Շոշի դղյակ
Շոշի դղյակ ((պարսկերեն՝ قلعه شوش), ֆր.՝ Château de Suse), դղյակ Իրանի Խուժիստան (Խուզեստան) նահանգում[2]՝ Էլամի հնագույն մայրաքաղաք Շոշի ավերակներում։ 1890-ական թվականների վերջերին կառուցել է ֆրանսիացի հնագետ Ժան-Մարի Ժակ դը Մորգանը՝ որպես ապահով բազա հնագիտական պեղումների ու հետազոտությունների համար։ Դղյակը նմանվում է Ֆրանսիայի միջնադարյան համանման շինություններին։ Կառուցել են տեղացի վարպետները, երկու այլ հնավայրերից՝ Դարեհի պալատից և Էլամի արքա Չողազանբիլի զիկկուրատից բերված աղյուսներով։ Վեր է խոյացել մի բլրի (թեփեի) գագաթին, որն ինքն էլ, թերևս, պարունակում է անցյալի արժեքավոր մասունքներ։ Դա մի նմուշօրինակ է՝ պահպանված հնագիտության նախագիտական շրջափուլից, երբ հետազոտողները աղավաղում կամ ավերում էին հնավայրերը դրանց ուսումնասիրման ընթացքում։
 | |
|---|---|
 Նկարագրություն | |
| Տեսակ | դղյակ |
| Տեղագրություն | Շուշ[1] |
| Վարչական միավոր | Շուշ |
| Երկիր |  Իրան[1] |
 | |
 | |
 Shush Castle Վիքիպահեստում | |
Նախկինում Ֆրանսիայի կառավարության սեփականությունը համարված դղյակը 1979 թվականի իրանական հեղափոխությունից հետո փոխանցվել է իսլամական հանրապետությանը և ներկայումս ծառայում է որպես թանգարան։ Նրա հանրահայտ ցուցանմուշներից է Համմուրաբիի օրենքների սեպագիր արձանագրությունները պարունակող կավե տախտակը, որը ցուցադրվել է նաև Փարիզի Լուվր թանգարանում։
Իրանա-իրաքյան պատերազմի ժամանակ դղյակը զգալիորեն վնասվել էր, բայց հետագայում ամբողջությամբ նորոգվել, վերակառուցվել է Իրանի կառավարության ջանքերով։
Պատկերասրահ խմբագրել
.jpg)
.jpg)
.jpg)
Տես նաև խմբագրել
Ծանոթագրություններ խմբագրել
- ↑ 1,0 1,1 Wiki Loves Monuments monuments database — 2017.
- ↑ |titel=Shush Castle – Iran Culture|url=https://www.irancultura.it/en/tourism/attractions/Khuzestan/Khuzestan-the-castle-of-shush/%7Cverk=Iran(չաշխատող հղում) Cultura|hämtdatum=2019-04-04|språk=en|förnamn=|efternamn=}}
 | Վիքիպահեստն ունի նյութեր, որոնք վերաբերում են «Շոշի դղյակ» հոդվածին։ |