Նարինե Դելլալյան
Նարինե Հարությունի Դելլալյան (փետրվարի 16, 1966, Երևան, Հայկական ԽՍՀ, ԽՍՀՄ), հայ ջութակահար։
Նարինե Դելլալյան | |
---|---|
Ծնվել է | փետրվարի 16, 1966 (58 տարեկան) Երևան, Հայկական ԽՍՀ, ԽՍՀՄ |
Երկիր | ԽՍՀՄ և Հայաստան |
Մասնագիտություն | թավջութակահար |
Գործիքներ | թավջութակ |
Աշխատավայր | Հայաստանի ազգային ռադիոյի սիմֆոնիկ նվագախումբ, Գյուլբենկյան նվագախումբ և Teatro Nacional de São Carlos? |
Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
Կենսագրություն խմբագրել
Նարինե Դելլալյանը ծնվել է 1966 թվականին Երևանում։ Սովորել է Երևանի Պյոտր Չայկովսկու անվան երաժշտական դպրոցի ջութակի դասարան (Ա. Մատինյանի դասարան)։ Ավարտել է Երևանի Կոմիտասի անվան պետական կոնսերվատորիան (Հրաչյա Հարությունյանի դասարան)։ Աշխատել է Հայաստանի ռադիոյի և հեռուստատեսության սիմֆոնիկ նվագախմբում։ 1990 թվականին աշխատանքային հրավերով մեկնել է Լիսաբոն։ 1993 թվականից Պորտուգալիայի սիմֆոնիկ նվագախմբի մենակատարներից է։
«Հայրիկ Մուրադյան» հասարակական կազմակերպության նախագահն է, «Հայ-պորտուգալական ընկերություն» կազմակերպության փոխնախագահը[1][2]։
1998 թվականին մասնակցել է Լոս Անջելեսում կայացած Հարություն Դելլալյանի ծննդյան 60-ամյակի հիշատակին նվիրված երաժշտական և մշակութային միջոցառումներին[3][4]։
Ձայնասկավառակներ խմբագրել
2000 թվականին հրատարակել է «Հայաստանի երաժշտական մասունքներ-Հայրիկ Մուրադյանի ձայնը» ձայնասկավառակը (2001 թվականին Լոս Անջելեսում ԱՄՖԱ-ի կողմից արժանացել է «Ավանդական երաժշտության լավագույն ալբոմ» մրցանակ)։
2016 թվականին թողարկել է Հայրիկ Մուրադյանի «Մոկաց սարեր» ձայնասկավառակը[5]։
Գրքեր խմբագրել
«Դելլալյան տրիո» խմբագրել
«Դելլալյան տրիո» դասական եռյակը ստեղծվել է 1995 թվականին Լիսաբոնում (Պորտուգալիա), Հարություն Դելլալյանի երկու դուստրերի՝ դաշնակահար Մարինա Դելլալյանի, ջութակահար Նարինե Դելլալյանի և թավջութակահար Լևոն Մուրադյանի կողմից։
Մրցանակ խմբագրել
- «Կոմիտաս» շքանշան, Հայաստանի սփյուռքի նախարարություն, 2016 թ.
Ընտանիք խմբագրել
- Հայր՝ Հարություն Դելլալյան, կոմպոզիտոր
- Ամուսին՝ Լևոն Մուրադյան, թավջութակահար
- Քույր՝ Մարինա Դելլալյան, դաշնակահար
Ծանոթագրություններ խմբագրել
- ↑ Ginosyan, David. «Նարինե Դելլալյան. Երաժշտությունը կարող է մարդուն տակնուվրա անել, կարող է ձեռքից բռնել ու տանել մինչև ամենաբարձրը | Orer News Site». orer.eu. Արխիվացված է օրիգինալից 2017 թ․ մայիսի 30-ին. Վերցված է 2018 թ․ փետրվարի 16-ին.
- ↑ Baghdasaryan, Aram. «AV Production - Նարինե Դելլալյան». avproduction.am. Արխիվացված է օրիգինալից 2021 թ․ դեկտեմբերի 20-ին. Վերցված է 2018 թ․ փետրվարի 16-ին.
- ↑ Նարինե Դելլալյան
- ↑ Նարինե Դելլալյանը՝ Հարություն Դելլալյանին. «Կցանկանայի տեսնել Քեզ՝ սպիտակած մազերով»
- ↑ «…Եվ 90 տարեկանում Հայրիկ Մուրադյանը սկսեց անգլերեն սովորել»
- ↑ «Նվիրումի հնչյուններ». www.dellalian.com. Վերցված է 2018 թ․ փետրվարի 16-ին.(չաշխատող հղում)
- ↑ ««Նվիրումի հնչյուններ», «Հորիզոն», գրական հավելված, թիվ 6 (226) Հունիս, 2003» (PDF). Արխիվացված է օրիգինալից (PDF) 2016 թ․ մարտի 4-ին.