Ռեիսա ազգային պարկ

Ռեիսա ազգային պարկ; նորվ.՝ Reisa nasjonalpark
Տեսակ	ազգային պարկ
Երկիր	Նորվեգիա
Վարչատարածք	Նորդռեիսա
Աշխարհագրական տեղադրաում	Reisadalen?
Հիմնվել է	նոյեմբերի 28, 1986
Մակերես	803

Ռեիսա ազգային պարկ (նորվ.՝ Reisa nasjonalpark), բնության պահպանվող տարածք Նորվեգիայում։ Գտնվում է Թրոմս ֆյուլքեի Նորդռեիսա կոմունայում՝ Ռեիսաէլվա գետի ավազանում և հարակից բարձրավանդակում։ Սահմանակից է Ֆինլանդիային։ Այն հիմնադրվել է 1986 թվականին գրեթե մինչ այդ պահը անձեռնմխելի համարվող գեղեցիկ և բացառիկ ֆլորայով ու ֆաունայով հարուստ բնությունը պահպանելու համար։ Մակերեսը կազմում է 803 կմ²^[2]։

Ֆլորա և ֆաունա

Պարկը առանձնանում է ֆլորայի և ֆաունայի բազմազանությամբ։ Հայտնաբերվել է 525 անօդային բուսատեսակներ, որից 230-ը՝ բույսեր։ Բույսերից 193-ը հանդիպում են բացառապես պարկի տարածքում^[2]։

Ռեիսայում են բնակվում մի քանի գիշատիչ թռչունների տեսակներ (թավշաոտ ճուռակ, բերկուտ, բազեատիպ բու, սովորական հողմավար բազե և այլն։ Երբեմն հանդիպում են նաև արծիվներ։ Պարկում բնակվում են ընդհանուր առմամբ 140 տեսակ թռչուն։ Կարելի է հանդիպել նաև աղվեսի, արջի, գայլի և այլն^[2]։

Ջրվեժ

Պարկի տարածքում է գտնվում Նորվեգիայի 1-ին, Եվրոպայի 8-րդ 7 աշխարհի 42-րդ ամենամեծ ջրվեժը^[3] Ունի 269 մ բարձրություն, ջրի հզորությունը 6 մ³/վրկ. է։ Ջուրը թափվում է երեք հարկերով, որոնցից ամենաբարձրը 140 մ է^[4]։ Ջրվեժը գտնվում է Ռեիսելվա գետի աջ վտակ Մոլեսյոկա (Մոլեսելվա) գետի վրա։ Ջուրը բարձրավանդակից թափվում է դեպի Ռեիլսելվայի հարթավայր^[5]։

Ազգային պարկի տարածքում գտնվում են նաև ավելի քիչ հզորությամբ ջրվեժներ, ինչպիսիք են Իմոֆեսենը և Նեդրեֆոսենը։

Զբոսաշրջություն

Դեպի ազգային պարկ գնացող ավտոմոբիլային ճանապարհներ չկան։ Այնտեղ հնարավոր է հասնել միայն կա՛մ Ռեիսելվա գետն ի վեր մոտորանավակով, կա՛մ քայլելով գետի ավազանով, որտեղ առկա է գծանշված քայլարշավային երթուղի։