պետության կողմից, ինչը, զուգակցված տնտեսական ճնշման հետ, ստիպում է երիտասարդ չշտապել երեխա ունենալու հարցում[6]։
Հետազոտություն
խմբագրելՀարավային Կորեա
խմբագրելԵնթադրվում է, որ այս երևույթի առաջացման հիմնական պատճառը ժամանակակից հասարակության տնտեսական և սոցիալական ճնշումն է հարավկորեացի երիտասարդության վրա[6]։ Սեուլի համալսարանի սոցիոլոգիայի ամբիոնի կողմից իրականացված հետազոտությունը մատնանշել է «սամպհո սերնդի» առաջացմանը նպաստող հինգ պատճառ՝ ապագայի նկատմամբ անորոշություն, անհանգստություն, իրատեսություն, հուսահատություն և հարաբերություններից հրաժարում։ Հետազոտությունը գտել է «սամպհո սերնդի» չորս պատճառ՝ 27,36%՝ անհանգստություն, 19,92%՝ իրատեսական հայացքներ, 13,24%՝ եսակենտրոնություն և 8,70%՝ ձգձգում[8]։
Ամուսնությունը և երեխաներ ունենալը Հարավային Կորեայի հասարակության մեջ դադարել են անհրաժեշտություն լինել, և ավելի ու ավելի շատ մարդիկ են հրաժարվում այդ ամենից։ Սամպհո սերնդի առաջացման հետևանքներից են ծնելիության նվազումը, դեպրեսիայի դեպքերի աճը, ինքնասպանությունների թիվը, Հարավային Կորեայի բնակչության արագացող ծերացումը և ապագայում երիտասարդության թվի պակասը[9][10]։
| Սամպհո սերնդի առաջացման պատճառներ[11] | ||||
|---|---|---|---|---|
| Պատճառ | Տոկոս | |||
| Չեմ կարողանում գումար տնտեսել | 53.5 | |||
| Գումար կա, բայց ապրելը դժվար է | 42.1 | |||
| Դժվար է աշխատանք գտնել | 33.1 | |||
| Ցածր աշխատավարձ | 32.1 | |||
| Մեծ պարտքեր | 16.8 | |||
Այլ երկրներ
խմբագրել- ԱՄՆ-ում «Հազարամյակի սերունդը» կամ «Y սերունդը», նաև վերջին «X սերնդի» ներկայացուցիչները «բումերանգի սերնդի» անդամներ են, որոնք շարունակում են ապրել իրենց ծնողների հետ շատ ավելի երկար, քան այն տարիքը, երբ սովորական է համարվում ծնողական տունը լքելը։ Այս սոցիալական երևույթը հիմնականում պայմանավորված է գործազրկության բարձր մակարդակով` զուգորդված տնտեսական տարբեր անկումներով, «բումերանգի սերնդի» շատ անդամներ տնտեսական դժվարությունների պատճառով հետաձգում են ռոմանտիկ հարաբերություններն ու ամուսնությունը։
- Ճապոնիայում 10-20 տարեկան ճապոնացի երիտասարդների նոր սերունդը կոչվում է «սատորի սերունդ»։ Նրանք նման են «սամպհո սերնդին»։ Որպես կանոն, նրանց չեն հետաքրքրում շքեղ իրերը, արտասահմանյան ճանապարհորդությունները, փողը և հաջողակ կարիերան[12]։
- Եվրոպայում կան մի քանի խմբեր, որոնք համեմատելի են «սամպհո սերնդի» հետ։ Հունաստանում նրանց անվանում են «700 եվրո սերունդ»։ Հունաստանում նվազագույն աշխատավարձը 700 եվրո է, այդպես հունական լրատվամիջոցները տարածեցին «700 եվրո սերունդ» եզրույթը։ Այս երիտասարդները հաճախ աշխատում են ժամանակավոր աշխատատեղերում և ստանում են ամսական 700 եվրո նվազագույն աշխատավարձ։ Եզրույթը հայտնվել է 2008 թվականին[13]։
Ծանոթագրություններ
խմբագրել- ↑ baek, Jeongseon Things I wish I had known before debt(빚지기 전에 알았다면 좋았을 것들). — media will, 2012.(չաշխատող հղում)
- ↑ hwang, minsoo Sampo generation(삼포세대). — sangwon, 2011. — ISBN 8996061840
- ↑ «볼보, 대량해고에도 파업은 없었다». Kyunghyang Shinmun (կորեերեն). 2011 թ․ հունիսի 7. Արխիվացված օրիգինալից 2021 թ․ փետրվարի 9-ին. Վերցված է 2015 թ․ նոյեմբերի 12-ին.
- ↑ «취업준비생 이별 이유 1위…삼포세대의 비극» [The best reason for breakup of young applicant...tragedy of Sampo Generation]. Segye Ilbo. 2013 թ․ հունիսի 19. Արխիվացված է օրիգինալից 2014 թ․ նոյեմբերի 13-ին. Վերցված է 2020 թ․ հունիսի 10-ին.
- ↑ Kim, Da-Ye. «New economics of tying the knot». The Korea Times. Արխիվացված է օրիգինալից 2013 թ․ նոյեմբերի 11-ին. Վերցված է 2012 թ․ փետրվարի 5-ին.
- ↑ 6,0 6,1 6,2 6,3 6,4 Jung, Hwan-bo (2011 թ․ հոկտեմբերի 27). «'삼포세대'가 된 'X세대'… 불만의 에너지, 참여로 분출» [X generation became Sampo generation… The energy of dissatisfaction has blown out to Participation.]. news.khan.co.kr (կորեերեն). Արխիվացված օրիգինալից 2020 թ․ հունիսի 22-ին. Վերցված է 2019 թ․ հունիսի 10-ին.
- ↑ «20~40대 10명 중 6명 '결혼 부담된다'». news.naver.com (կորեերեն). Արխիվացված օրիգինալից 2020 թ․ հունիսի 20-ին. Վերցված է 2020 թ․ ապրիլի 12-ին.
- ↑ Կաղապար:Cita publicación
- ↑ PD Note, MBC. «[PD 수첩] 허니문푸어, 빚과 결혼하다» [[PD Note]'Honeymoon poor'-Marriage with debts]. playvod.imbc.com (կորեերեն). Արխիվացված օրիգինալից 2020 թ․ հունիսի 21-ին. Վերցված է 2019 թ․ հունիսի 14-ին.
- ↑ Jung, Won-sik (2011 թ․ մայիսի 31). «[표지이야기]연애도 결혼도 출산도 포기한 '삼포세대'». weekly.khan.co.kr (կորեերեն). 'Sampo generation' who has given up dating, marriage and childbirth. Արխիվացված օրիգինալից 2020 թ․ հունիսի 21-ին. Վերցված է 2019 թ․ հունիսի 10-ին.
- ↑ Park, Hyejeong (2012 թ․ փետրվարի 1). «20's and 30's, four in every 10 people "I'm a Sampo Generation (20~30대 10명중 4명 "나는 삼포세대")». asia economy. Արխիվացված է օրիգինալից 2014 թ․ դեկտեմբերի 28-ին. Վերցված է 2020 թ․ հունիսի 10-ին.
- ↑ «Life is too short for an undesirable satori». Արխիվացված է օրիգինալից 2021 թ․ փետրվարի 9-ին. Վերցված է 2020 թ․ հունիսի 10-ին.
- ↑ Kim, Soonbae (2008 թ․ դեկտեմբերի 23). «유럽사회 흔드는 '700유로 세대'» [700 Euro Generation Shakes Europe Society]. Hangyeorye. Արխիվացված է օրիգինալից 2013 թ․ դեկտեմբերի 15-ին. Վերցված է 2020 թ․ հունիսի 10-ին.
Արտաքին հղումներ
խմբագրել- «'It Is Fortunate That I Wasn't Born as a Korean,' Ex-Japanese Envoy to Seoul Says in Column—Masatoshi Muto Stirs Controversy in South Korea». Արխիվացված օրիգինալից 2021 թ․ հոկտեմբերի 23-ին. Վերցված է 2022 թ․ ապրիլի 2-ին.
- [1]Արխիվացված 2020-06-10 Wayback Machine