Վիքիպեդիա

Մոգերի երկրպագություն (նկար, Պիտեր Բրեյգել Ավագ)

Պիտեր Բրեյգել Ավագի նկար

Մոգերի երկրպագություն, Պիտեր Բրեյգել Ավագի նկար, ստեղծվել է 1564 թվականին։ Նկարն ստեղծվել է այն ժամանակ, երբ նկարիչն ապրել և ստեղծագործել է Բրյուսելում։ Նկարը մոգերի երկրպագությանը նվիրված շարքի երեք նկարներից մեկն է։ Առաջին նկարը (1556—1562 թվականներ) շատ վատ է պահպանվել և գտնվում է Բրյուսելի Գեղեցիկ արվեստների թագավորական թանգարանում, երկրորդը լավ է պահպանվել (1564 թվական) և գտնվում է Լոնդոնի ազգային պատկերասրահում, երրորդը (1567 թվական) գտնվում է Օսկար Ռայնխերտի թանգարանում (Վինտերտուր)[4]։

Մոգերի երկրպագություն
տեսակգեղանկար
նկարիչՊիտեր Բրեյգել Ավագ[1]
տարի1564
բարձրություն112,1 սանտիմետր[2]
լայնություն83,9 սանտիմետր[2]
ժանրհոգևոր արվեստ[1]
նյություղաներկ և oak panel?[2]
գտնվում էԼոնդոնի ազգային պատկերասրահ[2]
հավաքածուԼոնդոնի ազգային պատկերասրահ
հիմնական թեմաՄոգերի երկրպագություն[3]
https://www.wga.hu/html/b/bruegel/pieter_e/08/02adorat.html կայք
Ծանոթագրություններ
 The Adoration of the Kings by Pieter Bruegel the Elder (National Gallery, London) Վիքիպահեստում

Պատմություն խմբագրել

Նկարի ստեղծման ժամանակաշրջանը համընկնում է Իսպանիայի Ֆիլիպ II արքայի հոլանդական տարածաշրջանում կառավարելու շրջանին։ Պիտեր Բրեյգել Ավագն ապրել և ստեղծագործել է Իսպանական Նիդերլանդներում։ Այդ շրջանում հոլանդական հասարակությունը արմատական փոփոխություններ էր ապրում, ինչն արտահայտվում էր իսպանացիների կառավարության դեմ դժգոհությամբ, կաթոլիկների և բողոքականների միջև հաճախակի դավանաբանական բախումներով։ Բրյուսելը, որտեղ ապրում և ստեղծագործում էր Բրեյգել Ավագը, դարձել էր հեղափոխական իրադարձությունների կենտրոն։ Այս իրադարձությունները չէին կարող անտարբեր թողնել նկարչին, և նա սկսեց «Մոգերի երկրպագություն» նկարի աշխատանքները, սակայն իր մեկնաբանությամբ[5]։ Նկարը սառն ընդունելության է արժանացել կաթոլիկ հասարակության կողմից, քանի որ լի էր հեգնանքով և հակաեկեղեցական բովանդակությամբ։

Նկարի սյուժե խմբագրել

Նկարում հիշատակվում է Աստվածաշնչյան սյուժեն մոգերի մասին, որոնք եկել էին Արևելքից, որպեսզի երկրպագեն նորածին Հիսուսին և նրան ընծաներ մատուցեն։ (Մատթեոս 2:1-11)։ Իր ստեղծագործության մեջ Պիտեր Բրեյգել Ավագը որոշել է հեռանալ ավանդական նկարչությունից և ուրախության պահը ներկայացնելուց։ Գտնվելով Հիերոնիմոս Բոսխի արվեստի ազդեցության տակ՝ Բրեյգել Ավագը ստեղծել է նկար, որում չի արտահայտվում Մանկան ծննդյան ուրախությունը․ բոլոր կերպարները, նույնիսկ Մարիամ Աստվածածինը, տխուր են։ Հիսուսը և Մարիամը նկարի գլխավոր կերպարներն են։ Կանաչ հանդերձով տղամարդը ինչ-որ բան է շշնջում Հովսեփի ականջին։ Հովսեփը փակ աչքերով է լսում նրան, ինչն արտահայտում է անտարբերություն իրադարձության վերաբերյալ։ Փարախի մուտքի մոտ և Մարիամի, Մանկան, Հովսեփի, մոգերի և թխամորթ Բաղդասարի մոտ տղամարդիկ և զինվորներ կան, որոնց դեմքերին նկարիչը հաղորդել է հեգնանք և չարախնդություն[6]։

Պատկերասրահ խմբագրել

  • Դրվագներ նկարներից
  •  
    Մարիամը և մանուկ Հիսուսը
  •  
    Հովսեփը և նրա ականջին շշնջացող տղամարդը
  •  
    Մոգը՝ ընծայով
  •  
    Կերպարներ Հովսեփի մոտ

Ծանոթագրություններ խմբագրել

  1. ↑ 1,0 1,1 https://rkd.nl/explore/images/260968
  2. ↑ 2,0 2,1 2,2 2,3 http://www.nationalgallery.org.uk/paintings/pieter-bruegel-the-elder-the-adoration-of-the-kings
  3. ↑ https://rkd.nl/en/explore/images/260968
  4. ↑ А. Майкапар Брейгель Старший Питер. — Великие художники. — М: Директ-медиа, 2010. — С. 20. — 49 с. — ISBN 5747500279
  5. ↑ Коллектив авторов Нидерланды в XVI и первой половине XVII века. Эпоха Реформации. Европа / отв. ред. Бадак А. Н. — М: АСТ, 2002. — С. 44–96. — ISBN 985-13-0267-8
  6. ↑ Замкова М. В. Лондонская Национальная галерея. — Шедевры мировой живописи в вашем доме. — ОЛМА Медиа Групп, 2003. — С. 40. — 127 с. — ISBN 5948492176

Արտաքին հղումներ խմբագրել

Профиль картины на сайте Лондонской национальной галереиԱրխիվացված 2017-09-11 Wayback Machine

 Վիքիպահեստն ունի նյութեր, որոնք վերաբերում են «Մոգերի երկրպագություն (նկար, Պիտեր Բրեյգել Ավագ)» հոդվածին։
Ստացված է «https://hy.wikipedia.org/w/index.php?title=Մոգերի_երկրպագություն_(նկար,_Պիտեր_Բրեյգել_Ավագ)&oldid=9827676» էջից