Մուրզիլկան և հսկան
«Մուրզիլկան և հսկան» (ռուս.՝ «Мурзилка и великан»), խորհրդային անիմացիոն ֆիլմ, որն ստեղծվել է 1960 թվականին ռեժիսոր-մուլտիպլիկատոր Պյոտր Նոսովի կողմից[1]։ Հատուկ թղթակից Մուրզիլկայի արկածների մասին պատմող չորս ֆիլմերի շարքի երրորդ մուլտֆիլմն է։
 | |
|---|---|
 | |
| Տեսակ | մուլտֆիլմ |
| Ժանր | հեքիաթ |
| Ռեժիսոր | Պյոտր Նոսով |
| Սցենարիստ | Անատոլի Սազոնով |
| Երաժշտություն | Կարեն Խաչատրյան |
| Երկիր |  ԽՍՀՄ |
| Ընկերություն | Սոյուզմուլտֆիլմ |
| Թվական | 1960 |
Սյուժե խմբագրել
Մի օր հեռավոր թագավորության առասպելական հսկա Դերմիդոնտովիչը պատահականորեն գրքից տեղափոխվում է 1960 թվականի Խորհրդային Միություն՝ հայտնվելով ուղղակի Ժողովրդական տնտեսության ձեռքբերումների ցուցահանդեսում։ Սկզբում հսկան ապշում է իր տեսածից և ոչինչ չի հասկանում. ուղղաթիռը ջրաղացի տեղ ընդունելով՝ նա դրան ուղղահայաց դիրք է տալիս, իսկ ռոբոտի տեսնելուց վախեցնում է և փախչում։ Ռոբոտը զանգում է «Վերջին հեքիաթային լուրերի» հատուկ թղթակից Մուրզիլկային և հայտնում ցուցահանդեսում հսկայի հայտնվելու մասին։
Մուրզիլկային հանձնարարվում է հսկայի համար կազմակերպել փոքրիկ էքսկուրսիա, որպեսզի նա հեքիաթ վերադառնա լավ տպավորություններով։ Մուրզիլկան ժամանում է հսկայի մոտ, ծանոթանում նրա հետ և նրան ցույց տալիս «հրաշքներ»՝ խորհրդային տեխնոլոգիաների նվաճումները։
Հսկան ի սկզբանե թերահավատորեն է վերաբերվում բոլոր տեսածներին և հայտարարում է, որ հեքիաթային երևույթները շատ ավելի լավն են։ Սակայն ավելի ուշ հսկան, այնուամենայնիվ, հասկանում է, որ Խորհրդային Միությունում խելացի մարդիկ են ապրում ու աշխատում և տեսածից տպավորված վերադառնում է գիրք։
Ստեղծողներ խմբագրել
- Սցենարի հեղինակ՝ Անատոլի Սազոնով
- Ռեժիսոր՝ Պյոտր Նոսով
- Բեմադրող նկարիչներ՝ Վլադիմիր Արբեկով, Լիդիա Մոդել
- Կոմպոզիտոր՝ Կարեն Խաչատրյան
- Օպերատորներ՝ Ն. Կլիմովա, Ե. Ռիզո
- Հնչյունային օպերատոր՝ Գեորգի Մարտինյուկ
- Խմբագիր՝ Արկադի Սնեսարև
- Մուլտիպլիկատորներ՝ Էլիզաբեթ Կոմովա, Լիդիա Ռեզցովա, Իվան Դավիդով, Բորիս Չանի, Իգոր Պոդգորսկի, Ս. Ստեպանով, Ֆաինա Եպիֆանովա, Վ. Ռյաբչիկով, Գալինա Կարավաևա
- Ռեժիսորի օգնականներ՝ Գ. Բրոդսկայա, Տ. Տեպլյակովա
- Նկարիչ-դեկորատորներ՝ Գ. Նևզորովա, Իրինա Սվետլիցա, Ե. Տանենբերգ
Վիդեո խմբագրել
Մուլտֆիլմը 1990-ական թվականներին թողարկվել է VHS-ով «СОЮЗ-ВИДЕО» ընկերության կողմից, 2000 թվականին վերթաթողարկվել է DVD–ով նույն ընկերության կողմից։
Փաստեր խմբագրել
- Երաժշտական մուտքի առաջին ակորդները վերցվել են «Թռիչք դեպի Լուսին» մուլտֆիլմից։ Ընդ որում՝ երկու մուլտֆիլմերի սկզբի երաժշտություններն էլ գրված են միանգամայն նույն տոնայնությամբ։