Ջո Դ'Ամատո

Ջո Դ'Ամատո (իտալերեն՝ Joe D'Amato, իրական անունը` Արիստիդ Մասաչեզի, իտալերեն՝ Aristide Massaccesi, դեկտեմբերի 15, 1936(1936-12-15), Հռոմ, Իտալիա - հունվարի 23, 1999(1999-01-23), Հռոմ, Իտալիա), իտալացի կինոռեժիսոր, պրոդյուսեր, սցենարիստ և օպերատոր։ Նկարահանել է տարբեր ժանրերի (մարտական, վեստերն, ֆանտաստիկ, պեպլում և սարսափ) մոտ 200 ֆիլմ։ Սակայն նրա ֆիլմերի մեծամասնությունը կրում են էրոտիկ և պոռնոգրաֆիկ բնույթ։

Ջո Դ'Ամատո Joe D'Amato
Ծնվել է	դեկտեմբերի 15, 1936(1936-12-15)
Ծննդավայր	Հռոմ, Իտալիա
Մահացել է	հունվարի 23, 1999(1999-01-23) (62 տարեկան)
Մահվան վայր	Հռոմ, Իտալիա
Քաղաքացիություն	Իտալիա և  Իտալիայի թագավորություն
Մասնագիտացում	կինոռեժիսոր, կինոպրոդյուսեր, սցենարիստ, օպերատոր-բեմադրիչ, մոնտաժող և դերասան
Ոճ(եր)	շահագործող ֆիլմ և սպագետտի վեսթեռն
IMDb	ID ID 0001090

Կենսագրություն

Ջո Դ'Ամատոն կինոաշխարհի հետ ծանոթացել է իր հոր շնորհիվ, ով կինոստուդիայում էլեկտրամոնտյոր էր։ Նա իր կարիերան սկսել է 1961 թվականից` որպես օպերատոր։ 1972 թվականից սկսել է նկարահանել իր ֆիլմերը` չդադարելով այլ ռեժիսորների մոտ հանդես գալ որպես օպերատոր։ 1970-ական թվականների երկրորդ կեսից փորձել է օգուտ քաղել Ֆրանսիայում նկարահանված «Էմմանուել» ֆիլմի հաջողությունից` նկարահանելով էրոտիկ ժանրի նույնանուն ֆիլմաշար։

1980-ական թվականների սկզբին նկարահանել է իր ամենահայտնի «Խավարից այն կողմ» (1979թ.), «Անտրոպոֆագուս» (1980թ.) և «Անտրոպոֆագուս 2» (1981թ.) ֆիլմերը, որոնց շնորհիվ հանդիսատեսների շրջանում հայտնի է դարձել որպես սարսափ ֆիլմերի հայտնի բեմադրիչ։ Ջո Դ'Ամատոն հետագայում աշխատել է Դոմինիկյան Հանրապետությունում, որտեղ նկարահանել է ֆիլմեր մեծահասակների համար։ Վերադառնալով Իտալիա, շարունակել է նմանատիպ ֆիլմերի նկարահանումը։ Այդ տարիներին նա հաճախ հանդես էր գալիս որպես պրոդյուսեր, որի արդյունքում ստեղծեց իր սեփական կինոկազմակերպությունը։

1994 թվականին Ջո Դ'Ամատոն նկարահանել է հիմնականում կոմերցիոն տեսակետից ոչ շահավետ կինոնկարներ։ Նա իր ֆիլմերում հիմնականում հանդես է եկել բազմաթիվ կեղծանուններով։ 1995 թվականից մինչև իր մահը, նա շարունակում էր նկարահանել պոռնոգրաֆիական ժանրի ֆիլմեր, դրա համար ընտրելով այնպիսի թեմաներ, ինչպիսիք էին հունա-հռոմեական դիցաբանությունը, Ուիլյամ Շեքսպիրի ստեղծագործությունները, հռոմեական կայսրերի մասին պատմությունները և այլն։

Ջո Դ'Ամատոյի որդին` Դանիել Մասաչեզին, ով սկզբում օգնում էր հորը` օպերատորական աշխատանքներում, հետագայում մեկնել է ԱՄՆ և շարունակել կարիերան, աշխատելով այնպիսի ֆիլմերում, ինչպիսիք էին «Հաննիբալ» (2001թ.), «Ցուրտ լեռը» (2003թ.), «Երկնային արքայություն» (2005թ.) և այլն։

Ջո Դ'Ամատոն մահացել է Իտալիայում, իր տանը, սրտի նոպայից։

Մասնակի ֆիլմագրություն

Թվական	Անվանում	Բնօրինակ անվանում
1972	Աստված, սա իմ 45-րդ տրամաչափի կոլտն է	La colt era il suo Dio
1973	Զվարճալի պատմություններ անհավատարիմ կանանց և մեղսագործ ամուսինների մասին	Sollazzevoli storie di mogli gaudenti e mariti penitenti
1973	Մահը ժպտում է մարդասպանին	La morte ha sorriso all'assassino
1973	Կույսերի լիալուսինը	Il plenilunio delle vergini
1973	Բռունցքներ, ծովահեններ և կարատե	Pugni, pirati e karatè
1974	Հերոսները դժոխքում	Eroi all'inferno
1976	Էմմանուելն Արևելքում	Emanuelle nera: Orient reportage
1976	Սև Էմմանուելը Ճապոնիայում	Eva nera
1977	Էմմանուելն Ամերիկայում	Emanuelle in America
1977	Էմմանուելն ու մարդակերները	Emanuelle e gli ultimi cannibali
1978	Մարմնավաճառություն	La via della prostituzione
1979	Դաժան մարդասպանություն	Duri a morire
1979	Վանական հրապուրանքներ	Immagini di un convento
1979	Խավարից այն կողմ	Buio Omega
1980	Անտրոպոֆագուս	Anthropophagus
1981	Անտրոպոֆագուս 2	Rosso sangue
1982	Կալիգուլա. Չպատմված պատմություն	Caligola: La storia mai raccontata
1982	Անհաղթ Ատորը	Ator l'invincibile
1982	2020. Ապագայի գլադիատորները	Anno 2020 - I gladiatori del futuro
1985	Հաճույք	Il piacere
1986	Մեղքի վանքը	La monaca del peccato
1986	Գաղտնադիտման ցանկություն	Voglia di guardare
1987	Զոմբի 5. Մահաբեր թռչուններ	Killing Birds: Raptors
1988	Կեղտոտ սեր	Dirty Love
1989	Ցանկության օբյեկտ	Blue Angel Cafe
1990	Հրաշք-թրի որոնումները	Quest for the Mighty Sword
1990	Արյունոտ անդունդ	Sangue negli abissi
1990	Կինը Ուոլլ-սթրիթից	High Finance Woman
1991	Կրքի ծաղիկը	Passion's Flower
1991	Ֆրանկենշտեյն 2000	Ritorno dalla morte
1993	Յոթերորդ աստիճանի վարակում	Contamination .7
1993	Չինական կամասուտրա	Chinese Kamasutra - Kamasutra cinese
1993	Սիրո լաբիրինթոս	Il labirinto dei sensi
1994	Հաճույքների տունը	La casa del piacere
1994	Մարկո Պոլո	Marco Polo: La storia mai raccontata
1994	Ալադինի էրոտիկ արկածները	The Erotic Adventures of Aladdin X
1994	Մարքիզ դը Սադ	Marquis de Sade
1995	Սեքսը Յուրայի ժամանակաշրջանում	Homo Erectus
1995	Հազար ու մեկ գիշեր	1001 Nights
1996	Կանացի բանտ	Penitenziario femminile
1996	Դոնա Ֆլորը	Donna Flor
1996	Ջուլիետան ու Ռոմեոն	Romeo e Giulietta
1997	Նախագահի բոլոր կանայք	All the President's Women
1998	Սահարա	Sahara