Նորս

Անվան այլ կիրառումների համար տե՛ս՝ Նորս (այլ կիրառումներ)

Նորս կամ Նորագյուղ (այժմ կոչվում է՝ Նուրսու ադրբ.՝ Nursu), գյուղ ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Շահբուզի շրջանում։

Գյուղ
Նորս/Նուրսու
ադրբ.՝ Nursu
Երկիր	Ադրբեջան
Շրջան	Շահբուզի շրջան
Համայնք	Շահբուզի շրջան
Բնակչություն	799 մարդ (2010)
Ազգային կազմ	Ադրբեջանցիներ
Կրոնական կազմ	Շիա իսլամ
Ժամային գոտի	UTC+4
Նորս (Ադրբեջան)

Հայտնի է միջնադարյան բերդով, Ս․ Խաչ կամ Գյուտի վանքով, Ս․ Երրորդություն եկեղեցով։ Ս․ Խաչ վանքը (այժմ՝ ավերակ), համաձայն մուտքի բարավորի արձանագրության, 1251-ին կառուցել է տվել Պռոշյանների Լիանոս իշխանը (դրա համար վանքը կոչվել է նաև Լիանոսի վանք)։ Գյուղի հարավ–արևմտյան կողմում պահպանվել է Ս․ Երրորդություն կիսավեր եկեղեցին (հիմնական վերանորոգման է ենթարկվել 1654-ին)։ Այն քառամույթ եռանավ բազիլիկ է, յոթանիստ աբսիդով և արևելյան զույգ ավանդատներով։ Մուտքերը երկուսն են՝ արևմուտքից և հյուսիսից։ Արևմտյան մուտքի առջև դրված է XIII դ․ կեսերի գեղաքանդակ մեծ խաչքար։

Տես նաև

• Նորսի Լիանոսի վանք
• Շահբուզի շրջան

Գրականություն

• Արգամ Այվազյան, Նախիջևան։ Բնաշխարհիկ պատկերազարդ հանրագիտակ։, Երևան, ««Հուշարձան» և ՀՀ ԳԱԱ «գիտություն»», 1995 — 367, էջեր 367 — 367 էջ։
• Ալիշան Ղ․, Սիսական, Վնտ․, 1893։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 384)։