Ջին Ավգուստին
Կանադայում թագուհու մասնավոր խորհրդի անդամ, Կանադայի շքանշանի ասպետ, Օնտարիոյի շքանշանի ասպետ ու Բրիտանական կայսրության շքանշանակիր Ջին Ավգուստին (անգլ.՝ Jean Augustine, սեպտեմբերի 9, 1937[2], Սենտ Ջորջես, Գրենադա), գրենադա-կանադացի կրթական ադմինիստրատոր, սոցիալական արդարության ջատագով ու քաղաքական գործիչ։ Համարվում է Կանադայի Համայնքների պալատում ընտրված առաջին երկու սևամորթ կանադուհիներից մեկը։
Ջին Ավգուստին | |
![]() | |
Կուսակցություն՝ | Կանադայի լիբերալ կուսակցություն |
---|---|
Կրթություն՝ | Տորոնտոյի համալսարան (1980)[1] |
Մասնագիտություն՝ | քաղաքական գործիչ, դպրոցի ուսուցիչ և ակտիվիստ |
Դավանանք | Հռոմի Կաթոլիկ եկեղեցի |
Ծննդյան օր | սեպտեմբերի 9, 1937[2] (86 տարեկան) |
Ծննդավայր | Սենտ Ջորջես, Գրենադա |
Քաղաքացիություն | ![]() |
Պարգևներ |
![]() |
1993 - 2006 թվականների ընթացքում եղել է Կանադայի Համայնքների պալատում լիբերալ կուսակցության անդամ և ներկայացրել Օնտարիոյի Էթոբիկո-Լեյքշոր ընտրատեղամասը։ 2002-2004 թվականներին եղել է Կանադայի նախարարների կաբինետի անդամ․ նախքան ընտրվելը դպրոցի տնօրեն էր։ Վարչապետ Ժան Կրետիենի խորհրդարանական քարտուղարն էր 1994 - 1996 թվականներին։ Եղել է բազմամշակութայնության (և կանանց կարգավիճակի) գծով պետնախարար 2002 - 2004 թվականներին։
Նախապատմություն
խմբագրելԱվգուստինը ծնվել է Գրենադայում 1937 թվականին, սակայն 1960 թվականին West Indian Domestic Scheme ներգաղթի ծրագրի շրջանակներում ներգաղթել է Կանադա[4]։ Ուսանել է Տորոնտոյի համալսարանում, որտեղ էլ ձեռք է բերել արվեստի բակալավրի ու կրթության ոլորտի մագիստրոսի աստիճան։ Համալսարանն ավարտելուց հետո Տորոնտոյի տարրական դպրոցներից մեկում աշխատել է որպես տնօրեն։ Ակտիվորեն ներգրավված է եղել Տորոնտոյի կարիբյան համայնքի կյանքում, ընդգրկված լինելով 1967 թվականի կարիբյան փառատոնը (Կարիբանան) կազմակերպելու առաջին հանձնաժողովի կազմում[4]։
Նա ներգրավվել է կրթական և սոցիալական արդարության բազմաթիվ կազմակերպություններում, ծառայել Կանադայի սևամորթների ազգային կոալիցիայում, ռասայական հարաբերությունների քաղաքային դաշինքում, Յորքի համալսարանի կառավարիչների խորհրդում և այլուր։ 1987 թվականին ճանաչվել է Կանադայի սևամորթ կանանց համագումարի ազգային նախագահ[5]։
Դաշնային քաղաքականություն
խմբագրել1993 թվականի Կանադայի դաշնային ընտրություններում դարձել է Կանադայի պառլամենտում ընտրված առաջին սևամորթ կինը։ Երեք անգամ աշխատել է որպես Ազգային ազատական կանանց խմբի նախագահ։ 2002 թվականի փետրվարին ընտրվել է արտաքին հարաբերությունների և միջազգային առևտրի հարցերի մշտական հանձնաժողովի նախագահ[6]։ Պաշտոնավարման շրջանում միանձնյա պատասխանատու էր 305–0 միաձայն քվեարկությամբ փետրվարը Կանադայում Սևամորթների պատմության ամիս ճանաչելու մասին օրենսդրություն մշակելու համար։ Այս հայտարարությունը կանադացիներին հնարավորություն է տվել հարգել իրենց սևամորթների պատմությունը այն ժամանակ, երբ ամերիկացիները դա անում էին արդեն մի քանի սերունդ։
Ավգուստինը նաև առաջին սևամորթ կանադուհին էր, որ պաշտոն է ստացել դաշնային կառավարությունում[4]։ 2002 թվականի մայիսի 26-ին նշանակվել է պետքարտուղար։ 2003 թվականի դեկտեմբերին վերանշանակվել է նոր կառավարությունում որպես պետնախարար։ 2004 թվականին նշանակվել է ամբողջական հանձնաժողովի կոմիտեի նախագահի տեղակալի օգնականի պաշտոնում, որով դարձել է Կանադայի Համայնքների պալատի խոսնակի աթոռն զբաղեցրած առաջին աևամորթ կանադուհին։
Եղել է բնակչության և զարգացման հարցերով խորհրդարանականների կանադական ասոցիացիայի հիմնադիր նախագահը, կանադացի խորհրդարանականների միկրովարկային գագաթնաժողովի խորհրդի նախագահը, կանադա-սլովենական խորհրդարանական խմբի նախագահը և կանադա-աֆրիկյան խորհրդարանական խմբի նախագահը։
2005 թվականի նոյեմբերի 28-ին հայտարարել է պալատից հեռանալու մտադրության մասին, ասելով, որ իր թեկնածությունը չի առաջադրելու 2006 թվականի ընտրություններում[7]։ Աջակցել է լիբերալ Մայքլ Իգնատևին՝ իրեն հաջորդելու համար։
Հետագա կյանք
խմբագրել2007 թվականին Օնտարիոյի կառավարության կողմից առաջադրվել է որպես առաջին Արդարության հարցերով հանձնակատար․ պաշտոն, որը ստեղծվել է օտարերկրյա մասնագիտական հավատարմագրերով կանադացիներին պաշտպանելու համար[8]։ Այս պաշտոնը թողել է 2015 թվականի մարտին[9]։
2007 թվականին նվիրաբերել է իր անձնական գրառումները Յորքի համալսարանի Կլարա Թոմասի անվան արխիվին։
2008 թվականին Յորքի համալսարանի կրթության ֆակուլտետում նրա անունով բացվել է կրթական ամբիոն[10]։
Մրցանակներ ու պարգևներ
խմբագրել- Իր ալմա մատեր Տորոնտոյի համալսարանից ստացել է իրավագիտության դոկտորի պատվավոր կոչում, իսկ 2009 թվականին ՄաքԳիլի համալսարանն է նրան արժանացրել իրավագիտության պատվավոր դոկտորի կոչման։ 2017 թվականին նույն կոչմանն արժանացել է Թրենթի համալսարանի կողմից[11]։
- Երիտասարդ կանանց համաշխարհային քրիստոնեական ասոցիացիայի կողմից ստացել է «Տարբերության կին» մրցանակ, Կայ Լիվինգստոնի անվան մրցանակ, Օնտարիոյի կամավորականների մրցանակ, Ռուբենա Ուիլիսի հատուկ ճանաչման մրցանակ[4]։
- 2009 թվականին Կանադայում որպես մանկավարժ, քաղաքական գործիչ և սոցիալական արդարության ջատագով իր գործունեության համար արժանացել է Կանադայի շքանշանի[12]։
- Գրենադայում կրթությանն և քաղաքականությանն ուղղված ծառայությունների համար արժանացել է Բրիտանական Կայսրության շքանշանի[13]։
- Ջորջ Բրաուն քոլեջում կրթություն ստանալու համար նրա անունով կրթաթոշակ է գործում՝ նախատեսված միայնակ մայրերի համար։
- Օնտարիոյի Բրեմպթոն քաղաքի միջնակարգ դպրոցներից մեկն անվանակոչվել է Ջին Ավգուստինի պատվին[14]։
- Տորոնտոյի շրջանի դպրոցական խորհրդի աղջիկների առաջնորդության ակադեմիա[15]։
Ծանոթագրություններ
խմբագրել- ↑ 1,0 1,1 http://archivesfa.library.yorku.ca/fonds/ON00370-f0000515.htm
- ↑ 2,0 2,1 Պառլամենտի գրադարան — 1876.
- ↑ https://www.thecanadianencyclopedia.ca/en/article/jean-augustine
- ↑ 4,0 4,1 4,2 4,3 Susanna McLeod. «Jean Augustine». The Canadian Encyclopedia. Վերցված է 2019 թ․ սեպտեմբերի 5-ին.
- ↑ «Congress of Black Women of Canada». Pushing Buttons, Pushing Stories:The Jean Augustine Political Button Collection. Վերցված է 2017 թ․ հունվարի 16-ին.
- ↑ «Profile - Augustine, Jean». lop.parl.ca. Վերցված է 2019 թ․ փետրվարի 21-ին.
- ↑ Cobb, Chris (2005 թ․ դեկտեմբերի 11). «Augustine's Swansong: Canada's first black female MP bowing out of politics: [Final Edition]». The Ottawa Citizen; Ottawa, Ont. Ottawa, Ont., Canada, Ottawa, Ont. էջեր –7. ISSN 0839-3222.
- ↑ Augustine to be Ont. advocate for foreign workers, CTV News from Canadian Press (CP). March 13, 2007.
- ↑ Keung, Nicholas (2015 թ․ մարտի 22). «Jean Augustine, Ontario's fairness commissioner, retires at 77». Toronto Star. Վերցված է 2016 թ․ հունիսի 9-ին.
- ↑ «The Jean Augustine Chair in Education | Faculty of Education». edu.yorku.ca. Վերցված է 2017 թ․ հունվարի 16-ին.
- ↑ «Paul Martin, Jean Augustine among seven receiving Trent University honorary degrees». ThePeterboroughExaminer.com (կանադական անգլերեն). 2017 թ․ մարտի 28. Վերցված է 2019 թ․ փետրվարի 21-ին.
- ↑ «Governor General Announces 57 New Appointments to the Order of Canada». Office of the Secretary to the Governor General. 2009 թ․ դեկտեմբերի 30. Վերցված է 2009 թ․ դեկտեմբերի 30-ին.
- ↑ Կաղապար:London Gazette
- ↑ "Former politician Jean Augustine gets Brampton school named after her", CBC News, January 26, 2016.
- ↑ «Archived copy». Արխիվացված է օրիգինալից 2013 թ․ օգոստոսի 18-ին. Վերցված է 2016 թ․ հունվարի 28-ին.
{{cite web}}
: CS1 սպաս․ արխիվը պատճենվել է որպես վերնագիր (link)
Արտաքին հղումներ
խմբագրել- Jean Augustine archives held at the Clara Thomas Archives and Special Collections, York University Libraries, Toronto
- How'd They Vote?: Jean Augustine's voting history and quotes
- "Pushing buttons, pushing stories"
Վիքիպահեստն ունի նյութեր, որոնք վերաբերում են «Ջին Ավգուստին» հոդվածին։ |