Թոմ Ռոբերտս
Թոմաս Ուիլյամ Ռոբերտս ( անգլ.՝ Thomas William «Tom» Roberts, մարտի 9, 1856[1][2][3][…], Դորչեսթեր, Միացյալ Թագավորություն - սեպտեմբերի 14, 1931[4][3][5][…], Kallista), ավստրալիացի նկարիչ, Հեյդելբերգի դպրոցի՝ XIX դարի վերջի ավստրալիական գեղանկարչության ռեալիստական շարժման խոշորագույն ներկայացուցիչներից մեկը։
Թոմ Ռոբերտս | |
|---|---|
 | |
| Ի ծնե | անգլ.՝ Thomas William Roberts |
| Ծնվել է | մարտի 9, 1856[1][2][3][…] |
| Ծննդավայր | Դորչեսթեր, Միացյալ Թագավորություն |
| Վախճանվել է | սեպտեմբերի 14, 1931[4][3][5][…] (75 տարեկան) |
| Մահվան վայր | Kallista |
| Քաղաքացիություն | .svg){kind=small} Ավստրալիա |
| Կրթություն | National Gallery of Victoria Art School? և The Thomas Hardye School? |
| Մասնագիտություն | նկարիչ |
| Ոճ | Գեյդելբերգի դպրոց |
| Ժանր | դիմապատկեր |
| Ուշագրավ աշխատանքներ | A break away!?, Bailed Up?, Bourke Street?, Մեծ նկար (Ռոբերտս) և Shearing the Rams? |
 Tom Roberts Վիքիպահեստում | |
Կենսագրություն խմբագրել
Թոմ Ռոբերտսը ծնվել է 1856 թվականի մարտի 9-ին անգլիական Դորչեստեր քաղաքում՝ լրագրող Ռիչարդ Ռոբերտսի և նրա կնոջ՝ Մաթիլդա Ագնես Կելայի (Էվանս) ընտանիքում։
Կրթություն է ստացել Դորչեստերի քերականական դպրոցում։ Հոր մահից հետո ընտանիքը գաղթել է Ավստրալիա, որտեղ արդեն ապրում էին հարազատներից ոմանք, որոնք 1869 թվականին բնակություն էին հաստատել Մելբուռնի արվարձաններից մեկում։ Քանի որ կյանքը հեշտ չէր, Թոմը ստիպված էր երկար ժամանակ օգնել իր մորը պատվերով պայուսակներ պատրաստելիս։ 1870-ական թվականներից սկսած նա հետաքրքրվել է նկարչությամբ, որը սովորաբար սովորում էր գիշերը Ավստրալիա տեղափոխված հայտնի շվեյցարացի նկարիչ Լուիս Բուվելոտի հսկողության ներքո։ Միևնույն ժամանակ, Ռոբերտսը ծանոթացել է մի շարք այլ հայտնի նկարիչների, օրինակ՝ Ֆրեդերիկ Մակքաբինի հետ, որը դարձել է իր լավագույն ընկերներից մեկը։ 1874 թվականին նա սկսել է հաճախել երեկոյան դասընթացների Ազգային պատկերասրահի դպրոցում, որտեղ հաճախել է Թոմաս Քլարկի նկարչական դասընթացներին, չնայած սովորում էր որպես լուսանկարիչ։ 1877-1879 թվականներին սովորել է Ազգային պատկերասրահին առընթեր Գեղանկարչության դպրոցում, իսկ 1878 թվականին նաև հաճախել է անատոմիայի դասընթացների Մելբուռնի հիվանդանոցում և Մելբուռնի համալսարանում։ 1880 թվականին Ռոբերտսը դարձել է Վիկտորիանական արվեստի ակադեմիայի անդամ։
1881 թվականին մեկնել է Լոնդոն՝ ուսանելու Գեղարվեստի թագավորական ակադեմիայում, Մեծ Բրիտանիայում մնալով մինչև 1884 թվականը։ Այդ ընթացքում Ռոբերտսն այցելել է նաև Իսպանիա, Վենետիկ, Փարիզ՝ ենթարկվելով իմպրեսիոնիզմի ուժեղ ազդեցության։ 1885 թվականին նա վերադարձել է Ավստրալիա։
1880-ական և 1890-ական թվականների ընթացքում Ռոբերտսը աշխատել է Վիկտորիայում՝ Մելբուռնի իր սեփական ստուդիայում։ 1896 թվականին ամուսնացել է 35-ամյա Էլիզաբեթ Ուիլյամսոնի հետ, որը շուտով նրան որդի պարգևեց։ Ռոբերտսի հայտնի ստեղծագործությունների մեծ մասն ստեղծվել է նրա կյանքի այս ժամանակահատվածում։ Բացի այդ, Ռոբերտսը համարվել է նկարների շրջանակների պատրաստման հիանալի մասնագետ, և 1903-1914 թվականներին, երբ նա արդեն քիչ էր զբաղվում նկարչությամբ, իր ընտանիքի եկամտի մեծ մասն ապահովվել է այդ շրջանակների վաճառքից։
Առաջին համաշխարհային պատերազմի տարիները Ռոբերտսն անցկացրել է Անգլիայում՝ օգնելով հիվանդանոցներից մեկում։ 1919 թվականի դեկտեմբերին վերադարձել է Ավստրալիա։ 1928 թվականին մահացել է նրա առաջին կինը, և Ռոբերտսը ամուսնացել է Ջին Բոյեսի հետ։ Նա մահացել է 1931 թվականին Մելբուռնի մերձակայքում քաղցկեղից։
Ստեղծագործություն խմբագրել
Կյանքի ընթացքում Թոմ Ռոբերտսը նկարել է մեծ քանակությամբ բնանկարներ և դիմանկարներ (դրանցից մի քանիսը նկարվել են Մաքքաբինի հետ միասին արվեստի ճամբարում), այնուամենայնիվ, նրա երկու ամենահայտնի գործերը, որոնք նրան համբավ են բերել, համարվում են երկու մեծ կտավները՝ «Ոչխարների խուզում» (անգլ.՝ Shearing the Rams)[6][7][8] և «Մեծ նկարը» (անգլ.՝ The Big Picture)[9][10]:
«Ոչխարների խուզում» նկարն սկսվել է Նոր Հարավային Ուելս նահանգում՝ Բրոքլեզբիում գտնվող ոչխարաբուծական ֆերմա Ռոբերտսի այցի ժամանակ և ավարտվել է մի քանի տարի անց Մելբուռնում։ Աշխատանքի հիմնական թեման դարձել է ոչխարաբուծությունը, որն այդ ժամանակ շատ կարևոր դեր էր խաղում բրիտանական գաղութի տնտեսության մեջ, և դրա արտադրանքը կազմում էր Ավստրալիայի արտահանման հիմքը։ Երբ նկարն առաջին անգամ ներկայացվել է, շատ փորձագետներ քննադատել են այն՝ համարելով, որ այս աշխատանքը դժվար է դասակարգել որպես բարձր արվեստի գործ։ Այնուամենայնիվ, ինչպես հետագայում է պարզվել, «Ոչխարների խուզում» նկարի մոտիվը հարազատ է բազմաթիվ ավստրալիացիների, չնայած որ պատկերված գործընթացը չի կարելի անվանել լիովին ռեալիստական։
Ռոբերտսն իր աշխատանքներում մեծ ուշադրություն է դարձրել գյուղական թեմատիկային, քանի որ հպարտանում էր սովորական ավստրալիացիների աշխատանքով։ Ոչխարների խւզելու գործընթացը պատկերված է, օրինակ, «Ոսկե գեղմ» (անգլ.՝ The Golden Fleece) կտավում, իսկ փայտ հատելու տեսարանը՝ «Փայտահատ» նկարում (անգլ.՝ Wood splitters): Ռոբերտսի գործերից շատերը բնապատկերներ կամ նկարներ են փոքր կտավների վրա (օրինակ՝ ծխախոտի տուփի չափ)։
«Մեծ նկարը» ստեղծագործությունը ներկայացնում է Ավստրալիայի խորհրդարանի առաջին նիստը։ Նկարը ներկայումս պահվում է Ավստրալիայի ազգային պատկերասրահում։
Ծանոթագրություններ խմբագրել
- ↑ 1,0 1,1 https://rkd.nl/explore/artists/67332
- ↑ 2,0 2,1 Tom Roberts (նիդերլ.)
- ↑ 3,0 3,1 3,2 3,3 3,4 Encyclopædia Britannica
- ↑ 4,0 4,1 4,2 RKDartists (նիդերլ.)
- ↑ 5,0 5,1 5,2 Benezit Dictionary of Artists — OUP, 2006. — ISBN 978-0-19-977378-7
- ↑ «Tom Roberts' masterpiece ~ Shearing the Rams 1890». Art Knowledge News. Արխիվացված է օրիգինալից 2012 թ․ մարտի 20-ին. Վերցված է 2009 թ․ օգոստոսի 22-ին.
- ↑ Nelson, Robert S, Robert S; Shiff, Richard (2003). Critical terms for art history. Chicago: The University of Chicago Press. էջեր 370–371. ISBN 978-0-226-57168-3.
- ↑ «Tom Roberts painted Shearing the Rams in 1890 near Corowa». Discover Murray. Վերցված է 2009 թ․ օգոստոսի 24-ին.
- ↑ Mackenzie, Andrew (2000). «The history of "The Big Picture" to 2001». Artists Footsteps. Countrytowns Productions Pty Ltd. Վերցված է 2009 թ․ օգոստոսի 25-ին.
- ↑ «Tom Roberts' The Big Picture: Icon of Federation». Parliament of Victoria. 2002 թ․ հուլիսի 17. Արխիվացված է օրիգինալից 2009 թ․ հունիսի 11-ին. Վերցված է 2009 թ․ օգոստոսի 25-ին.
Արտաքին հղումներ խմբագրել
- Helen Topliss. (1988). «Roberts, Thomas William (Tom) (1856 - 1931)». Australian Dictionary of Biography, Volume 11. Melbourne University Press. էջեր 409–412. Արխիվացված օրիգինալից 2012 թ․ մարտի 30-ին. Վերցված է 18 апреля 2009-ին.
- Andrew Mackenzie. «Tom Roberts. Biography». Countrytowns Productions Pty Ltd 2000. Արխիվացված օրիգինալից 2012 թ․ մարտի 30-ին. Վերցված է 18 апреля 2009-ին.
- «Tom Roberts». Encyclopædia Britannica Online. Արխիվացված օրիգինալից 2012 թ․ մարտի 30-ին. Վերցված է 18 апреля 2009-ին.
- Karen Dowling. «Tom Roberts' The Big Picture. Icon of Federation». Parliament of Victoria. Արխիվացված օրիգինալից 2005 թ․ հունիսի 17-ին. Վերցված է 18 апреля 2009-ին.
 | Վիքիպահեստն ունի նյութեր, որոնք վերաբերում են «Թոմ Ռոբերտս» հոդվածին։ |