Ուեսթ Ջորդան
Ուեսթ Ջորդան (անգլ.՝ West Jordan), քաղաք ԱՄՆ Յուտա նահանգի Սոլթ Լեյք շրջանում։ 2010 թվականին քաղաքում ապրում էր 103 712 մարդ։ Ուեսթ Ջորդանը նահանգի՝ բնակչության թվով չորրորդ քաղաքն է։ Անվանակոչվել է քաղաքի սահմաններով հոսող Ջորդան գետի պատվին։
| Բնակավայր | ||
|---|---|---|
| Ուեսթ Ջորդան | ||
 | ||
| Երկիր |  ԱՄՆ | |
| Համայնք | Սոլթ Լեյք շրջան | |
| Հիմնադրված է | 1849 թ. | |
| Մակերես | 83,717638 կմ², 84,063254 կմ² | |
| ԲԾՄ | 1333±1 մետր | |
| Բնակչություն | ▲116 961 մարդ (ապրիլի 1, 2020)[1] | |
| Ժամային գոտի | MDT? | |
| Հեռախոսային կոդ | 801 | |
| Պաշտոնական կայք | westjordan.utah.gov | |
| ||
Համաձայն ԱՄՆ բնակչության մարդահամարի բյուրոյի՝ քաղաքի մակերեսը կազմում է 80 կմ²։ Քաղաքի արևմտյան կողմից ձգվում է Օկեր լեռնաշղթան, արևելյան կողմից՝ հոսում է Ջորդան գետը։
Քույր քաղաքը Ռուսաստանի Վոտկինսկ քաղաքն է։
Պատմություն
խմբագրելՈւեսթ Ջորդանը Յուտայի՝ Սոլթ Լեյք Սիթիից հետո հիմնադրված առաջին բնակավայրերից է։ Հիմնադրվել է 1848 թվականին։ Առաջին բնակիչները եղել են Մարիուս Էնսայնի, Թոմաս Բաթերֆիլդի և Սեմյուել Էգբերտի ընտանիքները։ 1850 թվականին կառուցվել է ջրանցք Ջորդան գետի վրա, որը ջրաղացն ապահովել է ջրով։ Ուեսթ Ջորդանում կառուցվել է շաքարի ֆաբրիկա։ 1941 թվականին քաղաքը բնակեցվել է մինչև 2000 մարդուց կազմված բնակչությամբ[2]։
Բնակչություն
խմբագրել| Մարդահամար | Բնակ. | Note | %± |
|---|---|---|---|
| 1950 | 2107 | — | |
| 1960 | 3009 | 428% | |
| 1970 | 4221 | 403% | |
| 1980 | 27 192 | 5442% | |
| 1990 | 42 892 | 577% | |
| 2000 | 68 336 | 593% | |
| 2010 | 103 712 | 518% | |
| 2018 (est.) | 116 046 | 119% |
2010 թվականի մարդահամարի տվյալներով՝ Ուեսթ Ջորդանի բնակչությունը կազմում էր 103 712 մարդ (նրանցից 49,7 %-ը տղամարդ և 50,3 %-ը՝ կին), քաղաքում կար 29 849 տնային տնտեսություն և 24 768 ընտանիք։ Ռասսայական կազմը․ սպիտակամորթներ՝ 82,4 %։ 17,7 %-ը ունեն լատինոամերիկյան ծագում[3]։
Քաղաքի բնակչությունը ըստ տարիքային կազմի՝ ըստ 2010 թվականի մարդահամարի տվյալների, տեղաբաշխվել է հետևյալ կերպ․ 35,2 %՝ 18 տարեկանից ցածր բնակիչներ, 4,2 %՝ 18-21 տարեկան, 56,0 %՝ 21-65 տարեկան և 4,6 %՝ 65 տարեկան և բարձր։ Բնակչության միջին տարիքը՝ 28,2 տարեկան։ Ուեսթ Ջորդանում յուրաքանչյուր 100 կնոջ բաժին էր ընկնում 98,9 տղամարդ, ընդ որում 100 չափահաս կնոջ արդեն բաժին էր ընկնում նույն տարիքի 96,3 տղամարդ[3]։
29 849 տնային տնտեսությունների 83,0 %-ը իրենցից ներկայացնում էին ընտանիքներ․ 65,7 %-ը՝ միասին ապրող ամուսնական զույգեր (38,8 %-ը՝ անչափահաս երեխաներով), 12,0 %-ը՝ առանց ամուսինների ապրող կանայք և 5,3 %՝ առանց կանանց ապրող տղամարդիկ։ 17,0 %-ը ընտանիք չունեին։ Միջինում տնային տնտեսությունները վարում էր 3,46 մարդ, իսկ ընտանիքը՝ միջինում 3,78 մարդ։ Միայնակ էր ապրում բնակչության 12,7 %-ը, 3,0 %-ը կազմում էին միայնակ ծեր մարդիկ (65 տարեկանից բարձր)[3]։
Տնտեսություն
խմբագրել2017 թվականին 16 տարեկանից բարձր 80 602 մարդուց աշխատանք ունեին 57 336-ը։ Ընդ որում տղամարդկանց տարեկան միջին եկամուտը կազմում էր 49 581 ԱՄՆ դոլար, ի տարբերություն կանանց 36 280 դոլարի։ 2017 թվականին ընտանիքի միջին եկամուտը գնահատվում էր 76 854 $, ընտանեկան տնտեսությամբ՝ 72 083 $։ Բնակչության մեկ շնչի եկամուտը՝ տարեկան 25 375 $։ Ուեսթ Ջորդանի ընտանիքների ամբողջ թվի 5,3 %-ը և բնակչության ամբողջ թվի 7,5 %-ը մարդահամարի պահին գտնվում էր աղքատության շեմին[3]։
Ծանոթագրություններ
խմբագրել- ↑ 2020 թվականի ԱՄՆ մարդահամար / United States Census Bureau
- ↑ «West Jordan». Utah History Encyclopedia. Վերցված է 2020 թ․ հունվարի 9-ին.
- ↑ 3,0 3,1 3,2 3,3 «American FactFinder». United States Census Bureau. Արխիվացված է օրիգինալից 2015 թ․ հունվարի 8-ին. Վերցված է 2020 թ․ հունվարի 9-ին.