Մատիտեղ ջրային

բույսերի տեսակ
(Վերահղված է Ջրապղպեղից)
Մատիտեղ ջրային
Մատիտեղ ջրային
Մատիտեղ ջրային
Դասակարգում
Թագավորություն  Բույսեր (Plantae)
Ենթատիպ Սերմնավոր բույսեր (Spermatophytina)
Կարգ Մեխակածաղկավորներ (Caryophyllales)
Ընտանիք Հնդկացորենազգիներ (Polygonaceae)
Ենթաընտանիք Հնդկացորենայիններ (Polygonoideae)
Տրիբա Persicarieae
Ցեղ Persicaria
Տեսակ Մատիտեղ ջրային (P. hydropiper)
Միջազգային անվանում
Persicaria hydropiper
Կարգավիճակ
Հատուկ պահպանության կարգավիճակ՝ Status iucn3.1 LC hy.svg
Քիչ մտահոգող տեսակ

Մատիտեղ ջրային (լատ.՝ Polygonum hydropipper), մատիտեղազգիների ընտանիքին պատկանող դեղաբույս։

ՆկարագրությունԽմբագրել

Թույլ զարգացած առանցքային արմատով միամյա խոտաբույս է, որի բարձրությունը 30-90 սմ է։ Ամբողջաեզր, ալիքաձև, հաճախ մուգ գորշ բծերով տերևները կարճ կոթուններով նշտարաձև են։ Ցողունի և ճյուղերի գագաթներին հավաքված են մանր չորսանդամ ծաղիկները, որոնք առաջացնում են բարակ փուխր հասկանման ծաղկաբույլեր։ Գեղձիկներով պատված ծաղկապտի թերթիկները սպիտակավուն են կամ կանաչավարդագույն։ Մի կողմից ուռուցիկ, մյուս կողմից տափակ պտուղը սև ձվաձև ընկուզիկ է[1]։

ՏարածվածությունԽմբագրել

Որպես մոլախոտ աճում է առուների եզրերին։ Հանդիպում է Լոռու, Տավուշի, Արմավիրի, Գեղարքունիքի, Սյունիքի մարզերում։ Թունավոր բույս է[1]։

ՆշանակությունԽմբագրել

Բուժական նպատակներով օգտագործում են բույսի վերգետնյա մասը, որը հավաքում են ծաղկման շրջանում՝ մինչև ցողունների կարմրելը։ Բույսի բոլոր մասերը թարմ վիճակում ունեն սուր պղպեղի համ և օգտագործվում են որպես համեմունք[1]։

ԾանոթագրություններԽմբագրել

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689