Պոդիում (նորաձևություն)
Պոդիում 50-ից 100 մետր երկարությամբ բարձրադիր նեղ հենահարթակ՝ նորաձևության ցուցադրություն համար (որի վրայով երաժշտության ներքո անցնում են մոդելները)[1]։
Պատմություն Խմբագրել
20-րդ դարասկզբին ԱՄՆ-ում ի հայտ են գալիս նորաձևության առաջին ցուցադրությունները։ Հագուստի և աքսեսուարների արտադրողները սկսեցին անցկացնել նորաձևության շաբաթներ, որի ընթացքում ցուցադրում էին նորաձև արտադրանքի նորագույն պրետ-ա-պորտե նմուշները։ Սկզբում այդ միջոցառումների ժամանակ նմուշները ներկայացվում էին մանեկենների (տիկնիկ) վրա։ Սակայն հարուստ ամերիկացիների շրջանում այսպիսի ցուցադրությունների հեղինակության բարձրացումը հանգեցրեց նրան, որ հրավիրվեցին երիտասարդ մանեկենուհիներ, որոնց օգնությամբ հավանական գնորդը կարող էր ծանոթանալ ներկայացվող հագուստին՝ բոլոր կողմերից։ Մեծաթիվ հանդիսատես գրավելու համար մոդելները սկսեցին օգտագործել պոդիումը, որը ցուցասրահի նկատմամբ բարձրադիր դիրք էր գրավում։
Այժմեականություն Խմբագրել
Ներկայումս դասական (բայց ոչ պարտադիր) է համարվում սպիտակ գույն ունեցող պոդիումը[2]։ Որպես կանոն, պոդիումի հատվածը հանդիսատեսի հատվածից առանձնացվում է մի փոքր մթությամբ, առաջին շարքերը զբաղեցնում են նորաձևություն գնահատողները, մամուլի ներկայացուցիչները և հրավիրված հայտնի անձիք։ Կուլիսների հետևում տեղակայվում է հետնաբեմի (անգլ.՝ backstage) հատվածը, որտեղ գտնվում են հագուստաձողերը՝ հագուստներով, կոշիկներով և ցուցադրության համար անհրաժեշտ այլ աքսեսուարներով։ Այստեղ էլ մասնագետներն օգնում են մոդելներին հագնվել, դիմահարդարվել և վարսահարդարվել։ Երբեմն մամուլի ներկայացուցիչներին թույլ են տալիս մուտք գործել հետնաբեմ՝ հայտնի կամ նորահայտ ոճաբանների,նկարիչների և մոդելների հետ հարցազրույցներ վարելու համար։
Պոդիումի գոտիներ Խմբագրել
| Նկար | Գոտի | Նկարագիր |
|---|---|---|
|
Ինքնին պոդիումը | Մոդելների կողմից հագուստի ցուցադրման գոտի |
|
Առաջին շարքեր | Հայտնիների և մամուլի համար նախատեսված գոտի |
|
Backstage | Մասնագետների համար նախատեսված աշխատանքային գոտի |
Ամենաանսովոր պադիում Խմբագրել
2005 թվականին նորաձևության աշխարհում առաջին անգամ որպես պոդիում օգտագործվել է Նյու Յորքի Ռոկֆելերի կենտրոնի շինության պատը։ Մոդելների դերերում հանդես են եկել մարմնամարզիկներ։ Սա «Target» ընկերության կողմից նորաձևության ուղղահայաց ցուցադրություն էր[3]։
Ծանոթագրություններ Խմբագրել
- ↑ «Подиум»։ wiki.wildberries.ru։ Վերցված է 2019-11-30(չաշխատող հղում)
- ↑ «История создания дефиле - Модели подиума. Модели вне подиума. Модели. Фото модели. Актеры. Хостесс. Девушки модели. Топ модели. Работа моделью. Фотомодели. Модельное агентство. Сайт моделей. Сайт фотомодели. Fashion. Модели мужчины.-Fashion-People.com.ua»։ sites.google.com։ Արխիվացված է օրիգինալից 2020-11-30-ին։ Վերցված է 2019-11-30
- ↑ «"День моды в ТЦСО "Зюзино"»։ www.tcso-zuzino.com։ Վերցված է 2019-11-30(չաշխատող հղում)