Ռազմիկ Արոյան

Ռազմիկ Արոյան (հոկտեմբերի 15, 1947(1947-10-15), Թեհրան, Իրան - սեպտեմբերի 8, 2010(2010-09-08), Երևան, Հայաստան), հայ դերասան։

Ռազմիկ Արոյան
Ծնվել է	հոկտեմբերի 15, 1947(1947-10-15)
Ծննդավայր	Թեհրան, Իրան
Մահացել է	սեպտեմբերի 8, 2010(2010-09-08) (62 տարեկան)
Մահվան վայր	Երևան, Հայաստան
Քաղաքացիություն	Իրան
Մասնագիտություն	դերասան
Ընտրանի	Թթենի

Կենսագրություն

Ռազմիկ Արոյանը ծնվել է Իրանի Թեհրան քաղաքում։ Նախադպրոցական տարիքում հաճախել է Թեհրանում ԽՍՀՄ դեսպանատան թատերական խմբակ։ 1967 թվականին տեղափոխվել է Հայաստան, ընդունվել Երևանի Սունդուկյանի անվան ազգային ակադեմիական թատրոնին կից գործող Աճեմյանի դպրոց-ստուդիա։ Աչքի է ընկել դերասանական ձիրքով, եղել է Աճեմյանի սիրված ուսանողը։ Ավարտելուց հետո, երկար տարիներ աշխատել է նույն թատրոնում։ Այնուհետև աշխատել է «Նորք» երիտասարդական թատրոնում։ Մարմնավորրել է բազմաթիվ կերպարներ։ Խաղացել է Գորկու «Հատակում» (Սատին), Սունդուկյանի «Պեպոյում» մարմնավորել է Կակուլիի կերպարը՝ Բաբկեն Ներսիսյանի և Խորեն Աբրահամյանի հետ։ Նկարահանվել է շուրջ 30 գեղարվեստական և կարճամետրաժ հայկական ֆիլմերում։ Նրան հատկապես մեծ համբավ է բերել «Թթենի» կարճամետրաժ ֆիլմը։ Մի քանի տարի ապրել է ծերանոցում, բոլորից լքված։ Մահացել է Երևանում, թոքերի քաղցկեղից։

Դերեր ֆիլմերում

• «Թթենի»
• «Կոմիսար Մհերի արկածները»
• «Յոթ սարից այն կողմ»
• «Արևիկ»
• «Ճերմակ անուրջներ»
• «Մխիթար Սպարապետ»
• «Լիրիկական երթ»
• «Քարեր»
• «Ձորի Միրոն»
• «Որտե՞ղ էիր, մարդ աստծո»
• «Կիսանդրի»
• «Կարծր ապար»

Կինոալմանախ

• «Բումերանգ»

Հեռուստասերիալներ

• «Ճակատագրի գերիները»
• «Որոգայթ»
• «Դժբախտ երջանկություն»