Նատրիումի թիոսուլֆատ

Նատրիումի թիոսուլֆատ, նատրիումի հիպոսուլֆիտ, $Na_{2}S_{2}O_{3}$, թիոծծմբական թթվի նատրիումական աղը։ Ջրում լուծելի (100 գ-ում՝ 70,1 գ 20 °C) անգույն բյուրեղներ են։ Անկայուն է, 300 °C-ում քայքայվում է՝ $Na_{2}S_{2}O_{3}=Na_{2}SO_{3}+S$։ Ջրային լուծույթից անջատվում է բյուրեղահիդրատը՝ $N_{2}S_{2}O_{3}\cdot 5H_{2}O$ (հիպոսուլֆիտ), որը 49,7 °C-ում կորցնում է ջուրը և լուծվելով անջատված ջրում, «հալչում»։ Վերականգնիչ է։ Ստանում են ծծմբի փոշին նատրիումի սուլֆիտի լուծույթի հետ եռացնելով։ Օգտագործվում է լուսանկարչության (ամրացուցիչ), կտորեղենի (սպիտակեցումից հետո քլորի մնացորդը վերականգնելու համար), կաշվի արդյունաբերության, բժշկության մեջ, վերլուծական քիմիայում և այլուր։ Բժշկության մեջ օգտագործվում է որպես ապագերզգայնացնող, հակաբորբոքային և հակաթունային միջոց։ Ալերգիայի, հոդաբորբերի, մաշկային հիվանդությունների և թունավորումների (As, Tl, Hg, Pb, $HCN$-ով) դեպքում սովորաբար ներարկում են (ներերակային) նատրիումի թիոսուլֆատի 10—30% լուծույթը։

Նատրիումի թիոսուլֆատ
Քիմիական բանաձև	Na₂S₂O₃
Մոլային զանգված	2,6E−25 կիլոգրամ գ/մոլ
Խտություն	2,345 գ/սմ³ գ/սմ³
Հալման ջերմաստիճան	48,5 °C °C
Կազմալուծման ջերմաստիճան	300 °C
Քիմիական հատկություններ
Դասակարգում
CAS համար	7772-98-7
PubChem	24477, 60054324, 168014062
EINECS համար	231-867-5
SMILES	[O-]S(=O)(=S)[O-].[Na+].[Na+]
ЕС	231-867-5
RTECS	XN6476000
ChEBI	22885
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Ծանոթագրություններ

Վիքիպահեստն ունի նյութեր, որոնք վերաբերում են «Նատրիումի թիոսուլֆատ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 199)։