Ներսես Ունանյան
Ներսես Ունանյան (օգոստոսի 1, 1924[1][2][3], Սամոս, Հյուսիսային Եգեյան կղզիներ, Հունաստան[2] - դեկտեմբերի 18, 1957[1][3], Մոնտեվիդեո, Ուրուգվայ), սփյուռքահայ քանդակագործ։
| Ներսես Ունանյան | |
|---|---|
| Ծնվել է | օգոստոսի 1, 1924[1][2][3] |
| Ծննդավայր | Սամոս, Հյուսիսային Եգեյան կղզիներ, Հունաստան[2] |
| Մահացել է | դեկտեմբերի 18, 1957[1][3] (33 տարեկան) |
| Վախճանի վայրը | Մոնտեվիդեո, Ուրուգվայ |
| Քաղաքացիություն |  Ուրուգվայ[3] |
| Ազգություն | հայ |
| Կրթություն | Հանրապետական համալսարան[2] |
| Ստեղծագործություն(ներ) | Հայոց ցեղասպանության հուշարձան |
| Ժանր | խեցեգործություն |
| Մասնագիտություն | քանդակագործ, նկարիչ, գծանկարիչ և նկարիչ-փորագրող |
 Nerses Ounanian Վիքիպահեստում | |
Կենսագրություն խմբագրել
Ծնվել է Հունաստանում 1920 թվականին։ 1928 թվականին ընտանիքով տեղափոխվել է Ուրուգվայ։ Ավարտել է Մոնտեվիդեոյի համալսարանի Պլաստիկ արվեստների դպրոցը։ Երկու տարի սովորելուց հետո մասնակցել է Ազգային սալոնի մրցույթին և «Մերկ կինը» քանդակի համար արժանացել հատուկ մրցանակի, իսկ 1942 թվականին՝ օտարերկրացիների համար սահմանված ոսկե մեդալի։ Նույն մեդալին Ունանյանն արժանացել է 1944 թվականին՝ «Մտորում», 1948 թվականին՝ Խաչից իջեցնելը», 1949 թվականին՝ «Մայրություն», 1950 թվականին՝ «Կյանքի դեզինտեգրացիա» հարթաքանդակների համար։
1949 թվականին կատարել է 16 նկարազարդում բանաստեղծ Է․ Պինտոյի գրքի համար։
Ստեղծագործություններ խմբագրել
- Հայոց ցեղասպանության հուշարձան (Մոնտեվիդեո)
- «Օջախ» հարթաքանդակ
- «Տրիստան և Իգոլդա» հարթաքանդակ
- «Տրիստանի գլուխը»
- «Բանվորը»
- Ռ. Թեքեյանի կիսանդրին
- Մոնտեվիդեոյի «Արմենիա» հրապարակի «Արծիվ» քանդակ
1950 թվականին կազմակերպել է առաջին անհատական ցուցահանդեսը՝ ներկայացնելով տարբեր ժանրերի մոտ 70 աշխատանք (քանդակներ քարից, գիպսից, թրծակավից, փորագրանկարներ, գծանկարներ)[4]։ Ունանյանը հետևել է տարբեր ուղղությունների։ 2000 թվականին ՅՈՒՆԵՍԿՕ-ի կողմից հայտարարված «Հանուն մշակույթի խաղաղության» միջազգային տարվա շրջանակներում ի հիշատակ 1915 թվականի Հայոց ցեղասպանության զոհերի՝ Ուրուգվայի Հայկական գործակալության կողմից կազմակերպվեց Ունանյանի 30 աշխատանքների ցուցադրությունը Մոնտեվիդեոյի քաղաքապետարանի սրահում[5]։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
 | Վիքիպահեստն ունի նյութեր, որոնք վերաբերում են «Ներսես Ունանյան» հոդվածին։ |