Մուրզիլկայի արկածները (ռուս.՝ Приключения Мурзилки), խորհրդային մուլտիպլիացիոն ֆիլմ[1], որը ստեղծվել է 1956 թվականին, ռեժիսոր-մուլտիպլիկատորներ Բորիս Ստեպանցևի և Եվգենի Ռայիկովսկու կողմից։ Առաջին մուլտֆիլմն է հատուկ թղթակից Մուրզիլկայի արկածների մասին։

Մուրզիլկայի արկածները
Տեսակմուլտֆիլմ
Ժանրկինոկատակերգություն և հումոր
ԿերպարներQ97662295?
ՌեժիսորԲորիս Ստեպանցև և Եվգենի Ռայկովսկի
ՍցենարիստՕլեգ Էրբերգ և Նիկոլայ Էրդման
ՀնչյունավորումԳեորգի Վիցին
Բեմադրող նկարիչԱնատոլի Սավչենկո
ԵրաժշտությունՅուրի Լևիտին
Երկիր ԽՍՀՄ
ԸնկերությունՍոյուզմուլտֆիլմ
Տևողություն20 րոպե
ՍիկվելՆորից անբավարար (մուլտֆիլմ)
Թվական1956

Սյուժե խմբագրել

Հեքիաթային լրագրող Մուրզիլկան արձակուրդում գտնվելու ընթացքում ամսագրի գլխավոր խմբագրից «Կայծակ» հեռագիր է ստանում, որում Մուրզիլկային հանձնարարվում է նոր թողարկման համար լուսանկարել լավ տղայի կամ գյուտարար երեխայի։ Մուրզիլկան բզեզի տեսքով շտապ «անտառային տաքսի» է վերցնում և թռչում Մոսկվա։

Մոսկվայում Մուրզիլկան պատահաբար հետևում է մի բնակարանի պատուհանին, որտեղ ապրում է սովորական դպրոցական Պետյան։ Սկզբում Պետյան շատ լավ տպավորություն է թողնում Մուրզիլկայի վրա. նա լսում է իր մորը, քաղաքավարի է, պարզվում է, որ նա գյուտարար է, ինչի համար մայրը նրան անակնկալ էր խոստացել, և Մուրզիլկան անմիջապես լուսանկարում է նրան։ Բայց փողոց դուրս գալով՝ տղան արմատապես փոխվում է՝ հանկարծ վերածվելով կռվարարի։ Մուրզիլկան լուսանկարում է նաև նրա բոլոր գործողությունները. թե ինչպես է ծաղրում կատվին, աղջիկների հյուսիկներից քաշում, ծխում և ամենից վատը՝ պարսատիկից կրակում է թռչունների բույնին, մինչև որ Մուրզիլկան կարողանանում է փրկել թռչուններին։

Երբ հաջորդ օրը Պետյան արթնանում է, պարզվում է, որ անակնկալը «Մուրզիլկա» ամսագրի բաժանորդագրությունն է, որի վերջին համարը ստանում է տղան։ Բացելով ամսագիրը՝ Պետյան տեսնում է իր լուսանկարն «օրինակելի տղայի» տեսքով. «Պետյան տանն է»։ Բայց երբ նա շրջում է էջը, նա իր մոր հետ տեսնում է Մուրզիլկայի կողմից արված բոլոր «հերոսությունների» լուսանկարները` «Եվ նա այդպիսին է փողոցում» մակագրությամբ։

Գլխավոր խմբագիրը շնորհակալություն է հայտնում թղթակից Մուրզիլկային կատարած աշխատանքի համար և շեշտում նրա ինքնատիպությունը. մամուլը ոչ միայն պետք է նշի լավը, այլև բացահայտի վատը։

Հեղինակներ խմբագրել

  • Սցենարի հեղինակներ՝ Օլեգ Էրբերգ, Ա. Կարանով, Նիկոլայ Էրդման
  • Ռեժիսորներ՝ Եվգենի Ռայկովսկի, Բորիս Ստեպանցև
  • Կոմպոզիտոր՝ Յուրի Լևիտին
  • Բեմադրող նկարիչ՝ Անատոլի Սավչենկո
  • Օպերատորներ՝ Եկատերինա Ռիզո, Ն. Սոկոլովա
  • Հնչյունային օպերատոր՝ Բորիս Ֆիլչիկով
  • Նկարիչ-մուլտիպլիկատորներ՝ Ֆեոդոր Խիտրուկ, Վադիմ Դոլգիխ, Վիկտոր Լիխաչև, Ֆաինա Եպիֆանովա, Տատյանա Ֆյոդորովա, Տատյանա Տարանովիչ

Վերաթողարկում խմբագրել

Այս մուլտֆիլմը VHS ձևաչափով թողարկվել է «Սոյուզ վիդեո» ընկերության կողմից 1990-ական թվականներին, նույն ընկերության կողմից DVD ձևաչափով վերաթողարկվել է 2000-ական թվականներին։

Ծանոթագրություններ խմբագրել

Գրականություն խմբագրել