Ջեյմս Էնջել
Ջեյմս Քրոֆորդ Էնջել (անգլ.՝ James Crawford Angel, օգոստոսի 1, 1899[1], Սպրինգֆիլդ, Միսսուրի, ԱՄՆ - դեկտեմբերի 8, 1956[1], Պանամա, Պանամա), ամերիկացի, ճանապարհորդ, օդաչու։
| Ջեյմս Էնջել | |
|---|---|
| Ծնվել է | օգոստոսի 1, 1899[1] |
| Ծննդավայր | Սպրինգֆիլդ, Միսսուրի, ԱՄՆ |
| Մահացել է | դեկտեմբերի 8, 1956[1] (57 տարեկան) |
| Մահվան վայր | Պանամա, Պանամա |
| Գերեզման | Portal of the Folded Wings Shrine to Aviation |
| Քաղաքացիություն | .svg){kind=small} ԱՄՆ |
| Մասնագիտություն | ճանապարհորդ հետազոտող և օդաչու |
 Jimmie Angel Վիքիպահեստում | |
Կենսագրություն խմբագրել
Ծնվել է 1899 թվականի օգոստոսի 1-ին, Միսուրի նահանգի Սփրինգֆիլդ քաղաքում[2]։ 15 տարեկանում փախչել է տնից և մեկնել Կանադա։ Այնտեղ նրան հաջողվում է աշխատանքի անցնել Թագավորական օդային ուժերում։ Կարճ ժամանակ անց նա ինքնաթիռի ղեկին օդ բարձրացավ[3]։
Հայտնի է, որ 1933-1937 թվականներին նրա կատարած թռիչքների շնորհիվ սկսեցին ուշադրություն դարձնել Վենեսուելայի դժվարամատչելի տարածքում գտնվող ջրվեժին, որը, պարզվում է, աշխարհի ամենաբարձր ջրվեժն է։ Այս ջրվեժը անվանվել է Անխել՝ (իսպանական բառ է, իսպ.՝ Angel «Անխել») ի պատիվ օդաչուի։ Էնջելը 1933 թվականի նոյեմբերի 16-ի թռիչքի ժամանակ պատահականորեն հայտնաբերեց ջրվեժը (նա զբաղվում էր լեռների տեսանելի մակերևույթին գտնվող հանքաքարերի որոնումով)։ Հետաքրքրված լինելով ջրվեժով` Էնջելը փնտրեց ապացույցներ դրա մասին՝ գրված վենեսուելացի ճանապարհորդ և հետազոտող Ֆելիքս Կարդոնա Պուիգի կողմից։ 1937 թվականի մարտին վերադարձավ Վենեսուելա և Կարդոնայի հետ կրկին թռավ ջրվեժի վրայով։ Վերջապես, 1937 թվականի հոկտեմբերի 9-ին Էնջելը փորձեց վայրէջք կատարել ջրվեժի բարձունքին, որի հետևանքով ինքնաթիռի անիվները խրվեցին ցեխի մեջ, և ինքնաթիռը վնասվեց (ինքնաթիռը բարձունքում մնաց մինչև 1970 թվականը, երբ վենեսուելական իշխանությունները ապամոնտաժեցին նրա մնացորդները և ուղղաթիռով տեղափոխեցին այն Կարակաս)։ Էնջեյլը, նրա կինը և երկու ուղեկիցները 11 օրվա ընթացքում հասան քաղաքակիրթ վայրեր։ Լրատվամիջոցները հետաքրքրվեցին այդ ճանապարհորդությամբ, և ջրվեժն անվանվեց օդաչուի անունով։
Ջեյմս Քրոֆորդ Էնջելը մահացել է Պանամայի մայրաքաղաքում՝ 1956 թվականի դեկտեմբերի 8-ին։ Համաձայն վկայության՝ նրա դիակը կիզել են, իսկ մոխիրը շաղ տվել նրա անվան ջրվեժի վրա։
-
-
Ջեյմս Էնջելի ինքնաթիռը, որով նա հասել է Անխել
Ծանոթագրություններ խմբագրել
- ↑ 1,0 1,1 1,2 1,3 1,4 GeneaStar
- ↑ «Джимми Энджел: история открытия водопада Анхель». Исследовательские экспедиции. В экспедицию! Проект "Исследовательские Экспедиции" - это планирование, разработка, организация и сопровождение исследовательских экспедиций. (ամերիկյան անգլերեն). Վերցված է 2019 թ․ հուլիսի 4-ին.
- ↑ sozero (2018 թ․ օգոստոսի 26). «В погоне за мечтой». sozero. Վերցված է 2019 թ․ հուլիսի 5-ին.
Արտաքին հղումներ խմբագրել
Աղբյուրներ խմբագրել
- Кравчук П. А. Рекорды природы. — Л.: Эрудит, 1993. — 216 с. — 60 000 экз. — ISBN 5-7707-2044-1.
 | Վիքիպահեստն ունի նյութեր, որոնք վերաբերում են «Ջեյմս Էնջել» հոդվածին։ |