Յուկա Օգատա
Յուկա Օգատա (ճապ.՝ 緒方 夕佳 Ogata Yūka, օգոստոսի 1, 1975), ճապոնացի քաղաքական գործիչ և Կումամոտոյի քաղաքային ժողովի անդամ[2]։ Առաջին անգամ ընտրվել է 2015 թվականի տեղական ընտրություններում՝ հավաքելով 4196 ձայն Հիգասի Կումամոտոյի օկրուգում[3]։ Մինչ պետական ծառայության անցնելն Օգատան եղել է Միավորված ազգերի կազմակերպության զարգացման ծրագրի Եմենի բաժանմունքի աշխատակից[4]։
| Յուկա Օգատա 緒方 夕佳 | |
| Կուսակցություն՝ | Կումամոտոյի խաղաղության ասոցիացիա (和の会くまもと) |
|---|---|
| Կրթություն՝ | Ջորջ Մեյսոնի համալսարան |
| Մասնագիտություն՝ | քաղաքական գործիչ |
| Ազգություն | Ճապոնացի |
| Ծննդյան օր | օգոստոսի 1, 1975 (49 տարեկան) |
| Զավակներ | 2[1] |
| Կայք՝ | ogatayuuka.com |
Երեխան համաժողովի սենյակում
խմբագրել2017 թվականի նոյեմբերին Օգատան հայտնվել է քաղաքային ժողովի բանավեճի ուշադրության կենտրոնում։ Մանկական սենյակում տեղ ստանալու հնարավորություն չունենալով՝ նա մասնակցել է ժողովին իր փոքրիկ որդու հետ, որպեսզի լուսավորի այն դժվարությունները, որոնց բախվում են երեխաներ դաստիարակող աշխատող ճապոնացի ծնողները, և երեխաների սենյակների պակասը։ Իր տեղը զբաղեցնելուց կարճ ժամանակ անց խորհրդի խոսնակ Յոշիտոմո Սավադան և նրա գործընկերները հանդիպել են նրան, որպեսզի հարցնեն, թե ինչու է նա իր երեխային իր հետ բերել։ Մի քանի րոպե անց Օգատան հանձնվել է և ուղեկցվել բանախոսի աշխատասենյակ։ Այնուհետև նա վերադարձել է հետաձգված նիստին միայնակ՝ թողնելով իր որդուն ընկերոջ խնամքին[5]։ Սավադան ավելի ուշ ներողություն է խնդրել այն բանի համար, որ նիստը բացել է 40 րոպե ուշ, սակայն վեհաժողովի մեկ այլ անդամ ուշացման մեջ անուղղակիորեն մեղադրել է Օգատային[6]։ Ժողովի ժամանակ չկար կանոն, որն արգելում էր անդամներին մտնել սենյակ իրենց երեխաների հետ, սակայն ժողովը երեխային դիտում էր որպես այցելու, որը պարտավոր էր նստել պատկերասրահում[7]։
Այս միջադեպն անսպասելիորեն ձեռք է բերել ազգային և միջազգային ճանաչում։ Սա վկայակոչվել է որպես ապացույց, որ ստեղծված իրավիճակը թշնամական է ընտանիք և կարիերա ունեցող ճապոնացի կանանց համար, և նույնիսկ ավելի վատ է, երբ նրանք քաղաքական գործիչներ են։ Մեկնաբանները նշել են, որ Օգատայի գործողությունները ցույց են տալիս, թե ինչպես է վարչապետ Սինձո Աբեի քաղաքականության ազդեցությունը կանանց նկատմամբ դեռևս սահմանափակված։ Օգատան նաև քննադատել է այն փաստը, որ երեխա ունեցող կանանց հետ հազվադեպ են խորհրդակցում քաղաքականության մշակման ժամանակ[8]։
Ավելի ուշ Օգատան վեհաժողովից նկատողություն է ստացել բանավեճը ձախողելու համար։ Փետրվարին վեհաժողովն ընդունել է կարգ, որն արգելում է բոլոր ոչ անդամներին մտնել բանավեճների պալատ՝ որպես նոյեմբերյան միջադեպի արձագանք[9]։
Ծանոթագրություններ
խմբագրել- ↑ Sawada, Shimon (2017 թ․ նոյեմբերի 23). «7-month-old baby gets the boot from local assembly session». Asahi Shimbun. Արխիվացված է օրիգինալից 2018 թ․ մարտի 13-ին. Վերցված է 2018 թ․ մարտի 13-ին.
- ↑ 議員名簿ー緒方 夕佳. Kumamoto City Assembly (Japanese). Վերցված է 2018 թ․ մարտի 13-ին.
{{cite web}}: CS1 սպաս․ չճանաչված լեզու (link) - ↑ 熊本市議会議員選挙 立候補者情報（2015年04月12日） (Japanese). 選挙ドットコム (senkyo.com). Վերցված է 2018 թ․ մարտի 13-ին.
{{cite web}}: CS1 սպաս․ չճանաչված լեզու (link) - ↑ プロフィールー熊本市議会議員ー緒方夕佳. 緒方夕佳 (Japanese). Արխիվացված է օրիգինալից 2019 թ․ սեպտեմբերի 7-ին. Վերցված է 2018 թ․ մարտի 13-ին.
{{cite web}}: CS1 սպաս․ չճանաչված լեզու (link) - ↑ «Արխիվացված պատճենը». Արխիվացված է օրիգինալից 2019 թ․ մարտի 27-ին. Վերցված է 2020 թ․ մարտի 7-ին.
- ↑ McCurry, Justin (2017 թ․ նոյեմբերի 24). «Japanese politicians force colleague with baby to leave chamber». The Guardian. Վերցված է 2018 թ․ մարտի 13-ին.
- ↑ http://www.asahi.com/ajw/articles/AJ201711230043.htm(չաշխատող հղում)
- ↑ Fifield, Anna; Oda, Yuki (2017 թ․ նոյեմբերի 24). «A Japanese politician took her baby to work. Male colleagues made a fuss». The Washington Post. Վերցված է 2018 թ․ մարտի 13-ին.
- ↑ Kyodo News (2018 թ․ մարտի 13). «Kumamoto assembly bans nonmembers in response to November baby disruption». Japan Times. Արխիվացված է օրիգինալից 2020-07-11-ին. Վերցված է 2018 թ․ մարտի 13-ին.
Արտաքին հղումներ
խմբագրել- Պաշտոնական կայք Արխիվացված 2020-08-13 Wayback Machine (ճապոներեն)