Քենտ Ռոքուել (անգլ.՝ Rockwell Kent, հունիսի 21, 1882(1882-06-21)[1][2][3][4][5][6][7][8], Թառիթաուն, Վեստչեստեր շրջան, Նյու Յորք, ԱՄՆ[9][10] - մարտի 13, 1971(1971-03-13)[9][1][3][4][5][6][7], Փլաթսբուրգ, Նյու Յորք, Նյու Յորք, ԱՄՆ[11]), ամերիկացի նկարիչ, գրող, հասարակական գործիչ։

Ռոքուել Քենտ
Rockwell Kent
Rockwell Kent.jpg
Ի ծնեՌոքուել Քենտ
Ծնվել էհունիսի 21, 1882(1882-06-21)[1][2][3][4][5][6][7][8]
ԾննդավայրԹառիթաուն, Վեստչեստեր շրջան, Նյու Յորք, ԱՄՆ[9][10]
Վախճանվել էմարտի 13, 1971(1971-03-13)[9][1][3][4][5][6][7] (88 տարեկանում)
Մահվան վայրՓլաթսբուրգ, Նյու Յորք, Նյու Յորք, ԱՄՆ[11]
Ազգությունամերիկացի
ՔաղաքացիությունFlag of the United States.svg ԱՄՆ[12][13]
ԿրթությունԿոլումբիայի համալսարան, Փարսոնս դիզայնի դպրոց, Horace Mann School? և Columbia Graduate School of Architecture, Planning and Preservation?
Մասնագիտություննկարիչ, արվեստների գործիչ, վիզուալ արտիստ, գրող և նկարիչ-փորագրող
Ժանրբնանկար
Ակտիվ շրջաննկարիչ
Ներշնչվել էՋեյմս Էբբոտ Մաք-Նեյլ Ուիսթլեր և Ռոբերտ Հենրի
ՊարգևներՄիջազգային Լենինի խաղաղության մրցանակ և Լենինյան մրցանակ
ԱնդամակցությունԱրվեստի և գրականության ամերիկյան ակադեմիա
Rockwell Kent Վիքիպահեստում

ԿենսագրությունԽմբագրել

Գեղանկարչություն սովորել է Ռ․ Հենրիի մոտ։ Աշխատել է որպես ձկնորս, ատաղձագործ, բազմիցս ճանապարհորդել է, ապրել ԱՄՆ–ի հյուսիսում, Նյուֆաունդլենդում, Գրենլանդիայում։ Զարգացնելով ամերիկական ռեալիստական արվեստի ավանդական դրույթները՝ ստեղծել է բազմաթիվ նկարներ, գծանկարներ, փորագրանկարներ, վիմագրանկարներ, որոնցում վառ կերպով պատկերված է հս․ երկրների խստաշունչ բնությունը, հասարակ մարդկանց կյանքը («Ծովի աշխատավորները», 1907, Նյու Բրետենի թանգարան, «Գարնանային եռուզեռ», 1908, Պուշկինի անվան կերպարվեստի թանգարան, Մոսկվա)։ Հակաֆաշիստական պլակատների և ծաղրանկարների, գրքերի, այդ թվում նաև սեփական երկերի պատկերազարդումների հեղինակ է։

Քենտի արվեստին բնորոշ է կերպարների առնական ոգեշնչվածությունը, հստակ գծանկարը, հնչեղ կոլորիտը։ 1960 թվականին Քենտի սովետական ժողովրդին նվիրել է իր գործերից 900-ից ավելին, որոնցից 14-ը՝ Հայաստանի պետական պատկերասրահին։ Որպես գրող հանդես է եկել 1920 թվականին, Ալյասկայի մասին «Ամայի երկրամաս» գրքով։ «Ուղղությունը արևելքով՝ հյուսիս» (1930), «Մալամինա» (1935) և «Գրենլանդական օրագիր» (1962) Քենտի գրքերում նկարագրել է էսկիմոսների կյանքը, տվել Հյուսիսի պատկերը։ «Սա իմ սեփականն է» (1940) և «Սա ես եմ, Տեր Աստված» (1955) ինքնակենսագրական գործերը 19-րդ դարի վերջից մինչև 20-րդ դարի կեսերը ԱՄՆ–ի համայնապատկերն են։

«Մարդկանց և լեռների մասին» գրքի (1959) հիմնական մասը 1958 թվականին ԽՍՀՄ–ում կատարած ճամփորդության տպավորություններն են։ Նա երկու անգամ այցելել է Խորհրդային Հայաստան, ջերմ տողեր նվիրել Հայաստանին ու հայ ժողովրդին։ Հետագայում, (1962) թվականին Ռ.Քենտը ստացել է ԽՍՀՄ Գեղարվեստի ակադեմիայի Պատվավոր անդամի կոչում, այնուհետև 1967 թվականին՝ «Հանուն ժողովուրդների միջև խաղաղության ամրապնդման» Լենինյան մրցանակ։

ԾանոթագրություններԽմբագրել

  1. 1,0 1,1 1,2 1,3 1,4 data.bnf.fr: տվյալների բաց շտեմարան — 2011.
  2. 2,0 2,1 Rockwell Kent
  3. 3,0 3,1 3,2 3,3 3,4 Rockwell Kent — 2006. — ISBN 978-0-19-977378-7, 978-0-19-989991-3
  4. 4,0 4,1 4,2 4,3 4,4 Encyclopædia Britannica
  5. 5,0 5,1 5,2 5,3 5,4 SNAC — 2010.
  6. 6,0 6,1 6,2 6,3 6,4 Internet Speculative Fiction Database — 1995.
  7. 7,0 7,1 7,2 7,3 7,4 Brockhaus Enzyklopädie
  8. 8,0 8,1 Delarge J. Le DelargeParis: Gründ, Jean-Pierre Delarge, 2001. — ISBN 978-2-7000-3055-6
  9. 9,0 9,1 9,2 9,3 9,4 9,5 Кент Рокуэлл // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  10. 10,0 10,1 10,2 http://www.cdbaby.com/cd/ruminators2
  11. 11,0 11,1 11,2 http://home.nps.gov/kefj/historyculture/upload/Rockwell-Kent.pdf
  12. http://www.nndb.com/group/505/000213863/
  13. Museum of Modern Art online collection
Վիքիքաղվածքն ունի քաղվածքների հավաքածու, որոնք վերաբերում են
Ռոքուել Քենտ հոդվածին
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։