Ուլրիկա ֆոն Ստրուսսենֆելտ
Ուլրիկա Սոֆիա ֆոն Ստրուսսենֆելտ (շվեդ.՝ Ulrika Sophia von Strussenfelt, մայիսի 9, 1801[1][2][3], Q10531768?, Landskrona Municipality, Մալմյոհուս համայնք, Շվեդիա[2][3] - հունվարի 16, 1873[1][4][3], Jakob and Johannes parish, Շվեդիա[4]), շվեդ գրող և թարգմանիչ։
Ուլրիկա ֆոն Ստրուսսենֆելտ | |
|---|---|
 | |
| Ծնվել է | մայիսի 9, 1801[1][2][3] |
| Ծննդավայր | Q10531768?, Landskrona Municipality, Մալմյոհուս համայնք, Շվեդիա[2][3] |
| Վախճանվել է | հունվարի 16, 1873[1][4][3] (71 տարեկան) |
| Վախճանի վայր | Jakob and Johannes parish, Շվեդիա[4] |
| Գրական անուն | Evelyn[3] և Matts Ryd[3] |
| Մասնագիտություն | տնային դաստիարակ, հեղինակ, թարգմանչուհի, school director և լրագրող |
| Լեզու | շվեդերեն |
| Քաղաքացիություն |  Շվեդիա |
| Աշխատավայր | Östgöta Correspondenten?[3] |
 Ulrika von Strussenfelt Վիքիպահեստում | |
Կենսագրություն
խմբագրելՈւլրիկա ֆոն Ստրուսսենֆելտը ծնվել է 1801 թվականին, Գուստավ III- ի սենեկապետ Միխայել ֆոն Ստրուսսենֆելտի և նրա կնոջ՝ Ֆրեդրիկ Լինդենկրոնի ընտանիքում։ 1803 թվականին մոր մահից հետո Ուլրիկային խնամել են մայրական պապը և տատը, ովքեր ապրում էին Էստերգյոտլանդում[5]։
Ուլրիկան ստացել է տնային կրթություն և սովորել է նկարչություն ու ֆրանսերեն։ Նա նաև երկու տարի անցկացրել է Էստերգյոտլանդլանդի գիշերօթիկ դպրոցում, բայց իր իսկ խոսքով, նա այնտեղ նույնիսկ մոռացել է ինչ գիտեր։ Ավելի ուշ Ուլրիկան զբաղվել է ինքնակրթությամբ՝ ուսումնասիրելով իր տատիկների և նրանց տանը գտնվող գրադարանը, լավ գիտելիքներ ձեռք բերել գրականության ոլորտում։ Սիրել է կարդալ դասական պատմություններ, կենսագրություններ և պատմական գործիչների հուշեր[5]։
Ժամանակի ընթացքում ընտանիքի ֆինանսական դրությունը ստիպել է Ուլրիկային ինքնուրույն սկսել ապրուստ վաստակել։ Սկսել է դասավանդել և 1830-1859 թվականներին Գրոննում վարել մասնավոր դպրոց։ Բացի այդ, աշխատել է որպես տնային դաստիարակչուհի[5]։
Գրելը, ի սկզբանե, Ուլրիկայի համար նաև ապրուստի միջոց է եղել։ Նրա գրական դեբյուտը տեղի է ունեցել 1833 թվականին, երբ Fröken B-M- կեղծանունով հրատարակել է իր առաջին ստեղծագործությունը՝ «Den blå bandrosen»: 1840-ական թվականներից սկսած, նա պարբերաբար հրատարակվել է՝ ստեղծելով ընտանեկան վեպեր ՝ Ֆրեդրիկա Բրեմերի ոգով։ Նրա գրքերից մի քանիսը նվիրված են աղջիկներին դաստիարակելու թեմային, նրանց դպրոցական տարիների և դրան հաջորդած կյանքի և կարիերայի թեմային։ Նրա «Flickskolan på landet»-ը համարվում է աղջիկներին նվիրված առաջին շվեդական գրքերից մեկը։ Իր մյուս վեպերում գրողը բարձրացրել է չամուսնացած կանանց խոցելիության և կախվածության թեման, որը հաճախ սահմանափակվում էր իրենց կյանքի ընտրությամբ։ Սակայն, առաջին հերթին, նա հայտնի է որպես պատմական վեպերի հեղինակ, որոնք սկսել է գրել 1850-ականներից[5]։
Բացի իր սեփական գրական ստեղծագործություններից, Ուլրիկա ֆոն Ստրուսսենֆելտը շատ գործեր է թարգմանել ֆրանսերենից, անգլերենից և գերմաներենից։ Նրա թարգմանած հեղինակների թվում են Չարլզ Դիքենսը, Շառլոթ Բրոնտեն և Ժորժ Սանդը։ Իր ստեղծագործությունները և թարգմանությունները նա հաճախ տպագրել է անանուն, կամ տարբեր կեղծանունների ներքո[5]։
Ուլրիկա ֆոն Ստրուսսենֆելտը համագործակցել է նաև տարբեր թերթերի և ամսագրերի հետ։ 1863 թվականին Ստոկհոլմ տեղափոխվելուց հետո նա Östgöta Correspondenten-ի համար պարբերաբար գրել է քաղաքային կյանքի տարեգրություն։ Չնայած դրան, գրողի կյանքի վերջին տարիներն անցել են աղքատության և եկամտի մշտական որոնման մեջ[5]։
Ուլրիկա ֆոն Ստրուսսենֆելտը մահացել է 1873 թվականին, Ստոկհոլմում։
Ծանոթագրություններ
խմբագրել- ↑ 1,0 1,1 1,2 1,3 1,4 Ulrika von Strussenfelt, 1801–1873
- ↑ 2,0 2,1 2,2 2,3 2,4 Härslövs kyrkoarkiv, Födelse- och dopböcker, SE/LLA/13172/C I/3 (1796-1817), bildid: C0066134_00069, sida 59
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 Ulrika Sophia von Strussenfelt1801-05-09 — 1873-01-16Författare, översättare, lärare
- ↑ 4,0 4,1 4,2 4,3 4,4 4,5 Jakob och Johannes kyrkoarkiv, Död- och begravningsböcker för Jakob, SE/SSA/0008/F I a/6 (1872-1884), bildid: 00025664_00012, sida 10
- ↑ 5,0 5,1 5,2 5,3 5,4 5,5 Svenskt kvinnobiografiskt lexikon
 | Վիքիպահեստն ունի նյութեր, որոնք վերաբերում են «Ուլրիկա ֆոն Ստրուսսենֆելտ» հոդվածին։ |