Մորիս Բերգ
Մորիս «Մո» Բերգ (մարտի 2, 1902[1][2], Հառլեմ, Նյու Յորք շրջան, Նյու Յորք, Նյու Յորք, ԱՄՆ[3][4][5] - մայիսի 29, 1972 կամ մայիսի 30, 1972[6], Բելվիլ, Էսեքս շրջան, Նյու Ջերսի, ԱՄՆ[7]), ամերիկացի բեյսբոլիստ-քեթչեր, Բեյսբոլի բարձրագույն լիգայի մարզիչ, որը Երկրորդ համաշխարհային պատերազմի ժամանակ դարձել է Ռազմավարական ծառայությունների վարչության լրտես։ 1933 թվականին դարձել է Ամերիկյան լիգայի չեմպիոն։ Չնայած որ հանդես է եկել բարձրագույն լիգայի 15 մրցաշրջաններում, խաղալով Ամերիկյան լիգայի 4 թիմերում։ Բերգը մշտապես եղել է միջին որակի խաղացող, որը, որպես կանոն, մշտապես օգտագործվել է որպես պահեստային քեթչեր։ Նրան հաճախ անվանել են «բեյսբոլի ամենախելացի տղա»[10]։ Բեյսբոլիստ Քեյսի Սթենգելը մի անգամ Բերգին անվանել է «ամենատարօրինակ մարդը, որը երբևէ խաղացել է բեյսբոլ»[11]։
| Մորիս Բերգ անգլ.՝ Moe Berg | |
|---|---|
 | |
| Ծնվել է | մարտի 2, 1902[1][2] |
| Ծննդավայր | Հառլեմ, Նյու Յորք շրջան, Նյու Յորք, Նյու Յորք, ԱՄՆ[3][4][5] |
| Մահացել է | մայիսի 29, 1972 (70 տարեկան) կամ մայիսի 30, 1972[6] (70 տարեկան) |
| Մահվան վայր | Բելվիլ, Էսեքս շրջան, Նյու Ջերսի, ԱՄՆ[7] |
| Գերեզման | Սկոպուս լեռ |
| Քաղաքացիություն |  ԱՄՆ |
| Կրոն | հուդայականություն[8] |
| Կրթություն | Փրինսթոնի համալսարան, Կոլումբիական համալսարանի իրավագիտության ֆակուլտետ և Barringer Academy of the Arts & Humanities? |
| Մասնագիտություն | բեյսբոլիստ և հետախույզ |
| Աշխատավայր | Ռազմավարական ծառայությունների գրասենյակ |
| Պարգևներ և մրցանակներ | |
 Moe Berg Վիքիպահեստում | |
Բերգն սովորել է Փրինսթոնի համալսարանում և Կոլումբիայի համալսարանի իրավաբանության ֆակուլտետում։ Բերգը խոսել է մի քանի լեզուներով և օրվա ընթացքում մշտապես կարդացել մինչև 10 թերթ։ Նրա հեղինակությունը պայմանավորված է եղել «Information, please!» ռադիովիկտորինայի ժամանակ հաջողությամբ հանդես գալով, որտեղ նա պատասխանել հունական և լատինական ծագմամբ անունների և բառերի ստուգաբանության, Եվրոպայի և Հեռավոր Արևելքի պատմական իրադարձությունների, ինչպես նաև ընթացիկ քաղաքական գործընթացների վերաբերյալ հարցերին[12]։
ԱՄՆ կառավարության լրտեսի կարգավիճակում մեկնել է Հարավսլավիա՝ Դիմադրության շարժման խմբերի վերաբերյալ տեղեկատվություն հավաքելու համար, որոնց աջակցության հարցը դիտարկում էր ԱՄՆ կառավարությունը։ Այնուհետ նա ուղարկվել է Իտալիա, որտեղ հանդիպել է մի շարք գիտնականների հետ, այդ թվում հայտնի մեխանիկ Անտոնիո Ֆերիի և ֆիզիկոսների հետ, որոնք աշխատում էին Գերմանական միջուկային ծրագրում։
Պատերազմից հետո Բերգը որոշ ժամանակ աշխատել է Ռազմավարական ծառայությունների վարչության հենքի վրա ստեղծված Կենտրոնական հետախուզական վարչությունում, սակայն 1950-ական թվականների կեսերին դարձել է գործազուրկ։ Իր կյանքի վերջին երկու տասնամյակն անց է կացրել առանց աշխատանքի՝ ապրելով իր եղբայրների և քույրերի հետ։
2018 թվականին թողարկվել է «Լրտեսական խաղ» ֆիլմը, որտեղ Բերգի դերը մարմնավորել է Փոլ Ռադը։
Ծանոթագրություններ
խմբագրել- ↑ 1,0 1,1 SNAC — 2010.
- ↑ 2,0 2,1 Find A Grave — 1996.
- ↑ 3,0 3,1 3,2 https://blogs.princeton.edu/manuscripts/2012/04/02/moe-berg-class-of-1923-baseball-player-world-war-ii-spy/
- ↑ 4,0 4,1 4,2 https://blogs.princeton.edu/manuscripts/2012/04/
- ↑ 5,0 5,1 5,2 http://www.washingtonpost.com/opinions/banzai-babe-ruth-baseball-espionage-and-assassination-during-the-1934-tour-of-japan-by-robert-k-fitts/2012/06/08/gJQAqxTZOV_story.html
- ↑ 6,0 6,1 6,2 Library of Congress Authorities — Library of Congress.
- ↑ 7,0 7,1 7,2 http://www.fold3.com/page/3123897_morris_berg/photos/
- ↑ https://www.jewishvirtuallibrary.org/moe-berg
- ↑ https://www.nytimes.com/2018/07/30/sports/moe-berg-hall-of-fame.html
- ↑ Davidoff, p.17
- ↑ Berger, Ralph. «Moe Berg». The Baseball Biography Project. The Society for American Baseball Research. Արխիվացված է օրիգինալից 2012 թ․ հոկտեմբերի 7-ին. Վերցված է 2007 թ․ մարտի 11-ին.
- ↑ Dawidoff, 15-16.
Գրականություն
խմբագրել- Nicholas Dawidoff The Catcher was a Spy: The Mysterious Life of Moe Berg. — New York: Vintage Books, 1994. — ISBN 0-679-76289-2
 | Վիքիպահեստն ունի նյութեր, որոնք վերաբերում են «Մորիս Բերգ» հոդվածին։ |