Պետեր Մարկի Զայ
Պետեր Մարկի Զայ (մայիսի 9, 1972, Հոդմեզյովաշարհեյ, Hódmezővásárhely District, Չոնգրադ, Հունգարիա), հունգարացի քաղաքական գործիչ, Հոդմեզևաշարհեյի քաղաքապետ, «Հունգարիա յուրաքանչյուրի համար» հասարակական շարժման առաջնորդ։ 2021 թվականի հոկտեմբերի 18-ին ընդդիմադիր դաշինքի կողմից վարչապետի թեկնածու է ընտրվել 2022 թվականի խորհրդարանական ընտրություններում։
| Պետեր Մարկի Զայ | |
| |
| Կուսակցություն՝ | անկախ քաղաքական գործիչ |
|---|---|
| Կրթություն՝ | Bethlen Gabor Reformatus Gimnazium? (1990), Կորվինի համալսարան (1996), Pázmány Péter Catholic University? (2006), Kereskedelmi és Vendéglátóipari Főiskola? (1993), Budapest Polytechnic Hungary? (2001) և Սեգեդի համալսարան (2002) |
| Գիտական աստիճան՝ | փիլիսոփայության դոկտոր (2006) |
| Մասնագիտություն՝ | տնտեսագետ, քաղաքական գործիչ, ինժեներ-էլեկտրիկ և marketer |
| Ծննդյան օր | մայիսի 9, 1972 (51 տարեկան) |
| Ծննդավայր | Հոդմեզյովաշարհեյ, Hódmezővásárhely District, Չոնգրադ, Հունգարիա |
| Քաղաքացիություն | .svg){kind=small} Հունգարիա
|
| Կայք՝ | markizaypeter.hu |
Կենսագրություն խմբագրել
Պետեր Մարկի Զան ծնվել է Խոդմեզևաշարխեյ քաղաքում։ Ավարտել է հայրենի քաղաքի վարժարանը, Բուդապեշտի առևտրի և հյուրընկալության քոլեջը, Կորվինի համալսարանը, Բուդապեշտի տեխնիկական քոլեջը և Պետեր Պազմանի կաթոլիկ համալսարանը, 2006 թվականին ստացել է փիլիսոփայության դոկտորի աստիճան։ 2004-2009 թվականներին ապրել և աշխատել է Կանադայում և ԱՄՆ-ում, այնուհետև վերադարձել Հունգարիա։ 2018 թվականին Հունգարիայի ընդդիմադիր Սոցիալիստական կուսակցության, «քաղաքականությունը կարող է այլ լինել», «Յոբբիկ», «Մոմենտում» և «Դեմոկրատական կոալիցիայի» աջակցությամբ ընտրվել է Խոդմեզևաշարխեյի քաղաքապետ։ Մարկ Զայիի հաջողությունն անսպասելի է դարձել, քանի որ «Ֆիդես» կուսակցությունը 1990 թվականից ի վեր քաղաքի քաղաքապետի ընտրություններում անընդմեջ հաղթել է[1]։ Մարկ Զային գլխավորում է «Հունգարիա յուրաքանչյուրի համար» հասարակական շարժումը (հունգ.՝ Mindenki Magyarországa Mozgalom MMM)[1][2]։
2021 թվականի սեպտեմբեր-հոկտեմբեր ամիսներին Մարկի Զան մասնակցել է միավորված ընդդիմության կողմից վարչապետի թեկնածուի բաց ընտրություններին՝ մասնակցելու 2022 թվականի խորհրդարանական ընտրություններին։ Առաջին փուլում Մարկ Զային զբաղեցրել է երրորդ տեղը 20,4 տոկոս ձայներով՝ զիջելով ձախ ուժերի ներկայացուցիչ Կլարա Դոբրևին (34,84 տոկոս) և Բուդապեշտի քաղաքապետ Գերգեյ Կարաչոնին (27,3 տոկոս)։ Առաջին փուլից հետո Կարաչոնը հանել է իր թեկնածությունը՝ կոչ անելով աջակցել Մարկի Զային։ Կարաչոնի ինքնաբացարկը կապվում է Բուդապեշտից հունգարական խորքում քաղաքական գործիչների ընդհանուր ոչ պոպուլյար լինելու հետ, Մարկ Զայի աջակցությունը՝ Կլարա Դոբրեւի ոչ հեղինակության հետ։Հոկտեմբերի 10-16-ը տեղի է ունեցել ընտրությունների երկրորդ փուլը, որում հաղթել է Մարկ Զային (56,7 տոկոս)[1][3].
Մարկի Զան հանդես է գալիս Եվրամիության հետ հարաբերությունների կարգավորման օգտին, պաշտպանում է Հունգարիայի անցումը եվրոյի, ընդհանուր առմամբ չափավոր պահպանողական հայացքներ ունի։ Փրայմերիզների ժամանակ խոստացել է պայքարել Վիկտոր Օրբանի նախաձեռնությամբ ընդունված օրենքների և կոռուպցիայի դեմ, երիտասարդներին ներգրավել է իր կողմը։ Սեփական պնդմամբ, 2010 թվականի ընտրություններում նա քվեարկել է «Ֆիդեսի» օգտին, սակայն հիասթափվել է այդ կուսակցությունից[1][3]։
Անձնական կյանք խմբագրել
Պետեր Մարկի Զան ամուսնացած է, ունի 7 երեխա[1]։ Մարկի Զան իրեն ներկայացնում է որպես բարեպաշտ կաթոլիկ[1]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 «"Очистить Венгрию". Отец семерых детей может победить Виктора Орбана». Радио «Свобода». 2021 թ․ հոկտեմբերի 18. Վերցված է 2021 թ․ հոկտեմբերի 18-ին.
- ↑ «Conservative Márki-Zay Wins Opposition Primary». Hungary Today. 2021 թ․ հոկտեմբերի 18. Վերցված է 2021 թ․ հոկտեմբերի 19-ին.
- ↑ 3,0 3,1 «Новый соперник Орбана. Католик и отец семерых детей Марки-Зай поведет оппозицию на выборы». BBC. 2021 թ․ հոկտեմբերի 18. Վերցված է 2021 թ․ հոկտեմբերի 18-ին.
 | Վիքիպահեստն ունի նյութեր, որոնք վերաբերում են «Պետեր Մարկի Զայ» հոդվածին։ |