Ռեջինալդ Հարթ
Սըր գեներալ Ռեջինալդ Քլեր Հարթ, (անգլ.՝ Sir Reginald Clare Hart, հունիսի 11, 1848, Scarriff, Քլեր, Մանսթեր, Մեծ Բրիտանիայի և Իռլանդիայի միացյալ թագավորություն - հոկտեմբերի 18, 1931, Բորնմութ, Bournemouth, Christchurch and Poole, Դորսետ, Անգլիա, Միացյալ Թագավորություն), իռլանդա-բրիտանական բանակի սպա։ Պարգևատրվել է Վիկտորյայի խաչ շքանշանով, որը քաջագործության ամենաբարձր և ամենահեղինակավոր պարգևատրումն է, որ կարող են շնորհել Մեծ Բրիտանիան և Ազգերի համագործակցությունը։
Ռեջինալդ Հարթ | |
---|---|
հունիսի 11, 1848 - հոկտեմբերի 18, 1931 (83 տարեկան) | |
Ծննդավայր | Scarriff, Քլեր, Մանսթեր, Մեծ Բրիտանիայի և Իռլանդիայի միացյալ թագավորություն |
Մահվան վայր | Բորնմութ, Bournemouth, Christchurch and Poole, Դորսետ, Անգլիա, Միացյալ Թագավորություն |
Քաղաքացիություն | Իռլանդիա |
Զորատեսակ | Բրիտանական բանակ |
Կոչում | գեներալ |
Մարտեր/ պատերազմներ | Երկրորդ անգլո-աֆղանական պատերազմ |
Կրթություն | Թագավորական ռազմական ակադեմիա և Չելթեմհեմ քոլեջ |
Պարգևներ |
Վաղ կյանք և կարիերա խմբագրել
Հարթը ծնվել է Քլեր կոմսության Սկարիֆ գյուղում՝ բրիտանական բանակի սպա Հենրի Ջորջ Հարթի ընտանիքում։ Կրթությունը ստացել է Չելթենհեմ քոլեջում[1]։ Ընդգրկվել է Ինժեներների արքայական կորպուսում։
Մանրամասներ Վիկտորյա խաչի մասին խմբագրել
Երկրորդ անգլո-աֆղանական պատերազմի ժամանակ նա 30 տարեկան էր։ Այդ ժամանակ որպես լեյտենանտ ծառայում էր Բրիտանական բանակի Ինժեներների արքայական կորպուսում։ 1879 թվականի հունվարի 31-ին պատերազմի ժամանակ աչքի ընկավ հետևյալ սխրագործությամբ, որի համար էլ արժանացավ Վիկտորյայի խաչի։
Այն համարձակության համար, որ վտանգի ենթարկելով իր սեփական կյանքը՝ փրկեց շարքային զինվորի կյանք։ Գներալ-լեյտենանտը, որը գլխավորում էր Փեշաուոր դաշտային ուժերի երկրորդ դիվիզիան, հաղորդում է, որ 1879 թվականի հունվարի 31-ին, զինված ուժերի հետ պաշտպանողական պարտականությունները կատարելու ժամանակ Ինժեներների արքայական կորպուսի ղեկավար լեյտենանտ Հարթը կտրեց-անցավ 1200 յարդ, որպեսզի փրկի գետում հայտնված 13-րդ բենգալական հեծելագնդի վիրավոր զինվորի կյանքը։ Լեյտենանտ Հարթը հասնում է վիրավոր զինվորին, ստիպում թշնամուն նահանջել և թաքուն՝ մի քանի զինվորների օգնությամբ, ետ է բերում նրան[2]։ |
Հետագա կարիերա խմբագրել
Հարթը 1896 թվականի մարտի 2-ին նշանակվում է տարածաշրջանային հրամանատար Բելգաում քաղաքի Մադրասի բանակում։ Հարավային Աֆրիկայում անգլո-բուրական պատերազմի սկսվելուց հետո՝ 1899 թվականի հոկտեմբերի 5-ին, նշանակվում է Կուետա տարածաշրջանի ժամանակավոր հրամանատար (որի հրամանատարին ուղարկել էին Հարավային Աֆրիկա)[3]։ Գրեթե երեք տարի մնում է այնտեղ՝ մինչև ստանում է գեներալ սպայի կոչում և 1902 թվականի վերջում նշանակվում Թեմզա տարածաշրջանի հրամանատար։ Գեներալի կոչում ստանալուց հետո նա՝ 1914 թվականից մինչև 1918 թվականը, ծառայում է որպես Ջերնսիի լեյտենանտ նահանգապետ[4]։
Մահացել է 1931 թվականի հոկտեմբերի 18-ին Դորսեթ կոմսության Բորնմութ քաղաքում։
Սըր Ռեջինալդ Քլեր Հարթը թաղված է Նեթերբերիի Սուրբ Մարիամ եկեղեցու բակում[5]։
Ծանոթագրություններ խմբագրել
- ↑ List of the 14 Old Cheltonians who have won the Victoria Cross Արխիվացված 13 Մայիս 2007 Wayback Machine
- ↑ «The London Gazette». www.thegazette.co.uk. Վերցված է 2018 թ․ դեկտեմբերի 29-ին.
- ↑ «The London Gazette». www.thegazette.co.uk. Վերցված է 2018 թ․ դեկտեմբերի 29-ին.
- ↑ World Statesmen
- ↑ Lieutenant Reginald Clare Hart VC Արխիվացված 2009-01-06 Wayback Machine Royal Engineers Museum
Գրականություն խմբագրել
- The Register of the Victoria Cross (1981, 1988 and 1997)
- Clarke, Brian D. H. (1986). «A register of awards to Irish-born officers and men». The Irish Sword. XVI (64): 185–287.
- Ireland's VCs 1-899243-00-3 (Dept of Economic Development 1995)
- Monuments to Courage (David Harvey, 1999)
- Irish Winners of the Victoria Cross (Richard Doherty and David Truesdale, 2000)
Արտաքին հղումներ խմբագրել
Վիքիպահեստն ունի նյութեր, որոնք վերաբերում են «Ռեջինալդ Հարթ» հոդվածին։ |