Չալուս
Չալուսը (պարս.՝ چالوس, ռոմանականացված՝ Chālūs, Chaloos, Chalousse և Chalous)[2] քաղաք է Իրանի հյուսիսում, Մազանդարան նահանգում։ Այն ծառայում է որպես Չալուս վարչաշրջանի նստավայր։ 2006 թվականի մարդահամարի տվյալներով, այն ունի 44.618 բնակչություն, 12791 ընտանիքում[3]։ Չալուսը խոշոր հանգստավայր է իրանցիների համար, քանի որ այնտեղ եղանակը հիանալի է և կան բազմաթիվ տեսարժան վայրեր։
| Բնակավայր | ||
|---|---|---|
| Չալուս | ||
| պարս.՝ چالوس մազանդերանի چالوس | ||
 | ||
| Երկիր |  Իրան | |
| ԲԾՄ | 30 մետր | |
| Բնակչություն | 65 196 մարդ (2016)[1] | |
| Հեռախոսային կոդ | 0191 | |
| Պաշտոնական կայք | chalouscity.ir | |
| ||
Աշխարհագրական դիրք խմբագրել
Սահմանամերձ շրջաններ են Նոշահրը՝ արևելքից, Տոնեկաբոն՝ արևմուտքից, Մազանդարան և Թեհրանի նահանգները՝ հարավից։ Այն գտնվում է Չալուս գետի վրա, Կասպից ծովի մոտ։
Պատմություն խմբագրել
Չալուսը կոչվում էր «Սալուս» կամ «Շալուս»։ Այն ունի երկար պատմություն, որում եղել են ապստամբություններ և պայքար տեղի իշխանության հետ, ինչպես նաև շրջափակում օտարերկրացիների կողմից։ Չալուսն ուներ մեծ մետաքսի գործարան, որը գործում էր 1936 թվականից մինչև 1958 թվականը։ Այն արտահանում էր գործվածներ և այլ մետաքսե արտադրանք տարբեր երկրներ։
Տեսարժան վայրեր խմբագրել
Չալուսը համարվում է ամենաշատ այցելվող զբոսաշրջանային վայրերից մեկը։ Քաղաքից 12 կմ հեռավորության վրա գտնվում է Նամակ Աբրուդ ժամանցային համալիրը, որը հագեցած է հյուրանոցներով, հանգստի վայրերով և ֆունիկուլյորով։ Հետաքրքրական տեսարժան վայրերից է նաև Չայխորան պալատը։ Այն ընդգրկված է Իրանի ազգային ժառանգության հուշարձանների մեջ։ Զբաղեցնում է 4000 քառ․ մետր տարածք։ Հին ժամանակներում շահերի համար ծառայել է որպես ժամանակավոր հանգստավայր։
Չալուսից 60 կմ հարավարևմուտք գտնվում են Թախթ ե Սոլեյման (4850մ)և Ալամ-կուխ (4335մ) լեռները։ Առաջինն իրենից ներկայացնում է հնավայր, որտեղ դեռևս պահպանվել են զրադաշտական ատրուշանի մնացորդները։
Ծանոթագրություններ խմբագրել
- ↑ جمعیت به تفکیک تقسیمات کشوری (перс.)
- ↑ Chalus, Iran can be found at GEOnet Names Server, at this link, by opening the Advanced Search box, entering "-3057857" in the "Unique Feature Id" form, and clicking on "Search Database".
- ↑ "Census of the Islamic Republic of Iran, 1385 (2006)". Islamic Republic of Iran. Archived from the original (Excel) on 2011-11-11.
 | Վիքիպահեստն ունի նյութեր, որոնք վերաբերում են «Չալուս» հոդվածին։ |