Ռուսաստանի Դաշնության ժողովրդական արտիստ

Ռուսաստանի Դաշնության ժողովրդական արտիստ (ռուս.՝ Народный артист Российской Федерации), Ռուսաստանի Դաշնության բարձրագույն պատվավոր կոչումներից մեկն է, որը շնորհվում է թատերական, երաժշտական, կրկեսային, էստրադային և կինոարվեստի բնագավառներում ունեցած մեծագույն ներդրումների համար։ Այն մտնում է Ռուսաստանի Դաշնության պետական պարգևների համակարգի մեջ։

Ռուսաստանի Դաշնության ժողովրդական արտիստ
Заслуженный артист РФ ЕЦ.jpg
Բնագիր անվանում ռուս.՝ народный артист Российской Федерации
Տիպ
Ում կողմից է տրվում Ռուսաստանի նախագահ
Կարգավիճակ շնորհվում է
Վիճակագրություն
Հիմնադրման ամսաթիվ շնորհվում է 1992 թվականից
Առաջին պարգևատրում փետրվարի 21, 1992

Շնորհման հիմնավորումըԽմբագրել

Ռուսաստանի Դաշնության ժողովրդական արտիստի կոչումը շնորհվում է ռուսական արտիստներին, բալետմաստերներին, դիրիժորներին, կոմպոզիտորներին, դրամատուրգներին, ռեժիսորներին, խմբավարներին, դերասաններին, երգիչներին, երաժիշտներին և այլոց, ովքեր ստեղծել են բարձրակարգ գեղարվեստական կերպարներ, երաժշտական ստեղծագործություններ, համերգային և կրկեսային ծրագրեր, թատերական և կինեմատոգրաֆիական դերեր և ովքեր մեծագույն ներդրում ունեն ռուսական գեղարվեստական մշակույթի զարգացման և պահպանման, երիտասարդ սերնդի արտիստների ձևավորման գործում, հասարակության լայն շրջանակների և պրոֆեսիոնալ խմբակցությունների կողմից ստացել են մեծ ճանաչում։

Որպես օրենք, պատվավոր կոչումը շնորհվում է «Ռուսաստանի Դաշնության վաստակավոր արտիստ» կամ «Ռուսաստանի Դաշնության արվեստի վաստակավոր գործիչ» պատվավոր կոչումները շնորհելուց հետո` ոչ շուտ, քան 10 տարի անց։ Այն շնորհվում է Ռուսաստանի նախագահի հրամանագրով` տարին մեկ անգամ, «Մշակույթի աշխատակցի օրվան» (մարտի 25) նվիրված տոնակատարությանը նախորդող օրերին։

ՊատմությունըԽմբագրել

ԽՍՀՄ փլուզումից հետո, Ռուսաստանի Խորհրդային Ֆեդերատիվ Սոցիալիստական Հանրապետության անվանումը Ռուսաստանի Դաշնության փոխարինվելուց հետո[1][2], «ՌԽՖՍՀ ժողովրդական արտիստ» պատվավոր կոչումն անվանափոխվեց «Ռուսաստանի Դաշնության ժողովրդական արտիստ» կոչումով։ 1995 թվականից փոխվել է նաև կրծքանշանի նախկին տեսքը։ Պատվավոր կոչումը սահմանվել է ՌԴ նախագահի 1995 թվականի դեկտեմբերի 30[3] № 1341 հրամանագրով[4]։

Ներկայիս տեսքով, պատվավոր կոչման կարգավիճակը հաստատվել է ՌԴ նախագահի 2010 թվականի սեպտեմբերի 7-ի № 1099 հրամանագրով[5]։

ԿրծքանշանըԽմբագրել

Կրծքանշանն ունի ՌԴ պատվավոր կոչումների համար նախատեսված մեկ միասնական ձև և պատրաստվում է արծաթից։ Այն ունի դափնու և կաղնու ճյուղերից կազմված պսակի տեսք, որի ներքևում ճյուղերը կապված են ժապավենով։ Պսակի վերևի հատվածում պատկերված է Ռուսաստանի Դաշնության զինանշանը։ Կենտրոնական հատվածում պատկերված զարդատախտակի վրա ռուսերեն լեզվով գրված է պատվավոր կոչման անվանումը։

2010 թվականի սեպտեմբերի 7-ից հետո շնորհվող կրծքանշանները ոսկեզօծված են[5]։

ԾանոթագրություններԽմբագրել

  1. Закон РСФСР от 25 декабря 1991 года № 2094-I «Об изменении наименования государства Российская Советская Федеративная Социалистическая Республика» Archived 2013-10-16 at the Wayback Machine.
  2. Закон Российской Федерации от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики». Данный закон вступил в силу с момента опубликования в Российской газете 16 мая 1992 года.
  3. Вступил в силу 1 апреля 1996 г.
  4. «Указ Президента Российской Федерации от 30 декабря 1995 года № 1341 «Об установлении почётных званий Российской Федерации, утверждении положений о почётных званиях и описания нагрудного знака к почётным званиям Российской Федерации»»։ Արխիվացված է օրիգինալից 2011-10-25-ին։ Վերցված է 2018-01-03 
  5. 5,0 5,1 «Указ Президента Российской Федерации от 7 сентября 2010 года № 1099 «О мерах по совершенствованию государственной наградной системы Российской Федерации»»։ Արխիվացված է օրիգինալից 2015-05-12-ին։ Վերցված է 2018-01-03