Մուրադ Մուրադյան (քաղաքապետ)

Անվան այլ կիրառումների համար տե՛ս՝ Մուրադ Մուրադյան (այլ կիրառումներ)

Մուրադ Հովհաննեսի Մուրադյան (հոկտեմբերի 26, 1930, Լենինական, Հայկական ԽՍՀ, ԱԽՖՍՀ, ԽՍՀՄ - սեպտեմբերի 9, 2015, Երևան, Հայաստան), ՀԽՍՀ և Հայաստանի պետական գործիչ, Երևանի քաղաքապետ (1975-1985 թթ.), ՀՀ Նախագահին առընթեր ներման հարցերի հանձնաժողովի նախագահ։

Մուրադ Հովհաննեսի Մուրադյան
Ծնվել է	հոկտեմբերի 26, 1930(1930-10-26)
Ծննդավայր	Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	սեպտեմբերի 9, 2015(2015-09-09) (84 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ, Հայաստան
Կրթություն	Շիրակի պետական համալսարան (1953) և Մոսկվայի պոլիտեխնիկական համալսարան (1962)
Մասնագիտություն	քաղաքական գործիչ և ֆիզիկոս
Զբաղեցրած պաշտոններ	Երևանի քաղաքապետ և ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և մրցանակներ	Երևանի պատվավոր քաղաքացի և Գյումրու պատվավոր քաղաքացի

Կրթություն

1948 թվականին ավարտել է միջնակարգ դպրոցը։ 1948-1953 թվականներին սովորել և ավարտել է Լենինականի Միքայել Նալբանդյանի անվան մանկավարժական ինստիտուտի ֆիզիկամաթեմատիկական ֆակուլտետը։ 1962 թվականին հեռակա ուղուցմամբ ավարտել է Մոսկվայի մեքենաշինական ինստիտուտը։

Աշխատանքային գործունեությունը

• 1953-1958 թթ. - աշխատել է Լենինականի տարբեր դպրոցներում՝ որպես ֆիզիկայի և մաթեմատիկայի ուսուցիչ։
• 1958-1964 թթ. - աշխատել է Լենինականի հղկող հաստոցների գործարանում՝ որպես ինժեներ, ինժեներ-տեխնոլոգ, տնօրենի տեղակալ։
• 1964-1965 թթ. - Լենինականի «Միկրոէլեկտրաշարժիչ» գործարանի տնօրեն։

Քաղաքական գործունեությունը

• ԽՄԿԿ անդամ 1957 թվականից։
• 1965-1967 թթ. - ՀԿԿ Լենինականի քաղաքային կոմիտեի արդյունաբերության և տրանսպորտի բաժնի վարիչ, ՀԿԿ Կենտկոմի թեթև ու սննդի արդյունաբերության բաժնի վարիչի տեղակալ։
• 1967 թ. ընտրվել է ՀԿԿ Լենինականի քաղկոմի երկրորդ քարտուղար։
• 1968 թ. ընտրվել է ՀԿԿ Լենինականի քաղկոմի առաջին քարտուղար։
• 1969 թվականից ՀԿԿ ԿԿ բյուրոյի անդամության թեկնածու։
• 1975 թ. ընտրվել է Երևանի քաղխորհրդի գործկոմի նախագահ։
• 1985-1988 թթ. - ՀԿԿ կենտկոմի քարտուղար, միաժամանակ շինարարության և քաղաքային տնտեսության բաժնի վարիչ։
• 1988-1990 թթ. - Հայկոոպի նախագահ։
• Եղել է ԽՍՀՄ և ՀԽՍՀ Գերագույն խորհուրդների պատգամավոր։
• 2008 թվականից ՀՀ Նախագահին առընթեր ներման հարցերի հանձնաժողովի նախագահն է։
• ««Շիրակ» միջազգային միավորում» ՀԿ նախագահ։
• 2012 թ. ՀՀ ԱԺ ընտրություններին առաջադրվել է ՀՀԿ համամասնական ընտրացուցակով։
• ԽՍՀՄ 8-9-րդ, ՀԽՍՀ 10-րդ գումարումների գերագույն խորհրդի պատգամավոր։

Պարգևներ և կոչումներ

• Լենինի շքանշան
• Աշխատանքային կարմիր դրոշի շքանշան (կրկնակի)
• Երևանի պատվավոր քաղաքացի (2002 թ.)
• Գյումրու պատվավոր քաղաքացի (2002 թ.)
• Սուրբ Մեսրոպ Մաշտոցի շքանշան (2010 թ.)

Արտաքին հղումներ

• Մուրադ Մուրադյան. Կուզեի՝ Երևանը Երևան մնար

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 95)։