Նիկոլայ Կորոտկով (նկարիչ)
Նիկոլայ Նիկոլաևիչ Կորոտկով (ռուս.՝ Николай Николаевич Коротко́в, փետրվարի 19, 1956, Բիշքեկ, Ղրղզական ԽՍՀ, ԽՍՀՄ), խորհրդային և ռուս գծանկարիչ, մանկավարժ, Մ. Գրեկովի անվան ռազմական նկարիչների ստուդիայի նկարիչ (1997 թվականից)։ Ռուսաստանի գեղարվեստի ակադեմիայի թղթակից անդամ (2012)[1]։ Ռուսաստանի Դաշնության ժողովրդական նկարիչ (2015)։
Նիկոլայ Կորոտկով ռուս.՝ Николай Николаевич Коротков | |
|---|---|
| Ծնվել է | փետրվարի 19, 1956 (68 տարեկան) |
| Ծննդավայր | Բիշքեկ, Ղրղզական ԽՍՀ, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Կրթություն | Մոսկվայի գեղարվեստական ինստիտուտ |
| Մասնագիտություն | նկարիչ |
| Պարգևներ |   և  |
| Անդամակցություն | ԽՍՀՄ նկարիչների միություն և Ռուսաստանի գեղարվեստի ակադեմիա |
| Ամուսին | Վերոնիկա Սուկոյան |
Կենսագրություն խմբագրել
Նիկոլայ Կորոտկովը ծնվել է 1956 թվականին, Ղրղզական ԽՍՀ Ֆրունզե քաղաքում։ 1975 թվականին Ֆրունզեի արվեստի ուսումնարանն ավարտելուց հետո ընդունվել է Մոսկվայի Վ. Սուրիկովի անվան գեղարվեստի պետական ինստիտուտի գծանկարչության ֆակուլտետ (պրոֆեսոր, ԽՍՀՄ ժողովրդական նկարիչ Նիկոլայ Պոնոմարյովի արվեստանոց)։ 1978 թվականից ակտիվորեն մասնակցել է տարածաշրջանային, համառուսաստանյան, համամիութենական, ինչպես նաև արտասահմանյան և միջազգային ցուցահանդեսների։ 1981 թվականին՝ ինստիտուտն ավարտելուց հետո, ընդունվել է ԽՍՀՄ արվեստի ակադեմիայի գծանկարչության ստեղծագործական արվեստանոց՝ Օ. Գ. Վերեյսկու ղեկավարությամբ։ 1985 թվականին ընդունվել է ԽՍՀՄ նկարիչների միություն։ 1990-1997 թվականներին, ընդմիջումներով, Ռուսաստանի գեղարվեստի ակադեմիայի Մոսկվայի արվեստի լիցեյում դասավանդել է նկարչություն և գեղանկարչություն։ 1997 թվականից աշխատում է Մ. Բ. Գրեկովի անվան ռազմական նկարիչների ստուդիայում[2]։ 2006-2008 թվականներին Արվեստի պետական մասնագիտացված ինստիտուտում ղեկավարել է գծանկարչական արվեստանոցը։ 2007 թվականից Մոսկվայի Վ. Սուրիկովի անվան արվեստի պետական ակադեմիական ինստիտուտի գծանկարչության ամբիոնի դոցենտ է։
Ամուսնացած է նկարչուհի Վերոնիկա Սուկոյանի հետ։
Հիմնական ստեղծագործություններ խմբագրել
- «Մոսկվա» գծանկարչական շարք (1984)
- «Կոստրոմայի հողի վրա» գծանկարչական շարք (1987)
- Պոլիպտիխ «Հին Ռուսիայի մեծ իշխանները» (1997)
- «Լռության րոպե» տրիպտիխ (2005)
- Պետրոս I-ի դիմանկարը (2007)
Պարգևներ խմբագրել
- Պատվո շքանշան (2010)
- Ռուսաստանի Դաշնության ժողովրդական նկարիչ (2015)
- Ռուսաստանի Դաշնության վաստակավոր նկարիչ (2005)
- Ռուսաստանի գեղարվեստի ակադեմիայի արծաթե մեդալ (2004)[3]
- Ռուսաստանի գեղարվեստի ակադեմիայի դիպլոմ (1991, 1997, 2019)
- Երիտասարդության և ուսանողների XII երիտասարդական փառատոնի դիպլոմ (1985)
Ծանոթագրություններ խմբագրել
- ↑ «КОРОТКОВ Николай Николаевич». rah.ru. Վերցված է 2021 թ․ հունվարի 19-ին.
- ↑ Николай Николаевич Коротко́в
- ↑ 75 лет студии военных художников имени М. Б. Грекова