Ռիչարդ Ռուսսո
Ռիչարդ Ռուսսո (Richard Russo, հուլիսի 15, 1949[1][2][3][…], Ջոնսթաուն, Նյու Յորք, ԱՄՆ), ժամանակակից ամերիկացի արձակագիր, վիպասան, սցենարիստ, ուսուցիչ
Ռիչարդ Ռուսսո | |
|---|---|
 | |
| Ծնվել է | հուլիսի 15, 1949[1][2][3][…] (74 տարեկան) |
| Ծննդավայր | Ջոնսթաուն, Նյու Յորք, ԱՄՆ |
| Մասնագիտություն | գրող, սցենարիստ, վիպասան, կինոպրոդյուսեր և դերասան |
| Լեզու | անգլերեն |
| Քաղաքացիություն |  ԱՄՆ |
| Կրթություն | Արիզոնայի համալսարան |
| Ուշագրավ աշխատանքներ | Empire Falls? |
| Աշխատավայր | քոլեջ Կոլբի |
| Պարգևներ | |
 Richard Russo Վիքիպահեստում | |
Կենսագրություն խմբագրել
Ռուսսոն ծնվել է Նյու Յորք նահանգի Ջոնսթաուն քաղաքում։ Մանկությունն ու պատանեկությունն անց է կացրել մերձակա Գլովերսվիլում։ Բարձրագույն կրթություն, բակալավրի, ապա՝ գեղարվեստի մագիստրոսի և այնուհետև՝ փիլիսոփայական գիտությունների դոկտորի կոչում է ստացել Արիզոնայի համալսարանում, ուր հաճախել է 1967-ից 1979 թվականների միջակայքում[4]։
Գրական գործունեություն խմբագրել
Ռուսսոյի առաջին վեպը՝ «Mohawk»-ը, որ գրել էր Հարավային Իլինոյսի՝ Քարբոնդեյլում գտնվող համալսարանում դասախոսելու հետ մեկտեղ, լույս է տեսել 1986 թվականին։ Ինչպես այդ երկը, այնպես էլ հետագայում նրա գրած գործերից շատերը կիսով չափ ինքնակենսագրական բնույթ ունեն և պարունակում են դրվագներ՝ սկսած Նյու Յորք նահանգում անցկացրած տարիներից, վերջացրած Քոլբի քոլեջում գրականություն դասավանդելու ժամանակներով (հետագայում նա թողել է աշխատանքն այդ քոլեջում)[5]։ Ներկայումս գրողն ապրում է Մեն նահանգի Քամդեն քաղաքում։
Նրա՝ 2001 թվականին հրատարակված «Էմփայր Ֆոլզ» (Empire Falls) վեպը 2002 թվականին Պուլիտցերյան մրցանակի է արժանացել «Գեղարվեստական արձակ» անվանակարգում։ Դրանից հետո Ռուսսոն գրել է ևս յոթ վեպ, պատմվածքների մեկ ժողովածու և հիշողությունների մի գիրք (Elsewhere-ը)։ Նրա պատմվածքներից «Ձիավորը» («Horseman)» տպագրվել է The Best American Short Stories 2007 ժողովածուում, որը լույս է ընծայվել Սթիվեն Քինգի ու Հեյդի Փիթլորի խմբագրությամբ։
Ռուսսոն կինոռեժիսոր Ռոբերտ Բենտոնի հետ 1998 թվականին գրել է «Աղջամուղջ» սցենարը, որը, կարճ ժամանակ անց, վերջինս նկարահանել է։ Բենտոնը մինչ այդ՝ 1994 թվականին սցենար էր գրել Ռուսսոյի «Ոչ ոք հիմար չէ» («Nobody's Fool») վեպի հիման վրա և նկարահանել էր նույնանուն ֆիլմը, որտեղ գլխավոր դերակատարմամբ հանդես է եկել կինոաստղ Փոլ Նյումանը։ Հետագայում Ռուսսոն հեռուստաթատերախաղ է գրել իր «Էմփայր Ֆոլզ» վեպի հիման վրա՝ HBO հեռուստաընկերության համար։ 2005 թվականին նա հեղինակել է երկու կինոսցենար՝ «Սառցե բերքահավաք»-ի («Ice Harvest») և կինոռեժիսոր Նայոլ Ջոնսոնի «Keeping Mum»-ի համար, որտեղ գլխավոր դերում նկարահանվել է Ռոուեն Ատկինսոնը։
Անձնական կյանք խմբագրել
Ռուսսոն ու իր կինը՝ Բարբարան, ապրում են Մեն նահանգի Փորթլենդ քաղաքում[6]։ Ձմեռները անց են կացնում Բոստոնում[7]։ Նրանք երկու դուստր ունեն՝ Քեյթը և Էմիլին։
Հիմնական երկեր խմբագրել
- 1986 — Mohawk (Vintage Books)
- 1988 — The Risk Pool (Random House)
- 1993 — Nobody's Fool (Random House)
- 1997 — Straight Man (Random House)
- 2001 — «Էմփայր Ֆոլզ»]] / անգլ.՝ Empire Falls (Alfred A. Knopf) — Պուլիտցերյան մրցանակ
- 2002 — The Whore's Child and Other Stories (Alfred A. Knopf)
- 2007 — Bridge of Sighs (Alfred A. Knopf)
- 2009 — That Old Cape Magic (Random House)
Ֆիլմագրություն խմբագրել
Սցենարիստ խմբագրել
- 1994 — Ոչ ոք հիմար չէ / անգլ.՝ Nobody's Fool
- 1998 — «Աղջամուղջ» / անգլ.՝ Twilight
- 2001 — «Ֆլամինգո այգաբացը» (TV) / անգլ.՝ The Flamingo Rising
- 2003 — «Բախում ճակատագրի հետ» (TV) / անգլ.՝ Brush with Fate
- 2005 — «Keeping Mum» / անգլ.՝ Keeping Mum
- 2005 — «Սառցե բերքահավաք» / անգլ.՝ The Ice Harvest
- 2005 — «Էմփայր Ֆոլզ» (TV) / անգլ.՝ Empire Falls
- 2010 — «The Risk Pool» / անգլ.՝ The Risk Pool
Պրոդյուսեր խմբագրել
Դերասան խմբագրել
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 Internet Speculative Fiction Database — 1995.
- ↑ 3,0 3,1 Բրոքհաուզի հանրագիտարան (գերմ.)
- ↑ Birnbaum, Robert (2001). «Interview: Richard Russo». identity theory. Վերցված է 2010 թ․ հունիսի 7-ին.
- ↑ «Richard Russo». New York State Writers Institute, State University of New York. 2002. Արխիվացված է օրիգինալից 2007 թ․ փետրվարի 19-ին. Վերցված է 2007 թ․ մարտի 20-ին.
- ↑ «For Pulitzer Prize-winning Portland author Richard Russo, the story starts at home». Press Herald (ամերիկյան անգլերեն). 2016 թ․ փետրվարի 21. Վերցված է 2018 թ․ հունիսի 11-ին.
- ↑ «Richard Russo Profile». Արխիվացված է օրիգինալից 2016 թ․ օգոստոսի 3-ին. Վերցված է 2019 թ․ հուլիսի 14-ին.
Արտաքին հղումներ խմբագրել
- Audio recording of Russo reading a chapter of That Old Cape Magic from the Maine Humanities Council and the Portland Public Library
- Ռիչարդ Ռուսսո Internet Movie Database կայքում
 | Վիքիպահեստն ունի նյութեր, որոնք վերաբերում են «Ռիչարդ Ռուսսո» հոդվածին։ |