Ողոհիի կամուրջ

Ողոհիի կամուրջ, կամուրջ ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Որդուարի շրջանի Ողոհի գյուղի հյուսիսարևմտյան մասում։

Ողոհիի կամուրջ Ղարաբաղու ճանաբարի կամուրջ
Տեղանք	Ադրբեջանի Հանրապետության մաս կազմող Նախիջևանի Ինքնավար Հանրապետություն Ողոհի գյուղի հյուսիսարևմտյան մաս
Նշանակություն	հանրային
Նյութ	Որձաքար և սրբատաշ բազալտ
Գույն	գորշ
Թռիչքների քանակ	երկթռիչք
Հատում է	Գիլան գետի վտակ
Ճանապարհ	Գողթն գավառը կապել էր Երնջակ գավառի հետ
Կառուցվել է	17-րդ դարում
Հենասյուներ	երկկամար
Երթևեկելի գծերի քանակ	1 երթևելի գիծ
Շինարարության սկիզբ	1663 թվականից առաջ

Պատմություն

Գտնվում էր պատմական Մեծ Հայքի Վասպուրական նահանգի Գողթն գավառում։ Այն կառուցվել է եղել 1663 թվականից առաջ, քանի որ կամուրջը հիշատակված էր Աղահեցիկի Սուրբ Խաչ վանքի 1663 թվականի արձանագրության մեջ։ Կամուրջը կառուցված լինելով լեռնային տարանցիկ երթուղիներից մեկի վրա, դարեր շարունակ Գողթնի և Երնջակ գավառների գլխավոր բնակատեղիների մի մասը կապել է իրար։ Կամրջով է անցել դեպի Ղարաբաղ գնացող ճամփան, այդ իսկ պատճառով կամուրջը անվանվել է նաև «Ղարաբաղու ճանաբարի կամուրջ»

Նկարագրություն

Կառուցված է Գիլանի գետի վտակի վրա։ Երկկամար հորինվածք ուներ։ Որպես շինանյութ օգտագործվել էր տեղական ճեղքված որձաքարն ու մասամբ էլ մաքուր տաշած բազալտ քարը։ Կամրջի երկու կամարները իրենց բացվածքներով ունեն տարբեր չափեր, որը բխում է տեղանքից։ Ձախակողմյան կամարը բացվածքով և թռիչքով զգալի չափով փոքր է աջակողմյան կամարից։ Կամրջի թաղերի կամարները և ճակատները շարված են խնամքով, այդ իսկ պատճառով այն լավ է պահպանվել և ծառայում է իր նպատակին։

Տես նաև

• Որդուարի շրջան
• Վասպուրական
• Ողոհի
• Սուրբ Ստեփանոս եկեղեցի (Ողոհի)
• Աղահեցիկի Սուրբ Խաչ վանք (Ողոհի)

Գրականություն

• Այվազյան, Արգամ (1980) Մեսրոպավանի, Շրջուի,Ողոհիի և Նորակերտի ճարտարապետական հուշարձանները. Էջմիածին. Պաշտօնական ամսագիր Հայրապետական Աթոռոյ Ս. Էջմիածնի, ԼԷ (Բ-Գ). pp. 93–94.