Ուժիցե

Ուժիցե
Բնակավայր
	Ուժիցե
	սերբախորվաթ․՝ Титово Ужице; սերբ.՝ Ужице; սերբ.՝ Ужице; ռուս.՝ Ужице; ռուս.՝ Титово-Ужице; ռուս.՝ Ужице
	Զինանշան
Երկիր	Սերբիա
Առաջին հիշատակում	1329
Մակերես	667 կմ²
ԲԾՄ	411 մետր
Բնակչություն	▲59 747 մարդ (2011)
Ժամային գոտի	UTC+1 և UTC+2
Հեռախոսային կոդ	031
Փոստային դասիչ	31000, 31102, 31103, 31104, 31105, 31106, 31107, 31108 և 3110
Ավտոմոբիլային կոդ	UE
Պաշտոնական կայք	graduzice.org(սերբ.)(անգլ.)
	Ուժիցե (Սերբիա)
	Ուժիցե (Սերբիա)
	Ուժիցե Վիքիպահեստում

Ուժիցե (սերբ.՝ Ужице, Užice), քաղաք Սերբիայի արևմտյան հատվածում։ 2002 թվականի մարդահամարի տվյալների համաձայն՝ քաղաքի բնակչությունը կազմել է 102 463 մարդ։ Կլիման մայրցամաքային է^[1]։

Ուժիցե համայնքի և Զլատիբորսկի շրջանի վարչական կենտրոնը։ Տեղակայված է Դետինա գետի ափին։

Պատմություն խմբագրել

Հին դարեր խմբագրել

Սերբիայի այս շրջանի առաջին բնակիչները համարվում են իլլիրիացիները։ Այդ ցեղերի դամաբարանները այս շրջանում հանդիպում են ամենուրեք։ Հետագայում շրջանը մտել է Հռոմեական կայսրության կազմի մեջ՝ դառնալով Դալմաթիա գավառի մասը։

1990-ական թվականներ խմբագրել

1990-ական թվականներին քաղաքական անկայունության և պատերազմի պատճառով Ուժիցեի տնտեսությունը անկում է ապրել։

199պ թվականին քաղաքը մի քանի անգամ ռմբակոծվել է ՆԱՏՕ-ի ավիացիայի կողմից։ Ամենաշատ ավերումները եղել են 1999 թվականի մայիսի 6-ին, երբ ռմբակոծվել են բազմաթիվ փողոցներ և մայրուղիներ, օդանավակայանը, քաղաքացիական օբյեկտներ և կառավարական շենքեր։ Երկար ռմբակոծություններից հետո, Ուժիեցի հազարավոր բնակիչներ դուրս են եկել գլխավոր հրապարակ՝ բողոքելով ռմբակոծությունների, քաղաքի ավերման և խաղաղ բնակչության սպանությունների դեմ։

Ժամանակակից քաղաք խմբագրել

Այժմ Ուժիցեն համարվում է երկրամասի տնտեսական զարգացման կենտրոնը։ Ավելի զարգացող ճյուղերն են գունավոր մետալուրգիան և տեքստիլ արդյունաբերությունը։

Արդյունաբերությունից զատ, Ուժիցեում զարգանում են նաև այնպիսի ճյուղեր, ինչիպիսիք են տների և քաղաքացիական շինությունների շինարարությունը, փոխադրումները, առևտուրը, գյուղատնտեսությունը, բանկային գործը, բժշկական ծառայությունները և այլն։

Տեսարժան վայրեր խմբագրել

Ուժիցեի ամրոց,
Էլեկտրակայարան-թանգարան, որը կառուցվել է Նիկոլա Տեսլայի նախագծով,
«Ուժիցեի զենքի և զինամթերքի գործարան» (FOMU),
ուժիցական ծածան։

Ազգային կազմ խմբագրել

Ուժիցե համայնքի բնակչությունը՝ ըստ 2002 թվականի տվյալների՝

սերբեր - 81 375;
չեռնոգորացիներ - 278;
հարավսլավներ - 149;
այլազգիներ - 20 661։

Մշակույթ խմբագրել

Ուժիցեն հարուստ պատմությամբ քաղաք է։ Գլխավոր հրապարակում գտնվում են գրադարանը և թատրոնը։ Կենտրոնում են գտնվում նաև թերթերի խմբագրությունները, ռադիո և հեռուստակայանները, ինչպես նաև մի քանի այլ հրատարակչություններ։

Քաղաքում շատ են Ուժիցեի հերոսներին նվիրված արձանները և կոթողները, որոնք շատ են հատկապես քաղաքի արևելյան՝ Դովարե կոչվող հատվածում։ Ուժիցեի գիմնազիան Սերբիայի ամենահին բարձրագույն կրթական հաստատություններից է։ Գիմնազիայի մոտ են գտնվում մի քանի տարրական և միջին կրթական հաստատություններ։ Գրող Միլուտին Ուսկոկովիչն Ուժիցեից ճանաչվել է Սերբիայում առաջին մոդեռնիստական վեպի հեղինակ։