Ռաշիդ Կարապետյան
Ռաշիդ Կարապետյան (դեկտեմբերի 28, 1937, Երևան, Հայկական ԽՍՀ, ԽՍՀՄ), բալետի հայ արտիստ։ Հայաստանի Թատերական գործիչների միության անդամ (1962 թ.)։ ՀԽՍՀ վաստակավոր արտիստ (1964 թ.)։
| Ռաշիդ Կարապետյան | |
|---|---|
| Ծնվել է | դեկտեմբերի 28, 1937 (86 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պարարվեստի պետական քոլեջ (1955) |
| Մասնագիտություն | բալետի պարող |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Հայաստանի պարի պետական անսամբլ |
| Պարգևներ և մրցանակներ |   և  |
| Անդամություն | Հայաստանի թատերական գործիչների միություն |
Կենսագրություն խմբագրել
Ռաշիդ Կարապետյանը ծնվել է Երևանում։ 1955 թվականին ավարտել է Երևանի պարարվեստի ուսումնարանը։ Աշխատել է Երևանի Սպենդիարյանի անվան օպերայի և բալետի ազգային ակադեմիական թատրոնում, եղել է բալետի արտիստ։ 1957—1960 թվականներին ծառայել է խորհրդային բանակում։ Բանակից վերադառնալուց հետո եղել է Հայաստանի պարի պետական անսամբլի մենակատար։ 1967 թվականին «ԽՍՀՄ ժողովուրդների պարեր» ծրագրի շրջանակներում հյուրախաղերով հանդես է եկել Հնդկաստանում, Լաոսում, Կամբոջայում։ Շրջագայել է աշխարհի տարբեր երկրներով[1][2]։
1970 թվականին հյուրախաղերով եղել է ԱՄՆ-ում։ ԱՄՆ-ից վերադառնալուց հետո ընկել և վնասել է ողնաշարը և դադարեցրել է պարային գործունեությունը։
|
Ես ծնվել եմ Սուրբ Սարգիս եկեղեցու հարևանությամբ գտնվող բակերից մեկում և երևի հենց Աստված էլ ինձ պահում է, որ շատ ծանր վնասվածքից հետո կարողացա ոտքի կանգնել։ - Ռաշիդ Կարապետյան[3]
|
|
Պարացանկ խմբագրել
- «Բերդ»
- «Պոռթկում»
- «Լեռնային պար»
Մրցանակներ խմբագրել
- ՀԽՍՀ վաստակավոր արտիստ, 1964 թ.
- Լենինի շքանշան, 1965 թ.
- Կամբոջայի թագավորի շքանշան, 1967 թ.
- Հունգարիայի մշակույթի նախարարի մեդալ, 1968 թ.
- ՀԹԳՄ ոսկե մեդալ, 2013 թ.
Ծանոթագրություններ խմբագրել
- ↑ «Ռաշիդ Կարապետյանի մասին avproduction.am կայքում». Արխիվացված է օրիգինալից 2016 թ․ մարտի 5-ին. Վերցված է 2018 թ․ փետրվարի 20-ին.
- ↑ Rashid Karapetyan
- ↑ Ռաշիդ Կարապետյան` մարդ, ում ամբողջ աշխարհն է գնահատել, բայց մենք` հայերս, չենք ճանաչում