Մուտք Պալերմոյի նավահանգիստ լուսնկա գիշերով (նկար)
«Մուտք Պալերմոյի նավահանգիստ լուսնկա գիշերով» (ֆր.՝ Entrée du port de Palerme au clair de lune), ֆրանսիացի նկարիչ, ծովանկարչության կարկառուն ներկայացուցիչ Կլոդ Ժոզեֆ Վերնեի նկարներից։ Հեղինակը կտավը վրձնել է 1769 թվականին։ Յուղաներկով կտավի չափերն են՝ 99,5 × 138 սմ։ «Մուտք Պալերմոյի նավահանգիստ լուսնկա գիշերով» ստեղծագործությունն այսօր պահպանվում և ցուցադրվում է Էրմիտաժում[2] (Սանկտ Պետերբուրգ, Ռուսաստան)։
 | |
|---|---|
 | |
| տեսակ | գեղանկար |
| նկարիչ | Կլոդ Ժոզեֆ Վերնե |
| տարի | 1769 |
| բարձրություն | 99,5 սանտիմետր[1] |
| լայնություն | 138 սանտիմետր[1] |
| ստեղծման վայր | Ֆրանսիա[1] |
| ժանր | բնանկար և ծովանկար |
| նյութ | յուղաներկ[1] և կտավ[1] |
| գտնվում է | Պետական Էրմիտաժ[1] |
| հավաքածու | Պետական Էրմիտաժ |
պատկերված են
| |
Ծանոթագրություններ | |
ՆկարագիրԽմբագրել
«Մուտք Պալերմոյի նավահանգիստ լուսնկա գիշերով» ստեղծագործությունում հեղինակը՝ Կլոդ Ժոզեֆ Վերնեն պատկերել է ծավային տեսարան։ Առաջին պլանում հեղինակը վրձնել է մարդկանց ստաֆաժային ֆիգուրներ, որոնք զբաղված են նավահանգստային զանազան գործերով։ Ձկնորսը քաշում է որսը, բեռնակիրները հանգստանում են հակերի ու տակառների վրա։ Խարույկի հարևանությամբ կերակրաման է կախ տված։ Ձախ կողմում հեղինակը նկարել է իտալական Պալերմո քաղաքի նավահանգստային ամրոցի աշտարակը՝ Կաստելամարեն։ Երկնքում կույտավոր ամպեր են պատկերված, որոնց միջից երևում է լուսավոր Լուսինը։ Ձախ կողմի ներքևի հատվածում երևում է Կլոդ Ժոզեֆ Վերնեի ստորագրությունն ու կտավի ստեղծման տարեթիվը՝ «J. Vernet f 1769»: Աջ կողմի ներքևի հատվածում վարդագույն ներկով նշված է 3392 թիվը, որն Էրմիտաժի առաջին գույքագրման ու համարակալման ժամանակ։
ՊատմությունԽմբագրել
«Մուտք Պալերմոյի նավահանգիստ լուսնկա գիշերով» ստեղծագործությունը ստեղծվել է 1769 թվականին[3]։ Առաջին գնորդը դարձել է ֆրանսիացի ազնվական՝ Լոնգվիլիեն՝ Մոնտրյոյից։ Մինչև 1790 թվականը կտավը գտնվել է Բուայե դը Ֆոնսկոլոմբի հավաքածուում։ Սկսած 1803 թվականից նկարը Սանկտ Պետերբուրգում է[4]։
ԾանոթագրություններԽմբագրել
- ↑ 1,0 1,1 1,2 1,3 1,4 1,5 https://www.hermitagemuseum.org/wps/portal/hermitage/digital-collection/01.+Paintings/37281/
- ↑ Государственный Эрмитаж. — Верне, Клод Жозеф. «Вход в Палермский порт при лунном свете».
- ↑ Description sur le site du musée de l'Ermitage
- ↑ Немилова И. С. Французская живопись XVIII века в Эрмитаже. Научный каталог. — Л., Искусство, 1982. — С. 152.
ԳրականությունԽմբագրել
- Cinq siècles de peinture française, Musée Pouchkine/Musée de l'Ermitage, Léningrad, éd. Aurora, 1990, n° 151
- Diderot, Salons de 1767-1769, éd. Bukdahl, Delon, Lorenceau, Hermann, 1990, Texte p. 609 et note 118