Ռաններս ('ʀɑnɐ̥s, դան․՝ Randers) քաղաք Դանիայում, Յուտլանդիայի արևելքում, Ռաններս կոմունայի վարչական կենտրոնը։ Գտնվում է Օրհուսի արևելքում, Գուդենո գետի երկայնքին։ Բնակչությունը՝ 64,9 հազար (1972); 55 358 (1992); 55 739 (2004); 59 842 (2009):
Առաջին անգամ հիշատակվում է 1086 թվականից, քաղաքային կանոնադրությունը հաստատվել է 1302 թվականին։ Միջնադարում դարձել է կարևոր առևտրային և եկեղեցական կենտրոն։ Չնայած XVII դարի հրդեհներին, միջնադարյան առևտրականների և այլ շենքերի մի քանի տներ պահպանվել են, այդ թվում՝ Ս.Մորտենի եկեղեցին (1490) և Ս. Հոգու վանքը (1510)։
Արտադրվում են՝ երկաթուղային շարժակազմերի սարքավորումներ, բոլոր եվրոպական երկաթուղային օպերատորների համար[1], սանհանգույցների պարագաներ[2], տեքստիլ արդյունաբերության ապրանքներ (ձեռնոցներ), սննդամթերք (այդ թվում նաև գարեջուր, մսամթերք), գյուղատնտեսական տեխնիկա, կաթնամթերք։
Դանիա
